Luku 6:21 - LAWA A BOO SONBORE

²¹ Kasɛn mɛnɛn bɛ́ bòo tá ka ganaa sisia, Lawa á re barka diɛ ka ganaa, á re màn-bii koe ka la ka bii ka kã. Kasɛn mɛnɛn bɛ́ wuu pii sisia, Lawa á re barka diɛ ka ganaa á re ka foo kɔɔ̃n koe ka yaa wɔ.

LAWA A BOO SONBORE 2011

²¹ Kasɛn mɛnɛn bɛ́ bòo tá ka ganaa sisia, Lawa á re barka diɛ ka ganaa, á re màn-bii koe ka la ka bii ka kã. Kasɛn mɛnɛn bɛ́ wuu pii sisia, Lawa á re barka diɛ ka ganaa á re ka foo kɔɔ̃n koe ka yaa wɔ.

Luku 6:21 Iomraidhean Croise

Siin Giala 17:17

Abrahamu na á kaa tán, á n mìi kuməə tán. Á yaa wɔ a din gɔ́ɔ̃ nɛ bɛ̀ á n pii: «Giĩ lɛ̀ paabiɛ, bɛ á tɔn nɛ yii sonbore? Saaraa dɔ lɛ̀ pɔmanangɔrɔ n ke, bɛ á boe la a nɛ yɛ doo?»

Siin Giala 21:6

(Izaaki tɔ lɛ giala mà "Yaa-wɔ"). Saaraa tɔ́n pɛ: «Lawa na á toa masɛ á foo kɔɔ̃nbaa ǹ yaa we! Min woo min bɛ́ re kɛ miɛ̃ masɛ wɔ paǹ li, á re yaa diɛ bɛn tumaa ganaa.»

Loen 107:9

A giala, mu boro bɛ́ á goã min mɛnɛn ganaa, á mu kɔ bɛn la ǹ nə́ mi. Bòo bɛ́ á goã min mɛnɛn ganaa, á màn kɔ bɛn la ǹ nə́ bii ǹ nə́ kã.

Loen 119:136

Yii mu bɔ ma yɔrɔ nɛ, a giala, ǹ ba n landa boon lɛn tamaɛ wa.

Loen 143:6

Ma gɔn nə n din la, ma tá n nyankoe. N sii n ma ganaa, ka mu boro bɛ́ tán gere kuĩ lɔn. *Doa

Loen 17:15

Sɛnɛ, masɛ wɔ paǹ li, peperebaa gɔ́ɔ̃ nɛ, ma á re kɔn yii ka n din ni. Bɛ̀ má yoo lɔn, má kɔn yɛ ka n din ni, ma foo n nyɛɛ.

Loen 28:7

Dɛnaa Lawa n ma pàã lɛa, a din nə ma tamaali lɛa. Má n foo doa a din ganaa, á n dɔ ma lɛ. Ma nə n nyɛnyɛɛ ka ma foo tumaa nɛ. Man die loe loe ma a tɔ bɔ nɛ.

Loen 65:4

ka ǹ sãn nɛ ǹ ganaa. Wɔa sãn lɛn man guĩ gugurun lɛa wɔ ganaa, sɛnɛ, nsɛ á boe la n nə ǹ papaã.

Izayii 25:6

*Siɔn kele la, Dɛnaa Lawa Pàãyiidɛnaa á re màn-bii zɛnɛɛ tɔrɔn tumaa wɔ lɛa, siĩ nyɔɔnaa n la, ka duvɛ̃ kɔɔ̃n nɛ. Siĩ nyɔɔnaa basiɛ̃ n la ka duvɛ̃ sonbore ne.

Izayii 30:19

Nsɛ *Siɔn a zaman, nsɛ mɛn bɛ́ giã-n Zeruzalɛmu, n ba re wuu pii doo wa. Bɛ̀ n nə n lɛ dɛ Dɛnaa Lawa ganaa á re a bǐɛ̃baa nyɛɛ n nɛ. Bɛ̀ á n lɛ ma lɔn gɔrɔ, á re n lɛ sii.

Izayii 66:10

Kasɛn mɛnɛn bɛ́ Zeruzalɛmu n kɔɔ̃n ka ganaa, ka n nyɛnyɛɛ kun ni. Ka goã foo kɔɔ̃n kɔ gole la kun ni. Kasɛn mɛnɛn nə goã gɛ̀ koɛ a koen kɛn taman yii, ka foo kɔɔ̃n gole kɛ gii kɔn nɛ kanna kəni!

Zeremii 13:17

Bɛ̀ ka n too kɔ gɔn waa kɛ li wa, man wuu pii ka durii ni kaa din koa kɛ taman yii. Ma yii mu n piɛ̃ kiɛ, a giala, maǹ nə́ Dɛnaa Lawa a zaman goa ǹ nə́ woe ne.

Zeremii 31:25

Taãn nɛ, min mɛnɛn nə nɔmaa, ma á re mu koe bɛn la ǹ mi. Pàãwɛɛnaan kɛn, ǹ laadoo bɛ́ màn mɛn tumaa ganaa ma á re bɛ koe ǹ la.

Zeremii 31:9

Maǹ wusii die bɛ̀ ǹ tá wuu pii, ǹ nə́ gòã kũ diɛ ma ganaa. Man miɛ ǹ nyɛɛnɛ ma á woe ǹ ne tà lɛ-a, piɛ̃-n ka mu ni. Zii mɛn bɛ́ foo n doa nɛ a ganaa, ma á re toɛ ǹ kɔ bɛ lɛ, màn mɛn bɛ́ toɛ, ǹ nyan bɔ ǹ mɛnaa wa. A giala, man Izirayeli a díi lɛa, Efrayimu n maa nɛgiĩ bibinaa lɛa.

Zeremii 9:1

Áh! Man zoɛ̃ li ma goã diə gole ne, zii tɔ-wɔlen bɛ́ nɛn bɛ̀ ǹ golee bǎã mɛn nɛ. Ma á re maa zaman toɛ walan, ma wo sɔsɔɔ man bɔ ǹ li. Minin giala da kanaa wolen manɛ, Naarɛbaalin manɛ!

Ezekieli 7:16

Min mɛnɛn bɛ́ re liɛ, bɛn tá re baa sii ǹ wo kelen la. Ǹ tá re puri ka kɔlɔn bɛ́ lɔn, ǹ sii baraa taman yii.

Ezekieli 9:4

á pɛ nɛ: «Kiɛ̃ n nə n bibiə̃ Zeruzalɛmu kiwi lɛ gɔ́ɔ̃ nɛ. Giĩn mɛnɛn bɛ́ gini, ǹ nə́ wuu pii sii bɔbɔnɛɛn kɛn tumaa taman yii minin nə́ zɛnɛɛ kiwi lɛ gɔ́ɔ̃ nɛ, nyaǹ da bɛa giĩn lɛn nyanlɛ ganaa.»

Matiə 5:4

Kanaa kɛ a sii bɛ́ yɔrɔ kɔsiɛ diɛ min mɛnɛn ganaa, Lawa á re barka diɛ bɛn ganaa, a giala Lawa á die ǹ foo basɛ̃!

Matiə 5:6

Min mɛnɛn bɛ́ peperebaa boro laanka bòo nə́ ǹ ganaa Lawa á re barka diɛ bɛa dɛnan ganaa, a giala Lawa á die toɛ ǹ kã.

Luku 1:53

A n die bòonaan gɔn piɛ̃ ka naforo ne, a gɔn màndɛnan loo, ǹ wo ka ǹ gɔn kooro ne.

Luku 6:20

Yezu nə́ n yii saa lon á doa a kialandɛnan lɛn la, á pɛ ǹ nɛ: «Kasɛn mɛnɛn bɛ́ doobaan lɛa, Lawa á re barka diɛ ka ganaa, a giala *Lawa a kiibaa lɛ n ka dinin wɔ lɛa.

Luku 6:22

Bɛ̀ minin tá ka biɛ zɔ́ɔ, ǹ nə́ n nyanɛɛ ka nɛ, ǹ nə́ sɔ koe ka ganaa, ǹ nə́ ka tɔ baraa pii Min a Nɛgiĩ a lɛa, ka dɔ̃ mà Lawa á re barka diɛ ka ganaa.

Luku 6:25

Kasɛn mɛnɛn nɔ̀ bɛ́ kiɛ̃-n sisia, bɔ̀ndɛnan man ka kasɛn nɛ, bòo á re ka kuĩ. Kasɛn mɛnɛn bɛ́ yaa we sisia, bɔ̀ndɛnan man ka kasɛn nɛ, gɛ̀ yɔrɔ kɔsiɛ á re doe ka ganaa, ka á re wuu pii.

Zaã a sɛ́wɔ 11:35

Bɛa biikoo li, Yezu yii mu bɔ.

Zaã a sɛ́wɔ 4:10

Yezu tɔ́n pɛ nɛ: «Bɛ̀ ma n Lawa a minin gɔ ǹ màn kɛ doɛ̃, ka masɛ mɛn dɔ bɛ́ má pɛ n nɛ máa n mu kɔ ma mi, bɛ̀ n din kɛ lɛ n die nɔ̀n diɛ masɛ la ka mu ni; bɛ̀ man die mu koe n la n mi, mu mɛn bɛ́ yiikoonaabaa koe min la.»

Zaã a sɛ́wɔ 6:35

Yezu mà ǹ ganaa: «Masɛ din nə yiikoonaabaa kɔ ǹ buuru lɛa. Bɛ̀ min mɛn daa masɛ li, bòo ba re bɛa dɛnaa kuĩ duduu wa, bɛ̀ min mɛn golee masɛ li, mu boro a re bɛa dɛnaa kuĩ doo duduu wa.

Korɛnti1 4:11

Haalɛ sisia, wɔ ǹ fuu yii bòo gɔn ka mu boro ne. Mɔnaa ba wɔ lon ma, maǹ wɔ dii dɔn. Wɔ n boe kànaa, wɔ wo kànaa, wɔa kion banban.

Korɛnti2 11:27

Má nɔmaa ǹ dí kakan nya, biikoo gigiã li ma nyuù wɔ wa, bòo ma kũ, mu boro ma kũ. Biikoo gigiã li má n lɛ sɔɔ, má nɔmaa nyan gɔn ka mɔnaa wɛɛ nɛ.

Korɛnti2 12:10

Bɛ lɛ-n ma á n nyɛnyɛɛ maa pàãwɛɛnaabaa ǹ siin kɛn lɛa, ka sɔ kaa ma la nɛ, ka sii kakan ma yɛ nɛ, ka bɔ ma yii-n ni, ka taasiɛn nɛ, Krita a lɛa. A giala, bɛ̀ pàã wɛɛ̃ tá ma ganaa biikoo mɛn li, bɛ lɛ n maa kakabaa biikoo lɛa kəni.

Korɛnti2 6:10

Maǹ ma foo ziziɛ̃, sɛnɛ ma foo dɔ n kɔɔ̃n baraanɛ. Man doobaa lɛa ǹ yii li, sɛnɛ, man min gigiã dɔ biɛ pàãma lɛa. Man gɔn kooro-a lɛa ǹ yii li, sɛnɛ, màn tumaa dɔ n ma gɔn.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Sii-nyaan 21:3

Má lɛn kaka goon ma boe kii dankan paǹ li, a n pii: «Kanna, Lawa a giã ǹ bǎã lɛ á ke minbuiinin bii! A n die giɛ̃ kunun ǹ ni, ǹ ná a din a zaman baa. Lawa dinmaa n die goɛ̃ kunun ǹ ni, a ǹ Lawa baa.

Sii-nyaan 7:16

Bòo á re ǹ kuĩ doo wa, mu boro á re n kuĩ doo wa, wasa fuu kaka a re ǹ dii doo wa.