Luku 8:18 - LAWA A BOO SONBORE

¹⁸ «Bɛ lɛ tɔ ganaa, ka yiri bɔ ka dinin too kɔ ǹ gɔn li. A giala màn bɛ́ min mɛn lon, kɔsɔ á re n diɛ bɛa dɛnaa wɔ li, màn boɛɛn bɛ́ min mɛn lon, a ná a ba giɛ a màn da li wa, bɛ lɛ dɔ á re n sii la.»

LAWA A BOO SONBORE 2011

¹⁸ Bɛ lɛ tɔ ganaa, ka yiri bɔ ka dinin too kɔ ǹ gɔn li. A giala màn bɛ́ min mɛn lon, kɔsɔ á re n diɛ bɛa dɛnaa wɔ li, màn boɛɛn bɛ́ min mɛn lon, a ná a ba giɛ a màn da li wa, bɛ lɛ dɔ á re n sii la.»

Luku 8:18 Iomraidhean Croise

Suusun 14:12

Min tá boe la a taasɛ mà asɛ a giã ǹ gɔn tá siĩni a da yaa dɔn, a woe-n geren piɛ.

Matiə 13:12

A giala, màn bɛ́ min mɛn lon, kɔsɔ á die n diɛ bɛa dɛnaa wɔ li a gigiã kɔ. Sɛnɛ, màn bɛ́ a ba min mɛn gɔn duduu wa, boɛɛn mɛn bɛ́ a gɔn, ǹ tá re bɛ lɛ dɔ din sii la.

Matiə 25:29

A giala, màn bɛ́ min mɛn lon, kɔsɔ n die n diɛ bɛa dɛnaa wɔ li a mɔnaa. Sɛnɛ, màn kɔ́n bɛ́ a ba min mɛn lon wa, a boɛɛn mɛn dɔ din bɛ́ a lon, bɛ lɛ dɔ n die n sii la.

Marki 13:14

« "Sii bɔnɛɛ mɛn bɛ́ basaã kɔ ǹ sii lɛa", bɛ doamaa bɛ́ a bie a yɛ bǎã mɛn nɛ wa, ka á re yii walan. (Min mɛn bɛ́ sɛ́wɔ kɛ pii, ǹ dɛnaa nə n doa a na a giala ma). Bɛa biikoo li, min mɛnɛn bɛ́ re goɛ̃ Zudee gána nɛ bɛn doamaa nɛ ǹ baa si ǹ wo kelen la.

Luku 19:26

Kii lɛ mà asɛ n pii ǹ ni: Màn bɛ́ min mɛn lon, kɔsɔ á re n diɛ bɛa dɛnaa wɔ li. Sɛnɛ, a bɛ́ a ba min mɛn lon wa, ta a boɛɛn mɛn dɔ din na a tan, ǹ tá re bɛ lɛ dɔ din sii la.

Luku 9:44

«Ma bɛ́ die màn mɛn pii ka nɛ, ka n too kɔ bɛ ganaa sɔnbɔraanɛ: Minin tá re Min a Nɛgiĩ we min baraan gɔn.»

Zaã a sɛ́wɔ 15:2

Bɛ̀ da gùrù mɛn tá masɛ ganaa, a ná a nɛ koe wa, a n bɛ kuri; bɛ̀ ǹ mɛn tá nɛ koe, a n bɛ karan zɛnɛ a bǐɛ̃ kɔ, màn mɛn bɛ́ toɛ, màn wusoo a mɛ a nɛ kɔ li doo.

Nya ǹ dín 10:33

A din bǎã-n gɔrɔ má minin dia giɛ n li. N dɔ́ minbaa zɛnaa, ń lɛ kɔ ń daa wɔsɛn li. Sisia, wɔsɛn tumaa bɛ́ n yɔrɔ-a, Dɛnaa màn mɛn kɔ n la mà n pɛ, wɔsɛn man die n too koe bɛ li.

Nya ǹ dín 17:11

Minbuiinbaa goã bɛn nɛ á la Tesaloniki a Zuifun manɛ. Ǹ nə́ boo lɛ si ka foo sonbore ne. Baraabaraa maǹ nə́ goã Lawa a Boo Sɛ́wɔ lɛ pii, ǹ nə́ giɛ-a bɛ̀ a n miɛ̃ sonbore.

Rɔmu minin 12:3

Lawa din na á dí kɛ lɛ kɔ ma la, ka a din a bǐɛ̃baa barka nɛ. Bɛ lɛ tɔ ganaa, man pii ka tumaa nɛ, máa min kɔ́n baran taasiɛ wɔ, a n din da bǎã gole-n wa. Sɛnɛ, didie din boɛɛn kɔ ǹ taasiɛ wɔ a din wɔ gɔn la, Lawa goleemali pàã lɛ mɛn kɔ la, a kɔnpɛ ka bɛ nɛ.

Korɛnti1 14:37

Bɛ̀ min mɛn tá taasɛ ma asɛ n Lawa a boo gii-dali lɛa, hinlaa mà Yiri Fu a bǐɛ̃baa ǹ màn kɔ́n tá asɛ lon, a doamaa nɛ a dɔ̃, mà sɛ́wɔ ke ma á diɛ ka la, mà Dɛnaa din a dí-pɛ nɛ.

Korɛnti1 3:18

Ka nyan ka dinin yiri sã wa. Bɛ̀ min tá ka bii á n taasɛ, ka kanaa minin kɛn wɔ bɛ́ lɔn, mà asɛ n sii-dɔ̃li lɛa, ǹ dɛnaa nə n din baa gàãnaa lɛa bɔrɔ, a tɔn sii-doɛ̃ taãn yɛ.

Korɛnti1 8:2

Bɛ̀ min taasɛ a yiri ni, mà asɛ á màn kɛ doɛ̃, a tɔn bɛa màn lɛ dɔ̃, ka a bɛ́ kɔnboe a dɔ̃ lɔn wa.

Filipi minin 3:4

A da yaa, masɛ dɔ á boe la, man foo doa bɛa kanaa sii-zɛnaan kɛn lɛn ganaa. Bɛ̀ min tá taasɛ, mà asɛ foo doamaa-n bɛa minbuiinbaa ǹ siin kɛn lɛn ganaa, sonbore á yii masɛ dɔ lon, ma taasɛ miɛ̃, ma la ǹ dɛnaa nɛ.

Ebrəə 2:1

Bɛ lɛ na á toa, wɔ sonboren mɛnɛn ma, ka daa wɔ n gɔn paraa bɛn ganaa ka kaka, màn mɛn bɛ́ toɛ, wɔ baran wusoo wɔ papaã wa.