Luku 7:16 - LAWA A BOO SONBORE

¹⁶ Nyɛ́ɛ min tumaa kũ, ǹ nə́ goã Lawa tɔ boe bɛ̀ ǹ nə́ pii: «Lawa a boo gii-dali gole na á bɔ wɔsɛn bii. Lawa na á daa n dɔ a din a tɔrɔ boe kɛ lɛ.»

LAWA A BOO SONBORE 2011

¹⁶ Nyɛ́ɛ min tumaa kũ, ǹ nə́ goã Lawa tɔ boe bɛ̀ ǹ nə́ pii: «Lawa a boo gii-dali gole na á bɔ wɔsɛn bii. Lawa na á daa n dɔ a din a tɔrɔ boe kɛ lɛ.»

Luku 7:16 Iomraidhean Croise

Loen 65:9

Kanaa gùrù tumaa a minin nə́ nyɛ́ɛ baa n kaãbaa ǹ sii dadaran kɛn yɛ gɔ́ɔ̃ nɛ. N din nə lɛ̀giala laanka lɛ̀nyɛɛn minin kiɛ nyɛnyɛɛ ganaa.

Bɔ bɛ̀rɛbaa nɛ 4:31

Zaman lɛ golee ǹ li. Ǹ ná a giala ma, mà Dɛnaa na á Izirayeli nɛnyaanan lɛn nɔmaa ǹ gɔn lɛ yɛ, mà a na á daa, á n die ǹ sii sii la. Ǹ nə́ kaa tán, ǹ nə́ Lawa guguru kɔ.

Zeremii 33:9

Ka bɛ-n kəni, man die Zeruzalɛmu tɔ pii ka foo kɔɔ̃n nɛ. Á re ma tɔ boe, a ma foo kɔɔ̃n kɔ tán a tɔrɔn tumaa yɔrɔ-a. Ma bɛ́ re bǐɛ̃ mɛn zɛnɛɛ maa zaman lɛ nɛ, ǹ tá re bɛ miɛ. Nyɛ́ɛ á re ǹ kuĩ, ǹ gɔ̀nɔn bìn da yii-nyɛɛ laanka gɔn mànan kɛn taman yii ma á re koe maa zaman la.»

Matiə 15:31

Minin bɛ́ ǹ nə́ lɛ tere-an yɛ boo diɛ, ǹ bɛ́ ǹ nə́ wɔ̀lɔ̀dɛnan yɛ ǹ nə́ kaka kɔ, gɔ̃naan nə́ tɔ we telee ne, yii tere-an yii n wɔlɔ yii, ǹ nə́ n kaãbaa parsiini, ǹ ná a giala kɔ ǹ nə́ Izirayeli minin Lawa guguru kɔ.

Matiə 21:11

Zaman lɛ pɛ: «Nazarɛtin Yezu, Lawa a boo gii-dali ni, Galilee gána nɛ.»

Matiə 28:8

Ǹ nə́ n nanaa, ǹ nə́ n bɔ yala lɛ lɛ-a, nyɛ́ɛ nə́ ǹ ganaa taãn-taãnɛ, nyɛnyɛɛ gole dɔ nə́ ǹ foo ne. Ǹ nə́ baa si ǹ nə́ woo boo lɛ pɛ Yezu a kialandɛnan manɛ.

Matiə 9:8

Zaman lɛ bɛ́ á bɛ yɛ lɔn, nyɛ́ɛ nə́ ǹ kũ parsiini. Ǹ nə́ goã Lawa guguru koe, bɛ miã pàã kɛ lɛ a kɔ minbuiinin la taman yii.

Luku 1:65

Bɛ lɛ taman yii, ǹ miãkɛnɛn yii tumaa nə́ n kaãbaa, bɛ̀ nyɛ́ɛ dɔ́ nə́ ǹ ganaa. Ka bɛ dɔ-n doo, minin man nə́ goã bɛa siin kɛn lɛn laakalɛɛ kɔn nɛ, Zudee gána a kelen bǎã lɛ tumaa nɛ.

Luku 1:68

«Min tumaa Dɛnaa, Izirayeli a Lawa tɔ bɔ! Á n yɔrɔ da wɔsɛn la, á wɔ nyin si, a giala, wɔ na a din a tɔrɔ lɛa.

Luku 19:44

Ǹ tá re n yui lenlen, n din laanka n gɔ́ɔ̃gɔ́ɔ̃ ǹ minin ni. Ǹ ba re kɔlɔ toɛ ǹ miã la n gɔ́ɔ̃-n wa. A giala, Lawa biikoo mɛn bɔ á daa, mà a nə n sii sii la, n bɛa biikoo lɛ dɔ̃ wa.»

Luku 2:20

Bɛ kio, tɔɔn-lɛduə̃lin lɛn nə́ wusoo ǹ nə́ woo ǹ bǎã nɛ. Ǹ màn mɛn ma, ǹ nə ǹ mɛn dɔ yɛ, ǹ nə́ goã Lawa a golebaa boo diɛ, ǹ ná a tɔ boe bɛa lɛa. Bɛ din tumaa na á n zɛnaa á kɔnpɛ ka lon a dia dí-a wole lɛ a boo pɛ nɛ.

Luku 24:19

A dɔ́ nɔ̀n da ǹ la mà wàa mɛn na á n zɛnaa? Ǹ nə́ wusoo ǹ ná a lɛ si: «N bɛ ma wa? Màn mɛn bɛ́ á n zɛnaa Nazarɛtin Yezu-n lɛn! Táa a na á goã Lawa a boo gii-dali pàãdɛnaa lɛa. A na á bɛ nyaa a zɛnaa ǹ siin li ka a da ǹ boon ne Lawa yɔrɔ-a, gána lɛ a minin dɔn tumaa yɔrɔ-a.

Luku 5:26

Ǹ tumaa nə́ n kaãbaa. Ǹ nə́ goã Lawa guguru koe. Nyɛ́ɛ bɛ́ ǹ ganaa, maǹ nə́ goã pii kɔn nɛ mà ǹsɛn nə́ siin yɛ pelo, màn mɛnɛn nə́ ǹ ba n zɛnɛɛ baraabaraa wa.

Luku 5:8

Simɔn Piɛrɛ bɛ́ á bɛ yɛ, á kaa tán Yezu giulun, á pɛ: «Dɛnaa, n zɔ̃ n nə n bɔ masɛ ganaa, a giala masɛ n sii baraa-zɛnaali lɛa.»

Luku 7:15

Bɛa bǎã lɛ-n gɔrɔ, gere lɛ yii kaa, á yoo á giã a giala la á boo da. Yezu nɛ lɛ kɔ ǹ dan la.

Luku 7:39

Fariziɛ̃n giĩ lɛ á Yezu bíi màn bii-a, a bɛ́ á sii kɛ yɛ, á pɛ a din gɔ́ɔ̃-n kɛnɛn: «Bɛ̀ giĩ kɛ n Lawa a boo gii-dali lɛa sonbore, lɔ ke n gɔn diɛ a ganaa, bɛ̀ á dɔ̃ a bɛ́ màn mɛn lɛa, bɛa lɔ kɔrɔ kɛ lɛɛ!»

Luku 8:37

Bɛ lɛ a lɛa nɛ, nyɛ́ɛ bɛa gána lɛ a minin kũ parsiini. Ǹ ná a nyankɔ Yezu lon, mà a woo a n bɔ ǹsɛn bǎã nɛ. Yezu wɔ mu kuru ǹ goo ne á woo.

Luku 9:19

Ǹ ná a lɛ si: «Min tɛnɛn mà ZAÃ mɛn bɛ́ á goã *batɛmu diɛ minin ganaa. Gialakunun dɔn mà Lawa a boo gii-dali gole Yilii ni, kɔsɔn dɔn mà a n lɛlɛ a Lawa a boo gii-dali lɛ goon lɛa, a yii kaa á n bɔ geren bii.»

Zaã a sɛ́wɔ 1:21

Ǹ nə́ tɔ́n nɔ̀n da la: «Die n ka nsɛ nɛ? Ma n Lawa a boo gii-dali gole Yilii lɛa?» Á tɔ́n pɛ ǹ nɛ: «Yilii bie ka masɛ-n wa.» «Minin bɛ́ n yii diɛ Lawa a boo gii-dali mɛn la, ma n bɛ lɛa ya?» ZAÃ mà haayii.

Zaã a sɛ́wɔ 1:25

Ǹ nə́ wusoo ǹ nə́ nɔ̀n da la kɛnɛn doo: «N bɛ́ n bie Minin Nyin-sili lɛ lɛa wa, Yilii bɛ́ a bie n nə́ wa, minin bɛ́ n yii diɛ Lawa a boo gii-dali mɛn la, bɛ dɔ bɛ́ a bie n nə́ wa, sɛnɛ, wàa na á baa n tá *batɛmu diɛ minin ganaa?»

Zaã a sɛ́wɔ 4:19

Lɔ lɛ tɔ́n pɛ Yezu ni: «Dɛnaa, masɛ yii tá-a, máa ma n Lawa a boo gii-dali lɛa.

Zaã a sɛ́wɔ 6:14

Minin bɛ́ ǹ nə́ bɛa kaãbaa ǹ sii kɛ lɛ yɛ á n zɛnaa, ǹ nə́ tɔ́n pɛ: «Lawa a boo gii-dali mɛn doamaa bɛ́ a da kanaa gɔ́ɔ̃ nɛ, a din lɛ n ka kɛ-n sonbore!»

Zaã a sɛ́wɔ 9:17

Fariziɛ̃n nə́ wusoo ǹ nə́ nɔ̀n da yii tere-a zizi lɛ la kɛnɛn: «A bɛ́ á n dɔ yiin bũ, man wàa mɛn boo diɛ a wɔ gɔn la?» Á tɔ́n pɛ ǹ nɛ mà Lawa a boo gii-dali ni.

Nya ǹ dín 5:5

Ananiasi bɛ́ á bɛa boon kɛn lɛn ma lɔn gɔrɔ, á bɔ á mɛnaa á gã. Minin mɛnɛn tumaa na a gɛ̀ boo ma, nyɛ́ɛ gole bɛn kũ.

Nya ǹ dín 7:37

A din Muizu lɛ na á pɛ Izirayeli minin lɛn manɛ: «Lawa á re a din a boo gii-dali goon boe ka bii ka masɛ bɛ́ lɔn.»

Galaasi minin 1:24

Ǹ nə́ goã Lawa tɔ gole koe masɛ a lɛa.

Timəə dí-pɛn 18:15

A din tá re a boo gii-dali diɛ ka la, ka masɛ Muizu bɛ́ lɔn. A n die boe ka dinin bii, ka dinin tɔrɔn lɛn min goon ne. Ka die ka n too kɔ bɛ lɛ lon.