Luku 7:6 - LAWA A BOO SONBORE

⁶ Yezu zii kũ kunun ǹ ni. A bɛ́ á diri sɔraasin giĩ lɛ a kion la, bɛ ná a giaáran dia mà ǹ da pɛ nɛ: «Mìinaa, n baran nɔmaa da n din mìi-n wa, masɛ mìi á kiɛɛrɛ man laa n ganaa, mà n din Zuifu kɛ da wɔ masɛ kooro kɛ a kion.

LAWA A BOO SONBORE 2011

⁶ Yezu zii kũ kunun ǹ ni. A bɛ́ á diri sɔraasin giĩ lɛ a kion la, bɛ ná a giaáran dia mà ǹ da pɛ nɛ: «Mìinaa, n baran nɔmaa da n din mìi-n wa, masɛ mìi á kiɛɛrɛ man laa n ganaa, mà n din Zuifu kɛ da wɔ masɛ kooro kɛ a kion.

Luku 7:6 Iomraidhean Croise

Siin Giala 32:10

Bɛ kio, Zakɔba Lawa nyankɔ á pɛ: «Ma di gole Abrahamu a Lawa, ma di Izaaki a Lawa, Dɛnaa, n din ni ń pɛ ma nɛ mà ma wusoo ma wo maa gána nɛ, ma dɔɔ̃nɔn li, mà n tá re bǐɛ̃ zɛnɛɛ ma nɛ.

Suusun 29:23

Min mɛn bɛ́ n din gole koe, bɛa dɛnaa á re boɛɛn koe. Sɛnɛ, min mɛn bɛ́ n din boɛɛn koe bɛa dɛnaa tɔ á re boe.

Matiə 20:28

Min a Nɛgiĩ dinmaa kɛ lɛ na á daa miɛ̃, a bie á daa mà minin nə dí nya asɛ-n wa, sɛnɛ, a na á daa dí nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

Matiə 3:11

Masɛ n má batɛmu da ka ganaa mu li, man nyɛɛ máa ka n taasɛ ka wusoo kaa sii baraan kio. Sɛnɛ min mɛn bɛ́ die masɛ kio, bɛ á die ka kiɛ Lawa a zii ni ka Yiri Fu pàã nɛ, a dɔlɔ bɔ ka tɛ nɛ. A pàã á gole á la masɛ wɔ nɛ. Haalɛ masɛ nə n zuməə ma a kɔsɔ biɛn fore, ma mìi á kiɛɛrɛ bɛ ganaa.

Marki 5:24

Yezu woo kun ni. Zaman gole kɔ Yezu lɛ, ǹ nə́ gɛwaa a paǹ yii ganaa.

Luku 5:8

Simɔn Piɛrɛ bɛ́ á bɛ yɛ, á kaa tán Yezu giulun, á pɛ: «Dɛnaa, n zɔ̃ n nə n bɔ masɛ ganaa, a giala masɛ n sii baraa-zɛnaali lɛa.»

Luku 7:4

Dia dí-a wolen lɛn bɛ́ ǹ nə́ dɔ Yezu li, ǹ ná a nyankɔ parsiini ǹ nə́ pɛ nɛ: «Bɛ̀ n tá boe la n sii kɛ zɛnaa sɔraasin giĩ kɛ nɛ, á siĩni. A doamaa nɛ.

Luku 7:5

A giala wɔsɛn gána á kɔɔ̃n a ganaa, ka bɛ dɔ nɛ, a din na á lɛsɔkɔn kion lɛ dɔ á kɔ wɔsɛn la.»

Luku 7:7

Man má bɛ lɛ yɛ má dɔ̃, máa masɛ doamaa bie ma da n li wa. Sɛnɛ, boo goon dinsɔɔ̃ da, masɛ a dí-nyali lɛ a busu á die nyɛɛ.

Luku 8:49

Yezu bɛ́ boo diɛ ka lɔ lɛ-n miɛ̃, dia dí-a wole goon bɔ goledɛnaa Zayirusu lɛ a piɛ, á daa pɛ nɛ: mà a nɛlɔ lɛ gã, mà a baran Mìinaa lɛ nɔmaa wa.

Nya ǹ dín 10:38

Ka á doɛ̃, mà Yezu mɛn bɛ́ boe Nazarɛti, mà Lawa na á bɔ, á Yiri Fu kɔ la parsiini, ka pàã dɔ nɛ. Á woo bǎã tumaa nɛ, á bǐɛ̃ zɛnaa. *Sɛtaan goã min mɛnɛn tumaa nɔmiɛ, á bɛn yii kaka kɔ, a giala, Lawa na á goã kun ni.

Zaaki 4:10

Ka n dinin gisĩ Dɛnaa giulun, á die ka mìi siɛ lon.

Zaaki 4:6

Sɛnɛ, Lawa din nə pàã koe wɔ la doo, wɔ boo la wɔ n dinin si wɔa taasiɛ baraan la. Bɛ lɛ na á toa a boo á pii: «Lawa n zia diɛ din gole kɔlen ganaa, sɛnɛ, a na a sonborebaa nyɛɛ din gisiĩ wolen manɛ.»