Luku 6:20 - LAWA A BOO SONBORE

²⁰ Yezu nə́ n yii saa lon á doa a kialandɛnan lɛn la, á pɛ ǹ nɛ: «Kasɛn mɛnɛn bɛ́ doobaan lɛa, Lawa á re barka diɛ ka ganaa, a giala *Lawa a kiibaa lɛ n ka dinin wɔ lɛa.

LAWA A BOO SONBORE 2011

²⁰ Yezu nə́ n yii saa lon á doa a kialandɛnan lɛn la, á pɛ ǹ nɛ: «Kasɛn mɛnɛn bɛ́ doobaan lɛa, Lawa á re barka diɛ ka ganaa, a giala *Lawa a kiibaa lɛ n ka dinin wɔ lɛa.

Luku 6:20 Iomraidhean Croise

Loen 37:16

Màn boɛɛn mɛn bɛ́ min sonbore gɔn, á soɛ min baraa a pàãmabaa ǹ màn gigiã nɛ.

Suusun 16:19

Giã doɛ̃ kiĩn kun ka doobaan nɛ, á soɛ zia mànan gii kun ka din gole-kɔlin ni.

Suusun 19:1

Bɛ̀ ń doobaa baa, n giã ǹ gɔn nə́ pepere, á soɛ soɛ-bɔle laanka baãnaa nɛ.

Izayii 29:19

Min mɛnɛn foo bɛ́ ziziɛ̃ nɛ, bɛn tá re foo kɔɔ̃nbaa gole yii Dɛnaa Lawa li. Ǹ mɛnɛn tumaa bɛ́ doobaa taãn-taãnan lɛa, bɛn tá re n nyɛnyɛɛ Izirayeli a Lawa sonbore kɛ taman yii.

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Sofonii 3:12

Má bɛ́ re min mɛnɛn toɛ ka bii, doobaan laanka pàãwɛɛnaan manɛ, ǹsɛn mɛnɛn foo bɛ́ doa-n Dɛnaa Lawa ganaa.

Zakarii 11:11

Lɛ kɔ kɔn la lɛ na á n ziziɛ̃ bɛa pinaa kɛ lɛ nɛ. Sère makara dɛnan mɛnɛn nə goã giɛ ma ganaa, bɛn nə dɔ̃, mà Dɛnaa Lawa a boo na a gialaa yɔrɔ yii.

Matiə 11:5

Yii tere-an yii n wɔlɔ yii, bɔlɔkan man tɔ we, gɔ̀nɔn busu babaraa dɛnan busu n nyɛɛ, too tere-an man boo miɛ, geren yii n kiɛ, Boo Tii Kɔɔ̃n nə n pii doobaan manɛ.

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Matiə 5:1

Yezu bɛ́ á bɛa zaman kɛ lɛ yɛ, a na á dii kele mìi ni, á giã tán. A kialandɛnan nə́ daa a li,

Luku 12:32

«Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.

Luku 13:28

Wuu-pɛ laanka sɔ kerebɔ á re yii, biikoo mɛn waáraa bɛ̀ ǹ nə́ wɔ digolo Abrahamu yɛ, ka Izaaki ni ka Zakɔba nɛ, ka Lawa a boo gii-dalin kɛn tumaa nɛ, bɛn nə́ Lawa a kiibaa ǹ bǎã kɛ nɛ, ǹsɛn nə́ zuĩ-n kanaa.

Luku 14:15

Bɛa boon kɛn lɛn ma kio, giĩ goon kɔ́n dɔ n màn bii ǹ bǎã lɛ nɛ, bɛ́ pɛ Yezu ni mà min mɛn bɛ́ re goɛ̃ *Lawa a kiibaa ǹ bǎã a màn bii ǹ bǎã kɛ nɛ, barka á re n diɛ bɛ ganaa.

Luku 16:25

Abrahamu pɛ nɛ: Maa nɛ, n yiri gisĩ a nɛ, ń gɔn màn gigiã yɛ kanaa, Lazaarɛ sɛ na á goã á nɔmaa gole yɛ. Sisia Lazaarɛ dɔ na a yii-nyɛɛ ǹ bǎã nɛ, bɛ̀ n dɔ á fuu yii.

Luku 4:18

Dɛnaa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ,

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Korɛnti2 6:10

Maǹ ma foo ziziɛ̃, sɛnɛ ma foo dɔ n kɔɔ̃n baraanɛ. Man doobaa lɛa ǹ yii li, sɛnɛ, man min gigiã dɔ biɛ pàãma lɛa. Man gɔn kooro-a lɛa ǹ yii li, sɛnɛ, màn tumaa dɔ n ma gɔn.

Korɛnti2 8:2

Damagɔ́ɔ̃li fuu nyaa ǹ golee Lawa li wolen man taãn-taãnɛ. Sɛnɛ, ǹ foo kɔɔ̃n kɔ gole kɔ, ǹ nə́ n dinin nyaa ka bǐɛ̃baa ǹ foo ne, ǹ laanka ǹ doobaabaa baraa kɛ nɛ.

Korɛnti2 8:9

A giala, ka á wɔa Dɛnaa Yezu *Krita a bǐɛ̃baa ǹ gɔn doɛ̃: asɛ mɛn bɛ́ pàãma lɛa, á n din baa doobaa lɛa kaa lɛa, a boo la a kasɛn baa pàãman lɛa, ka a doobaabaa lɛ nɛ.

Tesaloniki1 1:6

Ka dɔn nə wɔsɛn gòɛ̃ saa, ka Dɛnaa dɔ gòɛ̃ saa. A laan ká goã nɔmaa gole kɛ bii, ká lɛ kɔ Lawa a boo lɛ ganaa miɛ̃ ka foo kɔɔ̃nbaa nɛ, Yiri Fu bɛ́ foo kɔɔ̃nbaa mɛn koe.

Tesaloniki2 1:5

Kaa sii simaa lɛ n nyɛɛ, mà Lawa a kiri á pepere. Ka á boe la ka waa la ka bɛ-n kəni, mà ka á re we *Lawa a kiibaa kɛ nɛ, ka bɛ́ nɔmaa lɛ we ǹ mɛn lɛ a lɛa.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

Sii-nyaan 2:9

Ma á n fuun doɛ̃, ma á n doobaabaa dɔ doɛ̃, sɛnɛ, ka boo taãn nɛ, n tá pàãma lɛa! Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, bɛn bɛ́ boo baraa mɛn diɛ n wɔ paǹ li, ma á doɛ̃. Maǹ *Sɛtaan a lɛ-kaakun minin lɛa!

Samayeli1 2:8

A n pàãwɛnaa sii gusuũn la. A n doobaa dɔ kuĩ tonton bɔlɔ la, a ǹ kaa tán kun ka min dadaran nɛ, a bǎã tɔnaa kɔ ǹ la. A giala, tán a bìbĩn lɛn man Lawa wɔn lɛa, a na á kanaa lɛ giala doa bɛn la.