Luku 5:20 - LAWA A BOO SONBORE

²⁰ Yezu bɛ́ á ǹ golee Lawa li yɛ, á pɛ bɔlɔka lɛ nɛ: «N sii baraan nə́ n toa n nɛ.»

LAWA A BOO SONBORE 2011

²⁰ Yezu bɛ́ á ǹ golee Lawa li yɛ, á pɛ bɔlɔka lɛ nɛ: «N sii baraan nə́ n toa n nɛ.»

Luku 5:20 Iomraidhean Croise

Siin Giala 22:12

Dɛnaa tɔ́n pɛ nɛ: «N baran n gɔn da nɛginin lɛ ganaa wa. N baran sii kɔ́n zɛnaa-n wa. Ma á doɛ̃ sisia, máa n tá nyɛ́ɛbiɛ masɛ Lawa nɛ. A giala, n nə n piã ka n nɛgiĩ goon toto lɛ a kɔ masɛ la-n wa.»

Izayii 38:17

Á ke, maa foo-ziziɛ̃ gole nə́ n bɔyaa á là nyantoro baa. Hiĩ, n maa yiikoonaabaa narɛɛ á la yii ni yǎa n ma kanbaa gɛ̀ ganaa, n maa sii baraan tumaa zũ n kio sɔsɔɔ.

Matiə 9:2

Minin nə́ daa a li ka giĩ paǹ tumaa gere-a goon ne piì la. Yezu bɛ́ á bɛa minin lɛn goleemali yɛ lɔn, a na á pɛ giĩ paǹ tumaa gere-a lɛ nɛ: «Maa nɛ, n foo taã! N sii baraan nə́ n toa n nɛ!»

Matiə 9:5

Boo màn paa kɛ bii, ǹ mɛn a pɛ n naanaa? Ma pɛ: «N sii baraan nə́ n toa n nɛ,» hinlaa ma pɛ: «Yoo lon n tɔ wɔ.»

Marki 2:5

Yezu bɛ́ á bɛa minin kɛn lɛn goleemali yɛ, á tɔ́n pɛ giĩ paǹ tumaa gere-a lɛ nɛ: «Maa nɛ, n sii baraan nə́ n toa n nɛ.»

Luku 7:48

Yezu pɛ lɔ lɛ nɛ: «N sii baraan nə́ n toa n nɛ gɔrɔ.»

Zaã a sɛ́wɔ 2:25

a laadoo din ba a ganaa mà min siére pɛ asɛ nɛ minbuiin nɛ wɔ gɔn la wa; taasiɛ mɛn bɛ́ minbuiin nɛ gɔ́ɔ̃ nɛ, asɛ á doɛ̃.

Zaã a sɛ́wɔ 5:14

Bɛ kio, a belebɔ wa, Yezu wusoo á yɛ Lawa kion, á pɛ nɛ: «Haya, n bɛ́ ke kakabaa la kanna, n nyan wusoo n sii baraa zɛnaa doo, sii kɔsɔ yaa kiɛ̃ n yii, bɛ n baraa á la kɛ-n wa.»

Nya ǹ dín 11:23

A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li.

Nya ǹ dín 14:9

Ǹ kɔ́n pinaa Pooli n boo diɛ, a nə n too koe li. Pooli nə́ n yiin doa la parsiini, a bɛ́ á yɛ mà golee Lawa li tá a lon a boo la a kaka kɔ,

Korɛnti2 2:10

Bɛ̀ ka min a sã ǹ sii toa nɛ, masɛ dɔ n toɛ ǹ dɛnaa nɛ. A giala, bɛ̀ sii tan má n kɔnboe ma toa, man toɛ ka dinin lɛa *Krita yɔrɔ-a,

Kolɔɔsi minin 3:13

Ka toa ka kɔn a sii si ka ganaa. Bɛ̀ min tá taasɛ mà ǹ miã sã á wɔ a lon, ka kɔn a sã toa kɔn nɛ. Ka Dɛnaa din bɛ́ á kaa sii baraan toa ka-n lɔn, ka dɔn nə zɛnaa miɛ̃.

Zaaki 2:18

Sɛnɛ, min tá boe la a pɛ: «Goleemali tá min kɛ nɛ, a zɛnaa ǹ siin man masɛ dɔ lon.» Masɛ n pii bɛa dɛnaa nɛ: «N goleemali lɛ nyaa ma nɛ, zɛnaa ǹ siin gòɛ̃ ná a ba n wa. Bɛ kio, ma dɔ tɔ́n maa goleemali nyaa n nɛ ka zɛnaa ǹ siin ni.»