Luku 5:5 - LAWA A BOO SONBORE

⁵ Simɔn pɛ nɛ: «Mìinaa, wɔsɛn nə́ dí nya wɔ́ n dinin nɔmaa tèlò-n yǎa lɛ̀ waa, wɔ màn kɔ́n yɛ wa. Sɛnɛ, n din bɛ́ ń pɛ miɛ̃, ma á die maa zɔ̀ɔ lɛ zuĩ mu li.»

LAWA A BOO SONBORE 2011

⁵ Simɔn pɛ nɛ: «Mìinaa, wɔsɛn nə́ dí nya wɔ́ n dinin nɔmaa tèlò-n yǎa lɛ̀ waa, wɔ màn kɔ́n yɛ wa. Sɛnɛ, n din bɛ́ ń pɛ miɛ̃, ma á die maa zɔ̀ɔ lɛ zuĩ mu li.»

Luku 5:5 Iomraidhean Croise

Ezekieli 47:10

Bɛa biikoo li, zɔ̀-kũlin tá re golee tà lɛ lɛ-a. A kũ Ɛn-Gedii ganaa yǎa Ɛn-Eglayimu, bɛa bǎã kɛ tumaa á re zɔ̀ɔn nyɔmaa ǹ bǎã biɛ. Zɔ̀ tɔrɔ gigiã á re goɛ̃ li, ka Yìsi mu gole kɛ bɛ́ lɔn.

Luku 17:13

ǹ nə́ n lɛ dɛ ǹ nə́ pɛ: «Yezu, wɔa Mìinaa, makara bɔ wɔ-a!»

Luku 8:24

Yezu a kialandɛnan lɛn nə́ n zɔ̃ ǹ nə́ dɔ a li, ǹ nə́ bũ. Ǹ nə́ tɔ́n pɛ nɛ: «Mìinaa, Mìinaa, wɔ ǹ die bɔ̀n biɛ!» Yezu yoo á paraa piɛ̃ lɛ li, ka tà mu yoo wole lɛ nɛ. Piɛ̃ lɛ-n woo, tà mu lɛ-n woo, ǹ tumaa golee, yǎa wɔlɔ golee ka kiĩni.

Luku 8:45

Yezu nɔ̀n da mà die na á n gɔn da asɛ ganaa? Min kɔ́n nə lɛ kɔ mà asɛ nə́ n gɔn da-a wa. Piɛrɛ sɛ ná a lɛ si kɛnɛn: «Mìinaa, n din yii tá zaman lɛ dɔ ganaa, ǹ nə́ n lɛnpɛnɛ, ǹ nə́ n lɛ gɛwaa, ma n tɔn nɔ̀n diɛ mà die na á n gɔn da nsɛ ganaa!»

Luku 9:33

Bɛa min paa lɛ bɛ́ n boe Yezu li ǹ mɛn waáraa, Piɛrɛ pɛ nɛ: «Mìinaa ganaa, á siĩni wɔsɛn nə goã kànaa. Wɔ n die siã sɔɔ doe, goon nə goã n din wɔ lɛa, goon nə goã Muizu wɔ lɛa, goon nə goã Yilii wɔ lɛa.» (Piɛrɛ goã a din a boo kɛ lɛ giala miɛ wa).

Luku 9:49

ZAÃ boo saa á pɛ Yezu ni: Mìinaa, wɔsɛn nə́ min kɔ́n yɛ, á n nɔ̀ɔnɔn lui ka n din tɔ nɛ. Wɔ́ kurəə a ganaa, a giala bɛa dɛnaa lɛ ba koe wɔsɛn lɛ kunun n ni wa.

Zaã a sɛ́wɔ 15:14

Ma dí mɛn pɛ ka nɛ, bɛ̀ ka tá bɛ nyɛɛ, ka n masɛ a giaáran lɛa.

Zaã a sɛ́wɔ 2:5

Ǹ dan tɔ́n pɛ màn-bii kɔ minin la wolen lɛn nɛ: «A bɛ́ re pii ka nɛ mà ka sii woo sii zɛnaa, ka bɛ zɛnaa.»

Zaã a sɛ́wɔ 21:3

Simɔn Piɛrɛ tɔ́n pɛ ǹ nɛ mà asɛ n woe zɔ̀ kuĩ. Ǹ nə́ pɛ nɛ mà ǹsɛn tá woe kun ni. Ǹ nə́ soo ǹ nə́ wɔ tà kuru ǹ goo ne, sɛnɛ, bɛa tèlò kɛ lɛ nɛ, ǹ màn kɔ́n kũ wa.