Luku 5:17 - LAWA A BOO SONBORE

¹⁷ N kɔ́n pinaa Yezu na á goã minin darɛɛ. *Fariziɛ̃n laanka landa sii-daraalin kɔnɔn nə́ goã giã-n tán-a a li, maǹ nə́ bɔ Galilee laanka Zudee kiwin ni, ka Zeruzalɛmu kiwi dɔ nɛ, ǹ nə́ daa. Dɛnaa din pàã na á goã dí nyɛɛ, á n busulən kaka koe.

LAWA A BOO SONBORE 2011

¹⁷ N kɔ́n pinaa Yezu na á goã minin darɛɛ. *Fariziɛ̃n laanka landa sii-daraalin kɔnɔn nə́ goã giã-n tán-a a li, maǹ nə́ bɔ Galilee laanka Zudee kiwin ni, ka Zeruzalɛmu kiwi dɔ nɛ, ǹ nə́ daa. Dɛnaa din pàã na á goã dí nyɛɛ, á n busulən kaka koe.

Luku 5:17 Iomraidhean Croise

Matiə 11:5

Yii tere-an yii n wɔlɔ yii, bɔlɔkan man tɔ we, gɔ̀nɔn busu babaraa dɛnan busu n nyɛɛ, too tere-an man boo miɛ, geren yii n kiɛ, Boo Tii Kɔɔ̃n nə n pii doobaan manɛ.

Matiə 15:1

*Fariziɛ̃n kɔnɔn laanka landa sii-daraalin kɔnɔn nə́ n toa Zeruzalɛmu, ǹ nə́ daa nɔ̀n da Yezu la:

Marki 1:45

Sɛnɛ, sii mɛn bɛ́ á n zɛnaa giĩ lɛ nɛ, a bɛ́ á woo, á bɔ á mɛ la a ná a laakalaa bǎã yii ni. Bɛ lɛ n ke Yezu boo la á wɔ kiwi kɔ́n nɛ doo wa, a na á goã giɛ̃ don. Minin nə́ bɔ bǎã yii ni, bɛ̀ ǹ wo a li walan.

Marki 16:18

Ta ǹ nə́ miɛ̃ kũ ka ǹ gɔn nɛ, ta ǹ nə́ sèwò màn mi, bɛa re màn kɔ́n zɛnɛɛ ǹ nɛ wa. Ǹ tá re ǹ gɔn diɛ busulən la ǹ Lawa nyankɔ ǹ nɛ, bɛn tá re kaka koe.»

Marki 3:22

Landa sii-daraalin mɛnɛn nə bɔ Zeruzalɛmu ǹ nə́ daa walan, bɛn man nə́ goã pii kɛnɛn: «A laanka nɔ̀ɔnɔn kiã *Sɛtaan lɛ-n kun. Bɛ lɛ n pàã koe la, bɛ̀ a nɔ̀ɔnɔn lɛn loo ne.»

Marki 5:30

Bɛa bǎã-n gɔrɔ Yezu dɔ̃ a din ganaa mà pàã kɔ́n soo asɛ nɛ. Á n yɔrɔ bɔyaa zaman lɛ bii, á nɔ̀n da: «Die na á n gɔn da maa mɔnaan ganaa?»

Marki 7:1

*Fariziɛ̃n laanka Zuifun landa sii-daraalin kɔnɔn nə́ bɔ Zeruzalɛmu, ǹ nə́ woo n lɛ sɔkɔn Yezu li.

Luku 15:2

*Fariziɛ̃n laanka landa sii-daraalin nə́ goã zùzùũ sii. Maǹ nə́ goã pii: Giĩ kɛ n lɛ koe sii baraa-zɛnaalin-a, a n màn dɔ din bii kunun ǹ ni.

Luku 2:46

A lɛawaa sɔɔbaa ǹ wɔ pinaa kəni, ǹ nə́ woo yaa Lawa a kion, á n giã-n tán landa sii-daraalin bii, a nə́ n too koe ǹ lon, bɛ̀ á n nɔ̀n diɛ ǹ la.

Luku 5:21

Landa sii-daraalin laanka Fariziɛ̃n nə́ yoo ǹ nə́ sɛ̀ binbisin pii mà wàa dɛnaa n ka giĩ kɛ nɛ, a n sɔ koe Lawa-a kɛnɛn? Mà bɛ̀ á n bɔ Lawa dinsɔɔ̃ nɛ, mà die kɔsɔ n boe la a sii baraa toa minin manɛ?

Luku 5:30

Fariziɛ̃n lɛn, sanparɛ a landa sii-daraalin kɛn nə́ goã boo zuzuũ diɛ, bɛ̀ ǹ nə́ pii Yezu a kialandɛnan manɛ: «Wàa na á baa ka á màn bii, ka n màn mii kun ka wusuru-silin ni, ka sii baraa-zɛnaalin gialakunun kɛn nɛ?»

Luku 6:19

Min tumaa na á goã giɛ li a n gɔn da Yezu ganaa, a giala pàã na á goã soe a nɛ, a tá a gɔn da ma-a wolen busu nyɛɛ.

Luku 7:30

Sɛnɛ, Lawa bɛ́ á nyin si ǹ sii mɛn yɔrɔ bɔ á dia ǹ la, *Fariziɛ̃n laanka landa sii-daraalin nə́ n piã ka bɛ nɛ. Ǹ lɛ kɔ ǹ nə́ batɛmu lɛ si ZAÃ li wa.

Luku 8:46

Sɛnɛ, Yezu pɛ nɛ: «Min nə́ n gɔn da ma-a, a giala má dɔ̃ máa pàã kɔ́n bɔ ma nɛ á n dɔ min lɛ.»

Zaã a sɛ́wɔ 3:10

Yezu tɔ́n pɛ nɛ: «Ma n Izirayeli minin darɛɛ, a da yaa n ba bɛa siin kɛn doɛ̃ wa!

Zaã a sɛ́wɔ 3:21

Sɛnɛ, bɛ̀ min mɛn tá sii sonbore zɛnɛɛ, bɛa dɛnaa n soe wɔlɔ fúlu li, màn mɛn bɛ́ toɛ, minin na a zɛnaa ǹ siin yɛ foaãnɛ.»

Nya ǹ dín 19:11

Lawa na á goã kaãbaa ǹ sii dadaran zɛnɛɛ Pooli gɔn.

Nya ǹ dín 4:30

N din dí nya, màn mɛn bɛ́ toɛ busulən nə kaka kɔ, kaãbaa ǹ sii dadara kɔsɔn nə n zɛnaa ka n din a dí-nyali Yezu kɛ tɔ barka nɛ, bɛ mɛn bɛ́ n din wɔ lɛa.

Nya ǹ dín 5:34

Sɛnɛ, giĩ goon nə́ yoo kiri-wɔlen lɛn bii, á pɛ mà ǹ soo ka kòso nɛn lɛn nɛ kanaa boɛɛn nɛ. Bɛa giĩ lɛ n *Fariziɛ̃ lɛa, a tɔ n Gamalieli, landa sii-daraali goon ne, a sii á kɔɔ̃n gána lɛ a minin-a parsiini.