Luku 6:39 - LAWA A BOO SONBORE

³⁹ Yezu boo giməə kɔ́n da ǹ nɛ á pɛ: «Bɛ̀ yii tere-a pɛ, mà a n yii tere-a kɔsɔ a bàlà kuĩ, wàa mɛn sii n die zɛnɛɛ? Ǹ paanan man die kiɛ nyankɔrɔ nɛ.»

LAWA A BOO SONBORE 2011

³⁹ Yezu boo giməə kɔ́n da ǹ nɛ á pɛ: «Bɛ̀ yii tere-a pɛ, mà a n yii tere-a kɔsɔ a bàlà kuĩ, wàa mɛn sii n die zɛnɛɛ? Ǹ paanan man die kiɛ nyankɔrɔ nɛ.»

Luku 6:39 Iomraidhean Croise

Izayii 56:10

Izirayeli a wɔlɔ-lɛduə̃lin tumaa n yii tere-an lɛa. Ǹ ba sii kɔn doɛ̃ wa. Ǹ tumaa n gin lɛ tere-an lɛa, ǹ ba boe la ǹ tá gisĩ dinin wa. Maǹ waa-n tán ǹ nə́ n narɛ. Nyuù n kɔɔ̃nɛ ǹ ganaa.

Izayii 9:16

Bɛ lɛ taman yii, Dɛnaa foo a kɔɔ̃nɛ ǹ nɛ tenən li wa, a makara boe ǹ nɛ toenen laanka ǹ lɔ giɔɔrɔn ganaa wa. A giala, ǹ tumaa gɔ́ɔ̃ n tì, sii baraa-zɛnaalin lɛa. Ǹ lɛ gɔ́ɔ̃ ǹ boo tumaa n kɔɔsɛ. Sɛnɛ, Dɛnaa Lawa a foo yoo tɔn nya wa, a gɔn-munii n tɔn lon.

Zeremii 6:15

Ǹ sii bɔbɔnɛɛn mɛnɛn zɛnaa, bɛa sìi tá ǹ ganaa? Kɛnɛn dinin wa! A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Zeremii 8:12

Ǹ sii bɔbɔnɛɛn mɛnɛn zɛnaa, bɛ á sìi diɛ ǹ ganaa? Kɛnɛn dinin wa. A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Matiə 13:3

Á boo gigiã da ǹ nɛ ka boo giməə ne, á pɛ ǹ nɛ: «Giĩ goon na á soo á woo màn tɔrɔ pɛsɛ̃.

Matiə 15:14

Ka ǹ toa walan. Maǹ yii tere-an lɛa yii tere-an bàlà kuĩ! Bɛ̀ yii tere-a nə́ ǹ miã yii tere-a a bàlà kũ, ǹ dinin paanan tá re boe ǹ kaa nyankɔrɔ nɛ.»

Matiə 23:33

Kɔrɔkan tɔrɔn, min babaraan kɛn! Ka n die siɛ lɔn ka tɔn kanbaa Sɛtaan a piɛ a dɔlɔ kɛ ganaa?

Rɔmu minin 2:19

Nsɛ n pii, mà nsɛ n yii tere-an nyɛɛnaan sabɔle lɛa, mà nsɛ n wɔlɔ tìdɛnan wɔlɔ fúlu lɛa,

Timote2 3:13

Min babaraan kɛn laanka minin yiri-sãlin kɛn, màn tá re miɛ bɛn baraabaa li. Ǹ tá re min kɔsɔn siɛ̃, ǹ dininmaan dɔn siɛ̃maa nɛ.