Luku 8:15 - LAWA A BOO SONBORE

¹⁵ Màn tɔrɔ mɛn bɛ́ á mɛnaa tán sonbore bǎã nɛ, bɛ n kɔnboe ka min mɛnɛn bɛ́ n too koe boo lɛ-a, ǹ si, ǹ kũ foo sonbore laanka a telee wole ne. Bɛa dɛnan lɛn man goɛ̃ bɔlɔgoondɛnaabaa la, yǎa ǹ nɛ koe.»

LAWA A BOO SONBORE 2011

¹⁵ Màn tɔrɔ mɛn bɛ́ á mɛnaa tán sonbore bǎã nɛ, bɛ n kɔnboe ka min mɛnɛn bɛ́ n too koe boo lɛ-a, ǹ si, ǹ kũ foo sonbore laanka a telee wole ne. Bɛa dɛnan lɛn man goɛ̃ bɔlɔgoondɛnaabaa la, yǎa ǹ nɛ koe.»

Luku 8:15 Iomraidhean Croise

Loen 119:11

Ma nə n lɛ kɔ ǹ boon kɛn tamaɛ ma foo ne, màn mɛn bɛ́ toɛ, ma baran sii la n la wa.

Loen 51:10

Ma makara dɔ̃ ǹ boo da ma nɛ, ma foo á re kɔɔ̃n koe a la yii ni. N masɛ mɛn yɔyɔrɛ, toa ma foo kɔɔ̃n kɔ!

Suusun 3:1

Maa nɛ, n yiri nyan bɔ ka maa daraan lɛn nɛ wa. Maa dí-pɛn lɛn tamaa n foo ne.

Zeremii 15:16

Bɛ̀ má n boo ma lɔn, man kuĩ parsiini. A n ma foo kɔɔ̃n koe, a ma foo basã. Taãn nɛ Dɛnaa Lawa Pàãyiidɛnaa, n din tɔ n ma la.

Zeremii 31:33

Dɛnaa Lawa n pii doo: – Ma bɛ́ re lɛ kɔ kɔn la mɛn we ka Izirayeli minin ni bɛa waáraa lɛ nɛ, á ke. Ma á re maa dí-pɛn kɛn we ǹ yiri ni, ma wɔ ǹ foo ne. Ma á re ǹ Lawa biɛ, ǹ dɔn tá re maa zaman biɛ.

Zeremii 32:29

Baabilonii minin nə́ yoo a gialaa, ǹ tá re kuĩ, ǹ tɛ da a ganaa. Minin nə da yon gìĩ kɔɔ̃n tã kionən hinlaa kalan mɛnɛn la *Baali wɔ lɛa, ǹ nə́ mi ǹ màn zuməə dì soreen wɔ lɛa ǹ la, ǹ nə́ ma foo da yoo ganaa nɛ, ǹ tá re tɛ diɛ bɛn ganaa.

Matiə 24:13

Sɛnɛ, bɛ̀ min mɛn si a ganaa yǎa a woo kaa a giala-nyɔmiɛ̃ lɛ, bɛa dɛnaa á die kirisibiɛ.

Luku 11:28

Sɛnɛ, Yezu pɛ: «Haayii! Min mɛnɛn bɛ́ n too koe Lawa a boo-a, ǹ nə́ tɔ we á kɔnpii-n kaa, barka á re n diɛ bɛn ganaa!»

Luku 6:45

Min sonbore n bǐɛ̃ zɛnɛɛ, a giala a gɔ́ɔ̃ n fu, min baraa dɔ n baraa zɛnɛɛ, a giala a gɔ́ɔ̃ n tì. Min gɔ́ɔ̃ bɛ́ á pã ka boo mɛn nɛ, a lɛ n bɛ lɛ diɛ.»

Luku 8:14

Màn tɔrɔ mɛn bɛ́ á mɛnaa nyanɛn bii, bɛ n ka min mɛnɛn bɛ́ boo lɛ miɛ, sɛnɛ, ǹ ba woe nyɛɛnɛ wa, taasiɛn lɛa, gɔn mànan lɛa, ka kanaa a gɔ̀nɔn nyɛɛ ǹ siin lɛa nɛ. Bɛ lɛ n toɛ, ǹ ba nɛ koe a ma wa.

Luku 8:16

Yezu pɛ: «Min kɔ́n ba bólon diɛ a tan kuməə-a hinlaa a da gə̀rə̀n giulun wa, sɛnɛ, a n diɛ bólon koa ǹ bǎã nɛ, màn mɛn bɛ́ toɛ, min mɛnɛn tumaa bɛ́ we kion, bɛn na a fúlu yɛ.

Zaã a sɛ́wɔ 14:15

«Bɛ̀ ka tá masɛ narɛ, ka á re n doɛ ka kɔ maa dí-pɛn lɛn lɛ.

Zaã a sɛ́wɔ 15:10

Bɛ̀ min mɛn tá masɛ a boo sii, bɛa dɛnaa á re goɛ̃ masɛ a kɔn-narɛɛ gɔ́ɔ̃ nɛ, ka masɛ bɛ́ má maa Díi a boo si lɔn, má n giã nɛ a kɔn-narɛɛ gɔ́ɔ̃ nɛ.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Rɔmu minin 6:22

Sɛnɛ sisia, Lawa ka si sii baraa la, á ka baa a din a bɛ̀rɛn lɛa. Ka bɛ́ dí mɛn nyɛɛ, bɛa là n ka yoreenbaa nɛ, a giala-nyɔmiɛ n ka nyin nyabaã nɛ.

Rɔmu minin 7:18

A giala, wɔ́ dɔ̃ wáa sii sonbore kɔ́n ba wɔ gɔ́ɔ̃-n wa, bɛ giala mà ǹ kɔ́n ba wɔ dinin ni wa. Ga sii bǐɛ̃ li n kɔɔ̃n wɔ ganaa, sɛnɛ, a zɛnaa ke, wɔ a boe bɛ la wa!

Rɔmu minin 7:4

Ma dɔɔ̃nɔn lɛn, ka dɔn man miɛ̃. *Krita a gɛ̀ lɛ gɔ́ɔ̃ nɛ, ka dɔn man ká gã dí-pɛn wɔ gɔn la. Sisia, ka ǹ min kɔsɔ wɔn lɛa, min mɛn bɛ́ a yii kaa á n bɔ geren bii. Wɔ ǹ bɛ wɔn lɛa, màn mɛn bɛ́ toɛ, wɔ dí nya Lawa nɛ.

Rɔmu minin 8:25

Sɛnɛ, wɔ yii bɛ́ a ba màn mɛn-a wa, wɔ foo n doa-n bɛ lɛ ganaa, wɔ nə́ n yii diɛ la ka sii simaa nɛ.

Korɛnti1 7:19

Kurii a màn kɔn lɛa wa, kuriibaã dɔ a màn kɔn lɛa wa. Lawa a dí-pɛn lɛ si dinsɔɔ̃ n sii taãn lɛa.

Efɛɛzi minin 2:8

Lawa a bǐɛ̃ lɛ a lɛa nɛ, ká kirisibaa goleemali pàã ganaa. Bɛa kirisibaa kɛ bie boe ka dinin li wa, Lawa a bǐɛ̃baa ǹ màn nɛ.

Timəə dí-pɛn 30:6

Kaa Lawa, Dɛnaa Lawa din tá re ka foo bɔyɛɛ, ka dinin laanka kaa nɛnyaanan nɛ, màn mɛn bɛ́ toɛ, ka kaa Lawa, Dɛnaa Lawa lɛ narɛ ka ka foo tumaa nɛ, ka ka gɔ́ɔ̃ tumaa nɛ, ka yii tɔn goã koo.

Filipi minin 1:11

Yezu Krita bɛ́ sii peperen mɛnɛn zɛnɛɛ wɔ nɛ, ka á re piɛ̃ ka bɛn nɛ, Lawa a gugurubaa laanka a tɔ bɔ a lɛa.

Kolɔɔsi minin 1:10

Bɛa yɔrɔ kɛ lɛ la, ka á re boe la ka tɔ wɔ, ka Dɛnaa tɔ bɔ, ka á re boe la dɔn ka a dùũ siin zɛnaa biikoo tumaa li. Ka á re bǐɛ̃ tɔrɔ tumaa zɛnɛɛ, kaa dí á re bǐɛ̃ koe, ka á re woe nyɛɛnɛ Lawa doɛ̃ gɔ́ɔ̃ nɛ.

Kolɔɔsi minin 1:6

Ka dininsɔɔ̃nɔn bie bɛa Boo Tii Kɔɔ̃n kɛ lɛ doɛ̃ wa, sɛnɛ, kanaa paǹ din tumaa n doɛ̃. Bǎã din tumaa nɛ, bɛa boo lɛ n woe nyɛɛnɛ, á barka we minin ni. Boo lɛ na á bɛ zɛnaa ka dɔn manɛ, a kũ kaa wɔ a miɛ bibinaa pinaa lɛ ganaa, ǹ Lawa a bǐɛ̃baa lɛ boo da ka nɛ ǹ mɛn pinaa, ká ma, ká a sonbore kɛ dɔ̃.

Ebrəə 10:36

Sonbore, ka laadoo tá sii simaa ganaa, ka boo la ka Lawa dùũ lɛ zɛnaa ka a lɛ pã, ka tɔn a lɛ-kɔ ǹ sii lɛ a zɛnaa yɛ.

Ebrəə 2:1

Bɛ lɛ na á toa, wɔ sonboren mɛnɛn ma, ka daa wɔ n gɔn paraa bɛn ganaa ka kaka, màn mɛn bɛ́ toɛ, wɔ baran wusoo wɔ papaã wa.

Zaaki 1:4

Sɛnɛ, ka toa kaa sii simaa yɛ foaãnɛ, màn mɛn bɛ́ toɛ, kaa sii lɛ pã a dɔ a lɛ dan ganaa, sii kɔ́n baran ka bɔ a ka daa wa.

Zaã1 2:3

Bɛ̀ wɔ á Lawa a dí-pɛn lɛ sii, wɔ ǹ doɛ̃ ka bɛ nɛ, wáa wɔ á Lawa doɛ̃.