Luku 6:30 - LAWA A BOO SONBORE

³⁰ Bɛ̀ min nə́ màn nyankɔ n la, a kɔ la. Bɛ̀ min nə́ n gɔn màn si n la, n baran wo liɛ la wa.

LAWA A BOO SONBORE 2011

³⁰ Bɛ̀ min nə́ màn nyankɔ n la, a kɔ la. Bɛ̀ min nə́ n gɔn màn si n la, n baran wo liɛ la wa.

Luku 6:30 Iomraidhean Croise

Loen 112:9

A nə n gɔn lɛ buĩ á doobaan goe ka màn nɛ. A sii pepere zɛnaa n goɛ̃ yǎa duduu. A n die tɔ golebaa yii, ka gugurubaa nɛ.

Loen 41:1

LOE-saalin goledɛnaa loe mɛn lɔ. Davida a loe n ke.

Suusun 19:17

Min mɛn bɛ́ doobaa goe, a n giɔ̀mɔ diɛ Dɛnaa Lawa ganaa. Dɛnaa Lawa á re sarɛɛ.

Suusun 21:26

Baraabaraa, a foo n wuu pii, sɛnɛ, min sonbore n bǐɛ̃ biɛ a ná a nɔmɛɛ wa.

Suusun 22:9

Min mɛnɛn bɛ́ bǐɛ̃ biɛ, barka nə ǹ ganaa, a giala maǹ doobaa toe.

Boo-laakalaali 11:2

Ka bɛ dɔ nɛ, n gɔn màn gii kɔn ka min gigiã nɛ, a giala, koe sii mɛn bɛ́ boe la, a n zɛnaa kanaa kɛ nɛ, n ba bɛ doɛ̃ wa.

Boo-laakalaali 8:16

Min bɛ́ siɛ lɔn a tɔn sii-dɔ̃li baa, má da ma foo ne, máa ma bɛ giala ma. Minbuiin nɛ bɛ́ màn mɛn tumaa zɛnɛɛ kanaa kɛ nɛ, má n yii wɔ bɛ gɔ́ɔ̃-n sɔnbɔraanɛ. Má yɛ, máa ta wɔ n goɛ̃ wɔ yii ń koo, tèlò laanka penleen ne, wɔ ba boe la, wɔ Lawa a sii zɛnaa giala ma wa. Minbuiinin tá boe la, ǹ nə n gɔ̀nɔn da ǹ dinin-a, ǹ ga a giala li, sɛnɛ ǹ ba yii wa. Ta sii-dɔ̃li din pɛ mà asɛ á doɛ̃, a ba boe la, a na a giala ma wa.

Matiə 18:35

Yezu tɔ́n pɛ ǹ nɛ: «Bɛ̀ min mɛn ba ǹ miã zɛ̀rɛ toɛ nɛ ka a foo din tumaa-n wa, maa Díi Lawa n die bɛa dɛnaa biɛ miɛ̃.»

Matiə 5:39

Sɛnɛ, masɛ n pii ka nɛ, bɛ̀ min nə́ sii la n la, n baran a gɛ̀ dòo bɔ a ganaa wa. Bɛ̀ min nə́ n gɔn tɔ n gusin a para nɛ, a toa a tɔ n gɔsɛ wɔ lɛ dɔ-n gɔrɔ.

Matiə 6:12

Wɔ zɛ̀rɛn toa wɔ nɛ, ka wɔ dɔn bɛ́ wɔ miãn wɔn toɛ ǹ nɛ lɔn.

Luku 11:41

Bɛ̀ ka tá kaa paanan laanka kaa kununun lɛn gɔ́ɔ̃gɔ́ɔ̃ ǹ mànan koe doobaan la, kaa màn din tumaa á die yoreen koe: Kaa paanan nɛ, kaa kununun ni, ka ka dininmaan foon dɔn nɛ.

Luku 12:33

«Ka n gɔn mànan sã, ka a wɔrɔ kɔ doobaan la. Gɔn màn kaa ǹ bǎã mɛn bɛ́ a ziziɛ̃ wa, a n Lawa li, ka ga bɛ li. Gɔn màn ba papaɛ̃ walan wa, wurumu a doe a li wa, nimii dɔ a kuĩ wa.

Luku 18:22

Yezu bɛ́ á bɛ ma, á pɛ nɛ: «Sii goon tá tɔn nə n nyaabiɛ: N gɔn màn tumaa sã, n na a wɔrɔ gii doobaan manɛ. N tá re gɔn màn gigiã yii lon Lawa a piɛ. Bɛ zɛnaa n tɔn da kɔ masɛ kio lɛ.»

Luku 6:29

Bɛ̀ min nə́ n gɔn tɔ n para-n, a goon kɛ dɔ dia la. Bɛ̀ min nə́ n dɔnkɛ gole si n la, a giulun wɔ boɛɛn kɛ dɔ bɔ n kɔ la.

Luku 6:31

Ka bɛ́ zoɛ̃ mà minin nə sii zɛnaa ka-n lɔn, ka dɔn nə zɛnaa ǹ nɛ miɛ̃.

Luku 6:38

Ka kɔn gɔ ka màn nɛ, ka zɔɔ̃ a dɔ, ka zɔɔ̃ ka munyəə, ka zɔɔ̃ ka zuzuu. Lawa wɔ a zɛnaa ǹ gɔn nɛ ka bɛ nɛ. Ka bɛ́ ka miãn gɔ ǹ màn zoɛ̃ màn mɛn ganaa, Lawa á die ka dɔn wɔ zoɛ̃ ka bɛ lɛ nɛ.»

Nya ǹ dín 20:35

Sii din tumaa gɔ́ɔ̃ nɛ, má nyaa ka nɛ máa min nə siĩni a nɔmaa miɛ̃, a tɔn nə n dɔ doobaan lɛ, bɛ̀ a yiri n Yezu din a boo kɛ nɛ: «Nyɛnyɛɛ tá màn kɔ min la nɛ á la min a màn kɔmala nɛ.»

Korɛnti2 8:9

A giala, ka á wɔa Dɛnaa Yezu *Krita a bǐɛ̃baa ǹ gɔn doɛ̃: asɛ mɛn bɛ́ pàãma lɛa, á n din baa doobaa lɛa kaa lɛa, a boo la a kasɛn baa pàãman lɛa, ka a doobaabaa lɛ nɛ.

Efɛɛzi minin 4:28

Bɛ̀ min mɛn tá wurumu biɛ, a wurumubaa lɛ da, a dí nya ka a din gɔnɔn nɛ, a n din too ne peperebaa la, a màn yɛ a doobaan dɔn gɔ.