Luku 6:23 - LAWA A BOO SONBORE

²³ Bɛ̀ bɛ á n zɛnɛɛ ǹ mɛn waáraa, ka n nyɛnyɛɛ, ka bɛ̀ baa, a giala, saraa gole tá ka duĩ lon Lawa a piɛ. Sonbore, bɛa minin kɛn lɛn díin man nə́ goã Lawa a boo gii-dalin kuĩ bɛa gɔn kɛ lɛ la.

LAWA A BOO SONBORE 2011

²³ Bɛ̀ bɛ á n zɛnɛɛ ǹ mɛn waáraa, ka n nyɛnyɛɛ, ka bɛ̀ baa, a giala, saraa gole tá ka duĩ lon Lawa a piɛ. Sonbore, bɛa minin kɛn lɛn díin man nə́ goã Lawa a boo gii-dalin kuĩ bɛa gɔn kɛ lɛ la.

Luku 6:23 Iomraidhean Croise

Samayeli2 6:16

Dɛnaa Lawa a goo lɛ bɛ́ we "Davida a kiwi" lɛ nɛ, Sayulu a nɛlɔ Miikali dɔ na á n yii kɔ fənɛtrə ne. Á kii Davida yɛ bɛ̀ biɛ, bɛ̀ á n paparɛ Dɛnaa Lawa yɔrɔ-a. Mikaali ná a puusə kɔ a din foo ne.

Kiin1 18:4

Zezaabeli bɛ́ Dɛnaa Lawa a boo gii-dalin lɛn dii ǹ mɛn wàaraa, Obadia lɛ na á goã á Lawa a boo gii-dali paabiɛ kũ á ǹ duru kele yala paa gɔ́ɔ̃ nɛ min poposooro. Á goã màn-bii laanka mu koe ǹ la.

Kiin1 19:10

Yilii ná a lɛ si: «Ma la n paparɛ ka Lawa Pàãyiidɛnaa, Dɛnaa Lawa lɛ a sii ni. Izirayeli minin lɛn nə́ n lɛ kɔ kɔn la lɛ toa walan, ǹ nə́ n wúlu bɔ ǹ bǎãn ziziɛ̃, ǹ nə́ n boo gii-dalin dɛ. Masɛ dinsɔɔ̃ n má goã, maǹ giɛ li, ǹ ma dɔ dɛ.»

Kiin1 19:14

Yilii ná a lɛ si: «Masɛ la n paparɛ ka Lawa Pàãyiidɛnaa, Dɛnaa Lawa lɛ a sii ni. Izirayeli minin nə́ n lɛ kɔ kɔn la lɛ toa walan, ǹ nə́ n wúlu bɔ ǹ bǎãn ziziɛ̃, ǹ nə́ n boo gii-dalin dɛ. Masɛ dinsɔɔ̃ n n má goã, maǹ giɛ li, ǹ tá masɛ dɔ dii.»

Kiin1 19:2

Zezabɛli min dia woe pii Yilii-n kɛnɛn: «N dɔ Baali a wúlu-bɔlen nyín bɔ lɔn, ma dɔ n die n dɔ wɔ boe miɛ̃ biɛ̃ kɛnɛn yirəə. Bɛ̀ ma bɛ zɛnaa duduu wa, dìn die ǹ dɔlɔ babaraa bɔ ma ganaa.»

Kiin1 21:20

Akaabu bɛ́ á Yilii yɛ, á pɛ nɛ: «Ee maa zɔ́ɔ, ń ma wɔlɔ yɛ kəni.» Yilii tɔ́n na a lɛ si: Má n wɔlɔ yɛ, a giala n nə́ n din kɔ dí baraa nya la, Dɛnaa Lawa yɔrɔ-a.

Kiin1 22:27

N pɛ ǹ nɛ, mà kii mà ǹ giĩ kɛ da kòso-n. Ǹ kòso nɛn màn-bii laanka ǹ mu kɔ la, yǎa ma boe zia la ma die, ma din yii lɛa.»

Kiin1 22:8

Izirayeli gána a kii lɛ pɛ Zozafati nɛ: Giĩ goon tá tɔn a tan, min nə́ boe la a n doa a ganaa a nɔ̀n da Dɛnaa Lawa la. Sɛnɛ bɛa giĩ lɛ sii ba masɛ ganaa wa, a giala, a ba Lawa a boo gii-dalibaa ǹ boo kɔɔ̃n pii masɛ wɔ paǹ li wa, yǎa a baraa dinsɔsɔɔ̃. Yimulaa a nɛgiĩ Misee ne. Zozafati nə́ n toa mà kii lɛ baran pɛ miɛ̃ wa.

Kiin2 6:31

Kii lɛ nə́ n toa: «Bɛ̀ Safati a nɛ Yiliizee mìi goã a ganaa pelo, Lawa die a dɔlɔ babaraa bɔ ma ganaa!»

KZS2 36:16

Sɛnɛ, Izirayeli minin lɛn man nə́ goã yaa we Lawa a dia dí-a wolen lɛn ganaa, ǹ ba Lawa a boon kɛn diɛ sii li wa, ǹ nə́ Lawa a boo gii-dalin foo saa. Bɛ lɛ nɛ, Dɛnaa Lawa a foo-yoo gole kɛ nə́ n sawaa zaman lɛ la, ǹ nə́ ǹ ba boe sii kɔn la ǹ zɛnaa wa.

Nehemii 9:26

Sɛnɛ, ǹ nə́ n kurəə ǹ nə́ n gòãn dii n ganaa, ǹ nə́ n dí-pɛ lɛ da ǹ gɔn dɔ̀ɔ̃ nɛ. N boo gii-dalin mɛnɛn dɔn nə goã miɛ ǹ ganaa mà ǹ wusoo ǹ da n ganaa, ǹ nə́ bɛn dɛ, ǹ nə́ sã dadaran wɔ.

Loen 58:11

Min pepere á re n nyɛnyɛɛ, gɛ̀ dòo boe kɛ a yɛ gɔ́ɔ̃ nɛ. Á re kiɛ̃ lon, bɛ̀ a zɔ́ɔn nə́ mɛnaa tán.

Izayii 35:6

Bɔlɔkan tá re parɛ ka tiã bɛ́ lɔn. Lɛ tere-an lɛ á re n buĩ, ǹ nə ǹ foo kɔɔ̃nbaa ǹ lɛ dɛ. Mu á re pìã woɛ̃ diə ne. Tà mu á re baa sii tán gere la.

Zeremii 2:30

Ma kaa nɛnyaanan dɛ, sɛnɛ a là goon yɛ wa. Ka golee maa doroon li wa. Ka yàra basaã-kɔle bɛ́ lɔn, ka kaa Lawa a dia dí-a wolen yii dɛ.

Matiə 5:12

Ka n nyɛnyɛɛ, ka foo goã kɔɔ̃nɛ, a giala, saraa gole tá ka duĩ lon, Lawa a piɛ. Lawa a boo gii-dalin mɛnɛn nə da ka nyɛɛnɛ, minin man nə́ bɛn dɔn nɔmaa miɛ̃.

Luku 1:41

Elizabɛti bɛ́ á Mariya a fòo-diɛ lɛ ma, a din bǎã-n gɔrɔ, a nɛ bìn da a gɔ́ɔ̃ nɛ. Lawa a Yiri Fu gisĩ

Luku 1:44

Mariya, ma bɛ́ má n fòo-diɛ lɛ ma bǎã mɛn nɛ gɔrɔ, ma gɔ́ɔ̃gɔ́ɔ̃ ǹ nɛ lɛ na á bìn da nyɛnyɛɛ gɔn.

Luku 6:35

Sɛnɛ, bɛ̀ ka tá li ka n baa Lon a Lawa Gole a nɛnyaanan lɛa sonbore, ka saraa gole yɛ, ka siin kɛn zɛnaa: Ka kaa zɔ́ɔn narɛ, ka bǐɛ̃ zɛnaa, min mɛnɛn bɛ́ pàã ba ǹ lon ǹ giɔ̀mɔ dòo saraa wa, ka giɔ̀mɔ da bɛn-a, a giala Lawa lɛ sɛ n bǐɛ̃ zɛnɛɛ bǐɛ̃-doɛ̃ baãnaan laanka min baraan manɛ.

Nya ǹ dín 14:10

á pɛ nɛ ka lɛn gole ne: «Yoo lon n golee n gòãn la.» Giĩ lɛ parɛ á yoo á tɔ wɔ.

Nya ǹ dín 3:8

Á parɛ á yoo á golee a gòãn la, á n gòã da tɔ nɛ. Á wɔ kunun ǹ ni Lawa a kion lɛ nɛ, a ń tɔ we, á n paparɛ, á n Lawa tɔ boe.

Nya ǹ dín 5:41

Dia dí-a wolen lɛn nə́ n bɔ kiri-wɔlen lɛn li ǹ nə́ woo. Ǹ foo goã kɔɔ̃n parsiini, a giala, Lawa ga ǹ ganaa, mà ǹ doamaa nɛ, ǹ fuu yɛ Yezu tɔ kɛ a lɛa.

Rɔmu minin 5:3

Haalɛ ta wɔ n fuu yii, wɔ nə n nyɛnyɛɛ. A giala, wɔ á doɛ̃ wáa bɛ̀ wɔ á fuu yii, bɛ n wɔ darɛɛ sii simaa ganaa.

Korɛnti2 12:10

Bɛ lɛ-n ma á n nyɛnyɛɛ maa pàãwɛɛnaabaa ǹ siin kɛn lɛa, ka sɔ kaa ma la nɛ, ka sii kakan ma yɛ nɛ, ka bɔ ma yii-n ni, ka taasiɛn nɛ, Krita a lɛa. A giala, bɛ̀ pàã wɛɛ̃ tá ma ganaa biikoo mɛn li, bɛ lɛ n maa kakabaa biikoo lɛa kəni.

Kolɔɔsi minin 1:24

Sisia kəni, ma bɛ́ fuun mɛnɛn yii ka a lɛa, ma nə n nyɛnyɛɛ bɛn gɔ́ɔ̃ nɛ. A giala, bɛa yɔrɔ kɛ lɛ la, man fuu yii ma din gɔ̀nɔn nɛ Krita gɔ̀nɔn kɛ a lɛa, bɛ giala, mà Lawa a sɔmɔ a lɛa. Wɔ doamaa bɛ́-n wɔ nɔmaan mɛnɛn wɔ kun ka Krita nɛ, ma dɔ nə n doɛ, ma á bɛn sii ma ganaa ma tá ǹ lɛ piɛ̃.

Timote2 2:12

Bɛ̀ wɔ́ nɔmaa si wɔ ganaa, wɔ á re kii biɛ kun ni. Bɛ̀ wɔ́ n piã nɛ, a dɔ á re n piɛ̃ ka wɔ dɔn nɛ.

Ebrəə 11:26

Lawa bɛ́ re a din a min mɛn boe diɛ, Muizu ga a ganaa, mà asɛ tɔ ziziɛ̃ bɛa lɛa, mà bɛ á naforo gole lɛa á la Ezipti gána a naforon kɛn manɛ, a giala, a yii na á goã doa-n saraa kɛ la.

Ebrəə 11:6

A da yaa, bɛ̀ golee Lawa li bie wa, min kɔ́n ba boe la, a kɔɔ̃n kɔ Lawa ganaa wa. Sonbore, bɛ̀ min mɛn tá n mɔrɛ Lawa ganaa, bɛ doamaa nɛ a dɔ̃, mà Lawa lɛ tan, mà a n toɛ a gamali wolen nə yɛ.

Zaaki 1:2

Ma dɔɔ̃nɔn lɛn, ka bɛ́ nɔmaa tɔrɔ mɛn tumaa we, ka toa ka n nyɛnyɛɛ bɛ gɔ́ɔ̃ nɛ.

Piɛrɛ1 4:13

Sɛnɛ, ka n nyɛnyɛɛ kaa fuu yɛ kun Krita-n kɛ lɛ a lɛa, màn mɛn bɛ́ toɛ, ka foo dɔ kɔɔ̃n kɔ parsiini a din a da ka gugurubaa-n kɛ a pinaa.

Sii-nyaan 2:17

«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, *maánə mɛn bɛ́ durii-n pelo, ma á re bɛ koe bɛ la. Ma á re kɔlɔ fu koe la, a tɔ soree n kiɛ̃ nɛ a ganaa, min kɔ́n ná a doɛ̃ wa, yǎa a din.»

Sii-nyaan 2:26

«Min mɛn bɛ́ re gɔ̀lɔ̀ biɛ, a ma foo sii zɛnaa a dɔ a giala-nyɔmɔɔ ganaa, maa Díi Lawa bɛ́ á pàã mɛn kɔ ma la, ma á re bɛ koe ǹ dɛnaa la: ma á re gánan tumaa a lɛduə̃ ǹ pàã koe la, a á re ǹ lɛduĩ ka kiibaa ǹ fɔlɔ bàlà nɛ, a nə ǹ yɔyɔrɛ, ka ǹ bɛ́ tii dɔn yɔyɔrɛ lɔn.

Sii-nyaan 2:7

«Too bɛ́ min mɛn lon, Lawa a Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, ma á re lɛ koe la, yiikoonaabaa ǹ da mɛn bɛ́ Lawa a piɛ, a bɛa nɛ bii.»

Sii-nyaan 21:7

Min mɛnɛn bɛ́ re gɔ̀lɔ̀baa yii, ma din nə die bǐɛ̃ kɛ biɛ ǹ nɛ, ma á re ǹ Lawa biɛ, ǹ dɔn tá re n biɛ maa nɛnyaanan lɛa.

Sii-nyaan 3:12

Min mɛn bɛ́ re gɔ̀lɔ̀ biɛ, bìbì bɛ́ Lawa a kion li lɔn, a tá re goɛ̃ Lawa a kion miɛ̃, a ba re soe a n bɔ a-n duduu wa. Ma á re maa Lawa tɔ kiɛ̃ a ganaa. Ma á re ma din tɔ dii kɛ kiɛ̃ a ganaa. Ma á re Zeruzalɛmu dii kɛ tɔ kiɛ̃ a ganaa, asɛ kiwi mɛn bɛ́ maa Lawa a giã ǹ bǎã lɛa, á bɔ lon maa Lawa li á gisĩ tán.

Sii-nyaan 3:5

Min mɛn bɛ́ re gɔ̀lɔ̀ biɛ, ǹ tá re mɔnaa fufun we miɛ̃. Ma a re ǹ tɔ tuturi ma bɔ yiikoonaa baa ǹ sɛ́wɔ kɛ-n wa. Ma á re pii maa Díi yɔrɔ-a, ka a lon a dia dí-a wolen ne, máa ma din wɔn manɛ.