Luku 7:29 - LAWA A BOO SONBORE

²⁹ Gána lɛ a minin ni, ka wusuru-silin dɔn dinin ni, ǹ bɛ́ ǹ nə́ ǹ too kɔ ZAÃ lon, ǹ nə́ dɔ̃, ǹ nə́ lɛ kɔ, mà Lawa màn mɛn pɛ ǹsɛn wɔ gɔn la, mà sonbore ne, ǹ nə́ batɛmu lɛ si ZAÃ li.

LAWA A BOO SONBORE 2011

²⁹ Gána lɛ a minin ni, ka wusuru-silin dɔn dinin ni, ǹ bɛ́ ǹ nə́ ǹ too kɔ Zaã lon, ǹ nə́ dɔ̃, ǹ nə́ lɛ kɔ, mà Lawa màn mɛn pɛ ǹsɛn wɔ gɔn la, mà sonbore ne, ǹ nə́ batɛmu lɛ si Zaã li.

Luku 7:29 Iomraidhean Croise

Loen 51:4

Maa kɔkɔrɔbaa ǹ siin kɛn tuturu, n ma *yoreen kɔ n ma bɔ maa sã ǹ sii ni.

Matiə 5:46

Bɛ̀ n tá n narɛɛ wolen dininsɔɔ̃nɔn narɛ, ma nə n yii diɛ wàa mɛn saraa la a bɔ Lawa li doo? Wusuru-silin mɛnɛn dinin bɛ́ ǹ tá baraabaa koe ǹ ganaa, bɛn dɔn man zɛnɛɛ miɛ̃ le!

Luku 20:6

Sɛnɛ, mà bɛ̀ ǹsɛn nə́ pɛ mà minin man nə́ dia, mà zaman nə die ǹsɛn dii ka kɔlɔ nɛ ǹsɛn nə gã, a giala, mà min tumaa waa la, mà ZAÃ na á goã Lawa a boo gii-dali goon lɛa.

Luku 3:12

Wusuru-silin dɔn nə́ daa a li, mà a batɛmu da ǹsɛn ganaa. Ǹ nə́ tɔ́n nɔ̀n da la mà mìinaa, mà ǹsɛn doamaa nɛ ǹ wàa mɛn zɛnaa?

Luku 7:28

Yezu pɛ: «Masɛ n pii ka nɛ, min mɛn tumaa yɛ lɔ la, min ba bɛn bii á n gole ZAÃ -n wa. Ka bɛ lɛ din tumaa dɔ nɛ, min mɛn bɛ́ re goɛ̃ min tumaa a boɛɛn lɛa *Lawa a kiibaa ǹ bǎã kɛ nɛ, bɛ á gole á la ZAÃ nɛ.»

Luku 7:35

Sɛnɛ, min mɛnɛn nə lɛ kɔ Lawa a sii-dɔ̃ ǹ dí kɛ ganaa, bɛn yii tá-a pepere.

Nya ǹ dín 18:25

Á Dɛnaa a zii lɛ dɔ̃, a yiri dɔ bɛ́ kɔɔ̃nɛ, màn mɛn tumaa bɛ́ Yezu wɔ gɔn la, a na á goã bɛ yii pii, á n minin darɛɛ a ganaa pere-pere-pere, a da yaa, a na á goã ZAÃ a batɛmu diɛ kɛ dinsɔɔ̃ doɛ̃.

Nya ǹ dín 19:3

Pooli tɔ́n nɔ̀n da ǹ la: «Sɛnɛ, ka n ka *batɛmu mɛn tɔrɔ yɛ?» Ǹ nə́ pɛ: «ZAÃ bɛ́ á goã ǹ mɛn diɛ minin-a, wɔsɛn man wɔ́ bɛ yɛ.»

Rɔmu minin 10:3

Sonbore, Lawa bɛ́ lɛ koe minin-a min peperen lɛa ka yɔrɔ mɛn nɛ, ǹ bɛ dɔ̃ wa. Maǹ nə́ ga ǹ dinin wɔ a yɔrɔ li. Bɛ lɛ na á toa, ǹ lɛ kɔ Lawa wɔ a yɔrɔ kɛ lɛ ganaa wa.

Sii-nyaan 15:3

Maǹ nə́ goã Lawa a dí-nyali Muizu a biikoo loe loe, ka Sère Nɛ kɛ a loe ne, ǹ nə́ pii: «Dɛnaa Lawa Pàãyiidɛnaa, n nya ǹ dín tá dadara, ǹ gamaa ba min boe wa. Tɔrɔ din tumaa a kii, n sii yɔrɔ bɔ n pepere, a n taãn dɔ lɛa.

Sii-nyaan 16:5

Lon a dia dí-a wole mɛn bɛ́ mun tumaa lɛduĩ, má tɔ́n bɛ lɛ ma pii: «Lawa sonbore, nsɛ mɛn bɛ́ n tan, n goã n tan, n kiri kuru ǹ gɔn kɛ á pepere.

Sii yɔrɔ-bɔlen 1:7

Bezɛkin kii tɔ́n pɛ: «Kii pɔsɔbaa na á goã màn-bii bisin goɛ masɛ a màn bii ǹ goo giulun, ǹ gɔn a gòon mìi golen laanka ǹ gòãn wɔn nə́ kurii ni. Ma sii mɛn zɛnaa, a din lɛ n ke Lawa ma saraa nɛ.» Ǹ nə́ woo ne Zeruzalɛmu, á gã walan.