Luku 7:22 - LAWA A BOO SONBORE

²² Á tɔ́n pɛ dia dí-a wolen lɛn manɛ: «Ka woo, ka yii bɛ́ á màn mɛn yɛ, ka too bɛ́ á ǹ mɛn ma, ka bɛ lɛ pɛ ZAÃ nɛ. Yii tere-an yii wusoo á wɔlɔ yii, siməə wolen tá tɔ we tele ne, gɔ̀nɔn busu babaraa dɛnan nə́ kaka kɔ ǹ sìi nya, too tere-an too á boo miɛ, geren yii á kiɛ. Ka pɛ-n dɔn mà Lawa a Boo Tii Kɔɔ̃n kɛ tá n pii doobaan manɛ.»

LAWA A BOO SONBORE 2011

²² Á tɔ́n pɛ dia dí-a wolen lɛn manɛ: «Ka woo, ka yii bɛ́ á màn mɛn yɛ, ka too bɛ́ á ǹ mɛn ma, ka bɛ lɛ pɛ Zaã nɛ. Yii tere-an yii wusoo á wɔlɔ yii, siməə wolen tá tɔ we tele ne, gɔ̀nɔn busu babaraa dɛnan nə́ kaka kɔ ǹ sìi nya, too tere-an too á boo miɛ, geren yii á kiɛ. Ka pɛ-n dɔn mà Lawa a Boo Tii Kɔɔ̃n kɛ tá n pii doobaan manɛ.»

Luku 7:22 Iomraidhean Croise

Zɔbu 29:15

Ma din nə má goã yii tere-a yii lɛa, ma din nə má goã bɔlɔka gòãn lɛa.

Loen 146:8

Dɛnaa Lawa n yii tere-an yii buĩ. A din nə talaa wolen kuĩ ǹ koɛ lon. A n min peperen narɛ.

Izayii 42:16

Yii tere-an bɛ́ ǹ ba zii mɛn doɛ̃ wa, man diɛ ǹ kiɛ bɛ la. Man die ǹ kiɛ tɔ wɔ ganaa zii la, zii mɛn bɛ ǹ ba doɛ̃ wa. Man die tèlò bɔyɛɛ ma baa wɔlɔ fúlu lɛa ǹ nyɛɛnɛ. Ǹ bɛ́ n gòã niɛ̃ màn mɛn ganaa, man bɛ boe ma bɔ ǹ nyɛɛnɛ. Ma sii mɛn taasɛ, a din nə ke. Ma a re wusii ma kio-n wa.

Izayii 43:8

Ka tɔrɔ yii tere-a kɛ kũ, ka soo ne. A yiin tan, sɛnɛ, ǹ ba wɔlɔ yii wa. A toon tan, sɛnɛ ǹ ba boo miɛ wa.

Zeremii 31:8

A giala, man die boe ǹ ne gɔsɛ a lɛ̀gɔn la, ka gána sɔsɔɔn nɛ, ma ǹ sɔkɔn. Yii tere-an ne, bɔlɔkan nɛ, haalɛ lɔ nɔnɔan dinin laanka lɔn mɛnɛn nə nɛ yɛ sisia. Kɛ n zaman gole lɛa wusii die kànaa.

Sofonii 3:12

Má bɛ́ re min mɛnɛn toɛ ka bii, doobaan laanka pàãwɛɛnaan manɛ, ǹsɛn mɛnɛn foo bɛ́ doa-n Dɛnaa Lawa ganaa.

Matiə 11:5

Yii tere-an yii n wɔlɔ yii, bɔlɔkan man tɔ we, gɔ̀nɔn busu babaraa dɛnan busu n nyɛɛ, too tere-an man boo miɛ, geren yii n kiɛ, Boo Tii Kɔɔ̃n nə n pii doobaan manɛ.

Matiə 21:14

Yii tere-an kɔnɔn laanka bɔlɔka tɔrɔ kɔsɔn nə́ n zɔ̃ ǹ nə́ dɔ Yezu li Lawa a kion, Yezu nə́ ǹ busu nya.

Luku 4:18

Dɛnaa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ,

Luku 7:21

A din biikoo lɛ gɔ́ɔ̃ nɛ Yezu min gigiã a busu nya, á bɔlɔkan kaka kɔ, á nɔ̀ɔn baraan loo, á yii tere-a gigiã yii bũ.

Luku 7:23

Masɛ a sii bɛ́ a re min mɛn gù dii wa, Lawa á re barka diɛ bɛa dɛnaa ganaa.

Zaã a sɛ́wɔ 1:46

Natanayeli tɔ́n pɛ Filipi ni mà màn sonbore á boe la a bɔ Nazarɛti? Filipi tɔ́n pɛ nɛ mà a daa, a yii yɛ.

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Nya ǹ dín 8:7

Sonbore, nɔ̀ɔn babaraa gigiã na á goã n boe nɔ̀ɔndɛnan ganaa, bɛ̀ ǹ nə́ n lɛ dii parsiini. Bɔlɔka gigiã laanka siməə wole gigiã dɔ a busu nya.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.