Luku 6:12 - LAWA A BOO SONBORE

¹² Bɛa biikoo kɛ lɛ li, Yezu woo Lawa nyankɔ kele mìi ni, á Lawa nyankɔ ka tèlò tumaa nɛ.

LAWA A BOO SONBORE 2011

¹² Bɛa biikoo kɛ lɛ li, Yezu woo Lawa nyankɔ kele mìi ni, á Lawa nyankɔ ka tèlò tumaa nɛ.

Luku 6:12 Iomraidhean Croise

Loen 22:2

Maa Lawa, maa Lawa, wàa na á baa n ma daa? Má n lɛ wurəə má fɔ̃, wàa na á baa n ba die ma kirisibiɛ wa?

Izayii 26:9

Tèlò-n, man giɛ n li ka ma foo tumaa nɛ. Hiĩ, man giɛ n li ka ma parsii taãn nɛ. Bɛ̀ n tá dɔlɔ boe tán ganaa biikoo mɛn li, kanaa minin manə n darɛɛ peperebaa ganaa.

Matiə 5:1

Yezu bɛ́ á bɛa zaman kɛ lɛ yɛ, a na á dii kele mìi ni, á giã tán. A kialandɛnan nə́ daa a li,

Matiə 6:6

Bɛ̀ ka tá li ka Lawa nyankɔ, ka wɔ kaa kion, ka kiɛnlɛ tã ka dinin lɛ. Ka Di Lawa mɛn bɛ́ bɛa bǎã durii lɛ nɛ, ka bɛ lɛ nyankɔ walan, bɛ mɛn bɛ́ sii-duriin doɛ̃, a din lɛ n die ka sarɛɛ.

Marki 1:35

Bɛ lɛ a lɛawaa, baayɛlɛ yiisoon ne, bɛ̀ wɔlɔ bɛ́ tɔn tì, Yezu yoo á woo Lawa nyankɔ don.

Marki 3:13

Bɛ kio Yezu dii kele la. A bɛ́ li a min mɛnɛn bɔ, á lɛ dia bɛn la ǹ nə́ daa a li.

Marki 6:46

A bɛ́ á ǹ da zii ǹ mɛn waáraa, á woo dii kele la á Lawa nyankɔ.

Luku 5:16

Sɛnɛ, Yezu na á goã soe, bɛ̀ a wo giã a dinsɔɔ̃, bǎãn kɔnɔn nɛ, bɛ̀ a Lawa nyankɔ walan.

Luku 6:11

Landa sii-daraalin lɛn ka Fariziɛ̃n lɛn foo yoo parsiini. Ǹ bɛ́ re boe la ǹ sii mɛn zɛnaa Yezu ni, maǹ nə́ goã bɛ pii kɔn nɛ.

Luku 6:17

Yezu gisĩ á n bɔ kele lɛ la kun ka a kialandɛnan nɛ, á golee bǎã panparan nɛ. Zaman gigiã goã a li, a kiodɛnaa gigiã nɛ, ka min gigiã mɛn bɔ Zudee gána din tumaa nɛ, ka Zeruzalɛmu kiwi ni, ka Tiiri laanka Sidɔn nɛ, bɛa kiwi paa kɛ n mu lɛ-a.

Luku 9:18

Ǹ kɔ́n pinaa Yezu bɛ́ Lawa nyankoe tiãlɛa, a kialandɛnan nə́ daa a li. Á nɔ̀n da ǹ la: «Minin man pii mà masɛ n die lɛa?»

Luku 9:28

Lɛawaa kiwisi kɛ miã bɛa boon kɛn lɛn diɛ kio, Yezu Piɛrɛ kũ ka ZAÃ nɛ ka Zaaki ni, á dii ǹ ni kele mìi ni, ǹ nə́ woo Lawa nyankɔ.

Luku 9:29

A bɛ́ Lawa nyankoe, Yezu yɔrɔ gɔ́ɔ̃ nə́ n bɔyaa, a wɔ ǹ mɔnaa dɔ fu kɔ ka piepie, á n tɛ pii.

Zaã a sɛ́wɔ 6:3

Yezu dii kele la á giã tán kun ka a kialandɛnan nɛ.

Kolɔɔsi minin 4:2

Ka n doa Lawa-nyankɔ ganaa, ka n yii dɔraa bɛ gɔ́ɔ̃ nɛ, bɛ̀ ka n barka diɛ Lawa nɛ.

Ebrəə 5:7

Yezu lɛ bɛ́ kanaa ǹ mɛn waáraa, Lawa mɛn bɛ́ boe la, a na a kirisibaa gɛ̀ ganaa, a na á bɛ lɛ nyankɔ ka lɛn gole ne, ka yii mu ni. Lawa ná a lɛ si a doroo Lawa-n lɛ a lɛa.

Samayeli1 15:11

«Ma nə n gɔ́ɔ̃ bii, ka wàa nɛ ma Sayulu koa kii lɛa, a giala, a na á ma toa walan, a ba maa boo sii wa.» Samayeli foo yoo, á Dɛnaa Lawa nyankɔ tèlò-n á lɛ̀ waa nɛ.