Luku 8:2 - LAWA A BOO SONBORE

² ka bɛ dɔ nɛ, a lɔn mɛnɛn si nɔ̀ɔn baraan la ka busun ni, bɛn dɔn nə́ goã kun ni. Ǹ tɔn man ke: Magadalaan Mariya nɛ, nɔ̀ɔn sɔbaa nə n bɔ min mɛn ganaa;

LAWA A BOO SONBORE 2011

² ka bɛ dɔ nɛ, a lɔn mɛnɛn si nɔ̀ɔn baraan la ka busun ni, bɛn dɔn nə́ goã kun ni. Ǹ tɔn man ke: Magadalaan Mariya nɛ, nɔ̀ɔn sɔbaa nə n bɔ min mɛn ganaa;

Luku 8:2 Iomraidhean Croise

Matiə 4:24

Yezu tɔ bɔ gána lɛ din tumaa nɛ, yǎa á woo dɔ Siirii gána nɛ. Bɛ lɛ na á toa min mɛnɛn bɛ́ ǹ nə́ goã nɔmaa-n busu tɔrɔ gigiã gɔn, busii n die ǹ dii, ǹ nə́ daa ka bɛn nɛ a li. Nɔ̀ɔnɔn bɛ́ ǹ nə́ goã min mɛnɛn ganaa, gigirisandɛnan nɛ, ka min paǹ paa gere-an nɛ, ǹ nə́ daa ka bɛ din tumaa nɛ, Yezu nə́ ǹ busu nya.

Marki 16:1

*Susu ǹ pii bɛ́ á kiɛ̃, Magadalaan Mariya laanka Zaaki ǹ dan Mariya nɛ, ka Salomee ne, bɛn nə́ nyɔɔ gìĩ kɔɔ̃n pii, mà ǹsɛn man woe loe Yezu gere ganaa.

Marki 16:9

Yezu yii bɛ́ á wusoo á kaa, a nɔ̀ɔn sɔbaa loo á ǹ bɔ Magadalaan Mariya mɛn ganaa, a na á n din nyaa bɛ lɛ-n bɔrɔ, susu ǹ pii a lɛawaa baayɛlɛ lɛliɛnɛ.

Luku 23:27

Zaman gole na á goã Yezu lɛ kio. Lɔn mɛnɛn bɛ́ ǹ nə́ goã ǹ tan, bɛn nə́ goã wuu pii ǹ nə́ n lala diɛ a lɛa.

Luku 23:49

Yezu a giaáran tumaa goã tiãlɛa. Lɔn mɛnɛn dɔn nə kɔ lɛ ǹ nə́ bɔ Galilee gána nɛ, bɛn dɔn nə́ goã tiãlɛa ǹ nə́ giɛ.

Luku 23:55

Lɔn mɛnɛn nə kɔ Yezu lɛ ǹ nə́ bɔ Galilee gána nɛ, bɛn nə́ Zozɛfu lɛ da zii. Ǹ nə́ ga yala lɛ ganaa ka gere lɛ a naa tán-a ǹ gɔn nɛ.

Luku 8:30

Giĩ lɛ bɛ́ tán-a a giulun, Yezu nɔ̀n da la: «N tɔ n die?» Á pɛ Yezu ni: «Ma tɔ n "Damata".» Sonbore ne, nɔ̀ɔn baraa gigiã na á goã giĩ lɛ ganaa.

Zaã a sɛ́wɔ 19:25

Yezu a náa laanka a náa lɛ dɔɔ̃nlɔ goã golee ne a dere ǹ gɔn lɛ genli, kun ka Klopaasi a lɔ Mariya laanka Magadalaan Mariya nɛ.

Nya ǹ dín 1:14

Lɔn kɔnɔn dɔn nə́ goã kunun ǹ ni, Yezu din a náa Mariya nɛ ka Yezu ǹ dɔɔ̃nɔn nɛ. Ǹ tumaa na á goã bɛ̀ ǹ nə n lɛ kaa kun, ǹ Lawa nyankɔ.