Luku 6:19 - LAWA A BOO SONBORE

¹⁹ Min tumaa na á goã giɛ li a n gɔn da Yezu ganaa, a giala pàã na á goã soe a nɛ, a tá a gɔn da ma-a wolen busu nyɛɛ.

LAWA A BOO SONBORE 2011

¹⁹ Min tumaa na á goã giɛ li a n gɔn da Yezu ganaa, a giala pàã na á goã soe a nɛ, a tá a gɔn da ma-a wolen busu nyɛɛ.

Luku 6:19 Iomraidhean Croise

Kiin2 13:21

Bɛ daa yaa, bɛ̀ minin man ná a gialaa giĩ goon gere bĩ. Bɛa minin lɛn yii bɛ́ á mɛ sɔraasi kuru lɛ goon ganaa ǹ nə́ giĩ lɛ zũ fufuu Yiliizee a yala gɔ́ɔ̃ nɛ. Gere lɛ bɛ́ á woo n lɔ Yiliizee wen ganaa tán, giĩ lɛ yii wusoo á kaa, á yoo á n tele lon a gòãn la.

Matiə 14:36

Maǹ nə́ goã a nyankoe mà a toa busulən lɛn nə n gɔn da a mɔnaa lɛkoro din ganaa kooro. Min mɛn din tumaa bɛ́ á n gɔn da a ganaa, bɛn yii kaka kɔ.

Marki 3:10

Yezu busulə gigiã kaka kɔ lɛlɛ, bɛ lɛ na á toa min mɛnɛn dinin tumaa bɛ́ ǹ nə́ goã nɔmaa-n busu gɔn, bɛn nə́ goã n nanaɛ woe Yezu li, màn mɛn bɛ́ toɛ, ǹ boo la ǹ nə n gɔn da a ganaa.

Marki 5:30

Bɛa bǎã-n gɔrɔ Yezu dɔ̃ a din ganaa mà pàã kɔ́n soo asɛ nɛ. Á n yɔrɔ bɔyaa zaman lɛ bii, á nɔ̀n da: «Die na á n gɔn da maa mɔnaan ganaa?»

Marki 6:56

Yezu bɛ́ woe bǎã mɛn tumaa nɛ, kiwi bisinin ni, kiwi dadaran laanka don kionən ne, minin man die ka ǹ busulən ne zaman paã ǹ bǎã nɛ, bɛn na a nyankɔ mà a toa ǹsɛn nə n gɔn da a mɔnaa lɛkoro ganaa. Min mɛn tumaa bɛ́ á goã n gɔn diɛ a ganaa, bɛn busu nya.

Marki 8:22

Ǹ nə́ dɔ Bɛtsayidaa kiwi. Minin nə́ daa yii tere-a goon kɔ Yezu la, ǹ ná a nyankɔ mà a n gɔn da la, a na a busu nya.

Luku 5:17

N kɔ́n pinaa Yezu na á goã minin darɛɛ. *Fariziɛ̃n laanka landa sii-daraalin kɔnɔn nə́ goã giã-n tán-a a li, maǹ nə́ bɔ Galilee laanka Zudee kiwin ni, ka Zeruzalɛmu kiwi dɔ nɛ, ǹ nə́ daa. Dɛnaa din pàã na á goã dí nyɛɛ, á n busulən kaka koe.

Luku 6:18

Zaman lɛ na á daa n too kɔ Yezu lon. Maǹ nə́ daa dɔn, mà a ǹsɛn busun nya. Min mɛnɛn bɛ́ nɔ̀ɔn baraan nə́ ǹ nɔmiɛ, Yezu bɛn nɔ̀ɔnɔn loo.

Nya ǹ dín 19:12

Bɛ lɛ gɔ́ɔ̃ nɛ, minin man nə́ goã giɛ, patara laanka mɔnaa lɛkoron mɛnɛn nə n lɔ Pooli gɔ̀nɔn ganaa, ǹ bɛn goa ǹ nə ǹ da busulən ganaa. Bɛa busulən lɛn dɔn man nə́ goã kaka koe, nɔ̀ɔn baraa dɛnan nɔ̀ɔnɔn nə́ goã n boe ǹ ganaa.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.