Luku 7:13 - LAWA A BOO SONBORE

¹³ Yezu bɛ́ á lɔ lɛ yɛ, a makara kũ, á pɛ lɔ lɛ nɛ: «N baran wuu pɛ doo wa.»

LAWA A BOO SONBORE 2011

¹³ Yezu bɛ́ á lɔ lɛ yɛ, a makara kũ, á pɛ lɔ lɛ nɛ: «N baran wuu pɛ doo wa.»

Luku 7:13 Iomraidhean Croise

Loen 103:13

Min bɛ́ a nɛnyaanan makara doɛ̃ lɔn, Dɛnaa Lawa dɔ na a nyɛ́ɛbaaman wolen makara doɛ̃ miɛ̃.

Loen 86:15

Sɛnɛ, Dɛnaa, nsɛ n Lawa lɛa, makara doɛ̃, n nə́ bǐɛ̃ zɛnɛɛ. N foo a yui fufuu wa, ma n piɛ̃-n ka kɔn-narɛɛ gole laanka bǐɛ̃ duduu ni.

Loen 86:5

Dɛnaa, n din mɛn bɛ́ bǐɛ̃ zɛnɛɛ, n nə́ sã toɛ, min mɛnɛn tumaa bɛ́ lɛ diɛ n la, n kɔn-narɛɛ á gole bɛn wɔ paǹ li.

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Zeremii 31:20

Efrayimu n maa nɛgiĩ lɛa, ma n narɛ taãn-taãnɛ. Ma á narɛ á la yii ni. Bɛ lɛ nɛ, biikoo tumaa li, bɛ̀ máa boo diɛ a ganaa, maa taasiɛ n doa nɛ a ganaa. A sii n ma foo-n parsiini. Sonbore a makara n ma ganaa taãn-taãnɛ. Dɛnaa Lawa a da ǹ boo ne.

Marki 8:2

«Zaman kɛ lɛ makara á boe masɛ ganaa. A giala, ǹ lɛawaa sɔɔ n ke kun ka masɛ nɛ, sɛnɛ, màn kɔ́n banban doo ǹ tá re bii wa.

Luku 10:1

Bɛ kio, Dɛnaa kialandɛnaa pɔsɔbaawenpaa kɔsɔn bɔ, á ǹ dia min papaa. A din bɛ́ re boe kiwin mɛnɛn tumaa nɛ, á ǹ dia bɛn nɛ a nyɛɛnɛ.

Luku 11:1

Ǹ kɔ́n pinaa Yezu na á goã Lawa nyankoe bǎã kɔ́n nɛ. A bɛ́ á nya, a kialandɛnaa goon pɛ: «Dɛnaa, wɔsɛn daraa Lawa nyankɔ ganaa, ka ZAÃ bɛ́ á goã a ná a kialandɛnan daraa-a lɔn.»

Luku 11:39

Dɛnaa Yezu pɛ nɛ: «Á ke, kasɛn Fariziɛ̃n lɛn man kɛnɛn: Ka n paan laanka kunun dɔ̀ɔ̃ pii, mà ǹ *yoreen kɔ. Sɛnɛ, ka dinin gɔ́ɔ̃ kɛ piɛ̃maa nɛ ka mɛnaa minin la ǹ taasiɛn nɛ ka baraabaa nɛ.

Luku 12:42

Dɛnaa ná a lɛ si: – Ga mànan walan wole mɛn bɛ́ bɔlɔgoondɛnaa lɛa, yiri dɔ ná a lon, a dɛnaagiĩ da ǹ miã dí-nyalin mìi la mà a màn-bii gii ǹ ni, a kɔnpɛ a biikoo ne.

Luku 13:15

Dɛnaa tɔ́n ná a lɛ si kɛnɛn: «Gɔ́ɔ̃ tì-an kɛn, ka dinin die ne, susu ǹ pii pinaa, a ba a dii, hinlaa a dundun fore, a bɔ tɔɔn màn bii ǹ bǎã nɛ, a wo mu kɔ la wa?

Luku 17:5

Dia dí-a wolen lɛn nə́ pɛ Dɛnaa nɛ: «Màn da wɔsɛn golee Lawa li li.»

Luku 17:6

Dɛnaa pɛ ǹ nɛ: «Mutardə we mɛn bɛ́ bɔbɔnboɛɛn nɛ, bɛ̀ á daa yaa golee Lawa li n ka lon ka bɛ bɛ́ lɔn, bɛ̀ ka á boe la ka pɛ gɔ́rɔ da kɛ nɛ, mà a n gòonən wɛ̃ a bɔ tán, a wo n din zumu yìsi mu lɛ-a, a n die ka bɔlɔ sii dɔn.»

Luku 18:6

Bɛ kio, Dɛnaa wusoo doo á pɛ: «Ka n too kɔ kiri-kuruli kɔkɔrɔ kɛ a da ǹ boo ganaa!

Luku 19:8

Zaase golee Dɛnaa lɛ yɔrɔ-a, á pɛ nɛ: «Mìinaa, á ke, man die ma gɔn màn a talɛɛ koe doobaan la. Masɛ min mɛnɛn bebele lɛlɛ má wɔrɔ si ǹ la, man die didie wɔ doo koe la yǎa gunyin sii.»

Luku 22:61

Dɛnaa nə́ n yɔrɔ bɔyaa á ga Piɛrɛ ganaa. Yǎa Piɛrɛ yiri da ka Dɛnaa a boo lɛ nɛ, a bɛ́ á n mɛn lɛ pɛ nɛ: «Koo laan bɛ̀ a n wuu pii pelo, bɛ̀ n nə́ n piã ka masɛ nɛ yǎa gunyin sɔɔ.»

Luku 24:3

Ǹ bɛ́ ǹ nə́ wɔ yala lɛ nɛ, ǹ wo Dɛnaa Yezu gere lɛ yaa wa.

Luku 24:34

Bɛn nə́ pɛ bɔ zii-n wolen lɛn manɛ: «Sonbore ne, Dɛnaa lɛ yii kaa á n bɔ geren bii. Á n din nyaa Simɔn nɛ.»

Luku 7:12

Yezu bɛ́ á dɔ kiwi lɛ lɛ-a, á minin yɛ woe gere goon biĩ. Lɔ giɔɔrɔ goon a nɛgiĩ goon toto ne. Zaman gole paã kun ka lɔ lɛ nɛ, ǹ nə́ woe nɛ lɛ biĩ.

Luku 7:14

Yezu nə́ ǹ mɔrɔ á n gɔn da gere gũ ǹ piì lɛ ganaa. Min mɛnɛn bɛ́ gere lɛ guĩ, bɛn nə́ golee. Yezu pɛ nɛginin gere lɛ nɛ: «Masɛ n pii n ni, yoo.»

Luku 7:19

ZAÃ nə́ ǹ min paa bɔ, á ǹ dia Dɛnaa Yezu li mà ǹ nɔ̀n da la mà ǹsɛn bɛ́ n yii diɛ Minin Nyin-sili mɛn a daa la, mà a din ni, hinlaa ǹsɛn doamaa nɛ ǹ nə n yii da min kɔsɔ la?

Luku 8:52

Min tumaa na á goã wuu pii ǹ nə́ n lala diɛ nɛ lɛ a lɛa. Yezu pɛ ǹ nɛ: «Ka baran wuu pɛ wa. Nɛ lɛ bie á gã wa, a n nyuù we.»

Zaã a sɛ́wɔ 11:2

A din Mariya goongoon kɛ lɛ na á nyɔɔ gìĩ kɔɔ̃n kaa Dɛnaa Yezu gòãn ganaa, á ǹ tuturu ka a din mìi ka nɛ. A din lɛ miãgiĩ Lazaarɛ na á goã a ba lon wa.

Zaã a sɛ́wɔ 11:3

Ǹ miãnɛn min paa lɛ min dia mà a wo pɛ Yezu ni mà Dɛnaa, mà a giaáragiĩ lɛ a lon wa.

Zaã a sɛ́wɔ 20:13

Ǹ nə́ tɔ́n nɔ̀n da la: «Lɔ lɛɛ, wàa na á baa n tá wuu pii?» Á ǹ lɛ si: «Maǹ nə́ maa Dɛnaa bɔ, ǹ da bǎã mɛn nɛ, ma a doɛ̃ wa.»

Zaã a sɛ́wɔ 20:15

Yezu tɔ́n pɛ nɛ: «Lɔ lɛɛ, wàa na á baa n tá wuu pii? Ma n giɛ die li?» Sɛnɛ, asɛ n taasɛ mà dù gɔrɔ-lɛduə̃li n boo diɛ ka asɛ nɛ. Bɛ lɛ nɛ á pɛ nɛ: «Bɛ̀ n din ni n bɔ, n da bǎã mɛn nɛ, a bǎã pɛ masɛ nɛ, ma á die woe siɛ.»

Zaã a sɛ́wɔ 4:1

*Fariziɛ̃n nə́ ma minin lɛ-n, mà min gigiã á koe Yezu kio lɛ á la ZAÃ nɛ, a bɛ́ *batɛmu diɛ ǹ mɛnɛn ganaa, bɛn dɔn nə́ la ZAÃ wɔn manɛ.

Zaã a sɛ́wɔ 6:23

Sɛnɛ, mu kuru ǹ goo kɔsɔn nə́ n toa Tiberiadi kiwi, Dɛnaa Yezu barka da buuru ganaa á kɔ ǹ la ǹ nə́ sɔ̃ bǎã mɛn nɛ ke lɛ-n, ǹ nə́ daa ǹ nə́ diri bɛ la.

Korɛnti1 7:30

Min mɛnɛn bɛ́ wuu pii, ǹ goã ka ǹ foo na a tɔn ziziɛ̃ wa. Min mɛnɛn bɛ́ yaa woe, ǹ goã ka ǹ tɔn foo kɔɔ̃nbaa yɛ wa. Ǹ mɛnɛn nə mànan pii, ǹ goã ka ǹ màn-piin lɛn manə ǹ ba ǹ gɔn ma.

Tesaloniki1 4:13

Dɔɔ̃nɔn lɛn, min mɛnɛn bɛ́ ǹ nə́ gã, wɔ ba li wɔ ka yii toa tì bɛn sii gɔ́ɔ̃-n wa. A giala, wɔ ba li ka goã yɔrɔ-kɔsiɛ gɔ́ɔ̃ nɛ, ka min gialakunun mɛnɛn bɛ́, foo-doa ǹ bǎã ná a ba ǹ lon wa.

Ebrəə 2:17

Bɛ lɛ na á toa, á n din baa ka n dɔɔ̃n minbuiin nɛn bɛ́ lɔn yɔrɔ tumaa la, màn mɛn bɛ́ toɛ, a n baa wúlu-bɔlen kiã lɛa, á n makara doɛ̃ a dí kɛ nɛ Lawa yɔrɔ-a, a minin sii baraa tuturu.

Ebrəə 4:15

Wúlu-bɔlen kiã mɛn bɛ́ a ba wɔa pàã wɛɛnaabaa doɛ̃ wa, bɛ bie wɔ lon wa. Wɔa wúlu-bɔlen kiã lɛ damagɔ́ɔ̃li ǹ siin fuu yɛ, yɔrɔ din tumaa la ka wɔ dɔn bɛ́ lɔn, sɛnɛ, asɛ sii baraa zɛnaa wa.

Sii yɔrɔ-bɔlen 10:16

Tɔrɔ kɔsɔn lawan kɛn, ǹ nə́ bɛn goa ǹ nə́ ǹ bɔ ǹ dinin li, ǹ nə́ dí nya Dɛnaa Lawa nɛ. Izirayeli minin nə goã nɔmaa mɛn we, Dɛnaa Lawa boo la á bɛ si a ganaa doo á belebɔ-n wa.