Luku 7:12 - LAWA A BOO SONBORE

¹² Yezu bɛ́ á dɔ kiwi lɛ lɛ-a, á minin yɛ woe gere goon biĩ. Lɔ giɔɔrɔ goon a nɛgiĩ goon toto ne. Zaman gole paã kun ka lɔ lɛ nɛ, ǹ nə́ woe nɛ lɛ biĩ.

LAWA A BOO SONBORE 2011

¹² Yezu bɛ́ á dɔ kiwi lɛ lɛ-a, á minin yɛ woe gere goon biĩ. Lɔ giɔɔrɔ goon a nɛgiĩ goon toto ne. Zaman gole paã kun ka lɔ lɛ nɛ, ǹ nə́ woe nɛ lɛ biĩ.

Luku 7:12 Iomraidhean Croise

Siin Giala 22:12

Dɛnaa tɔ́n pɛ nɛ: «N baran n gɔn da nɛginin lɛ ganaa wa. N baran sii kɔ́n zɛnaa-n wa. Ma á doɛ̃ sisia, máa n tá nyɛ́ɛbiɛ masɛ Lawa nɛ. A giala, n nə n piã ka n nɛgiĩ goon toto lɛ a kɔ masɛ la-n wa.»

Siin Giala 22:2

Lawa tɔ́n pɛ nɛ: «N nɛgiĩ lɛ kũ, n nɛgiĩ goon toto Izaaki kɛ lɛ, n nə́ narɛ parsiini, n wo Moriya gána nɛ, ma bɛ́ re kelen kɛn mɛn nyɛɛ n nɛ walan, wo wúlu bɔ nɛ bɛ mìi ni, n na a siĩ tã ka lenlen.»

Samayeli2 14:7

Bɛ lɛ n ke tanlɛ minin lɛn tumaa tá ma gialaa. Ǹ nə́ pɛ ma nɛ: «Wɔ dɔɔ̃n-dɛle lɛ kɔ. Wɔ dɔɔ̃n lɛ, á ná a nyin bɔ, wɔ n giɛ li, wɔ a dɔ dɛ bɛ lɛ taman yii, wɔ a kíɛ̃-saali dɔ dɛ gɔrɔ.» Goon mɛn goã, bɛ̀ ǹ nə́ bɛ dɔ dɛ, maǹ die ma zuũ tɔ laanka a tɔrɔ papaɛ̃ ǹ bɔ kanaa.

Kiin1 17:12

Lɔ giɔɔrɔ lɛ ná a lɛ si: «N Lawa, Dɛnaa Lawa Yiikoonaa lɛ tɔ nɛ, màn-bii kɔn ba ma lon wa. Wùsu gɔn yii goon dinsɔɔ̃ n ke ma lon kunun ni piɛ, ka nyɔɔ boɛɛn kɔn nɛ tàan nɛ. Bɛ̀ má gɔn kɔn yɔ, man woe piɛ, ma bɛ lɛ zɛnaa, ma laanka maa nɛgiĩ a màn-bii lɛa, wɔ bii, bɛ kio wɔ tɔn gã.»

Kiin1 17:18

Lɔ lɛ pɛ Yilii ni: «Wàa dɔ n wɔ biin ni, Lawa a boo gii-dali? Ma nə ń daa ma li, n tá ma yiri gisĩ ka maa sãn nɛ, n maa nɛ dɛ ń kɔ ma la.»

Kiin1 17:23

Yilii nɛnyaan lɛ saa á gisĩ ni á n bɔ sanabolo kion lɛ-n lon, á daa kɔ ǹ dan la. Yilii na á n toa lɔ giɔɔrɔ lɛ ganaa kɛnɛn: «Ga dɛ! N nɛginin lɛ yii á koo.»

Kiin1 17:9

«Yoo, Sarɛptaa kiwi ke Sidɔn gána nɛ, n wo walan n giã a nɛ. Má pɛ lɔ giɔɔrɔ goon ne walan, má a die a màn-bii kɔ n la.»

Kiin2 4:16

Yiliizee pɛ lɔ lɛ nɛ: «Lɛ̀ boe kɛnɛn ke, n tá re nɛ guĩ n gɔn.» Lɔ lɛ pɛ: «Haayii! Maa dɛnaagiĩ, Lawa a boo gii-dali, n baran soɛ bɔ ma-n wa.»

Kiin2 4:20

Dí-nyali lɛ dɔ nɛ lɛ saa, á woo kɔ ǹ dan la. Nɛ lɛ goã ǹ dan gòã la, yǎa penleen kɔ. Bɛ kio, á gã.

Zɔbu 29:13

Min mɛnɛn bɛ́ ka ǹ daa ǹ gã, bɛn man barka diɛ ma ganaa. Maa zɛnaa ǹ sii na á goã kiɛ lɔ giɔɔrɔn foo la.

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Luku 7:11

Boɛɛn nɛ bɛ kio, Yezu woo kiwi goon ne, a tɔ n Nayini. A kialandɛnan nə́ zii kũ kun ni, ka zaman gole ne.

Luku 7:13

Yezu bɛ́ á lɔ lɛ yɛ, a makara kũ, á pɛ lɔ lɛ nɛ: «N baran wuu pɛ doo wa.»

Luku 8:42

A giala, mà nɛlɔ goon toto na asɛ lon, a lɛ̀ fulupaa miã nɛ, mà bɛ lɛ dɔ n giɛ li á giɛ̃. Yezu bɛ́ mà a n woe, zaman lɛ ná a lɛ gɛwaa a paǹan tumaa ganaa.

Luku 8:52

Min tumaa na á goã wuu pii ǹ nə́ n lala diɛ nɛ lɛ a lɛa. Yezu pɛ ǹ nɛ: «Ka baran wuu pɛ wa. Nɛ lɛ bie á gã wa, a n nyuù we.»

Zaã a sɛ́wɔ 11:19

Zuifu gigiã bɔ walan ǹ nə́ daa Marti laanka Mariya ǹ miãgiĩ lɛ a gɛ̀ fòo da ǹ nɛ.

Nya ǹ dín 9:39

Piɛrɛ bɛ́ á bɛ ma lɔn gɔrɔ, á yoo á woo kun ka min paa lɛ nɛ. A bɛ́ á dɔ Zoopee kiwi, ǹ nə́ woo ne sanabolo kion kɛ nɛ. Lɔ giɔɔrɔ lɛ tumaa na á goã golee ne a yɔrɔ-a wuu pii, bɛ̀ ǹ nə́ dɔnkɛ bɔnboɛɛnɛn laanka a dadaran nyɛɛ nɛ, Dɔrkaasi goã mànan mɛnɛn zɛnɛɛ bɛ̀ a yii bɛ́ tɔn koo.

Nya ǹ dín 9:41

Piɛrɛ kũ a gɔn ganaa, á n dɔ lɛ á yoo lon. Á tɔ́n lɔ giɔɔrɔn lɛn bíi, ka Lawa-nyankɔle gialakunun kɛn nɛ, á Tabita lɛ nyaa ǹ nɛ a yii n koo.

Zaaki 1:27

Zii mɛn bɛ́ siĩni, á n pepere dɔn Díi Lawa yɔrɔ-a, bɛ n ka kɛ nɛ: N nə n dɔ nɛ-toenən laanka lɔ giɔɔrɔn lɛ ǹ nɔmaa gɔ́ɔ̃ nɛ, n nə n parabaa ka kanaa siin ni, màn mɛn bɛ́ toɛ, n baran gɔ̀ lɔ n din ganaa wa.