Luku 5:14 - LAWA A BOO SONBORE

¹⁴ Yezu pɛ nɛ doo: «N baran kɛ pɛ min kɔ́n nɛ wa. Sɛnɛ, wo Lawa a kion a wúlu-bɔle li, bɛ ga n ganaa. Bɛ kio, Muizu wúlu mɛn boo da, wo bɛ bɔ, n nyaa min tumaa nɛ mà n busu nya.»

LAWA A BOO SONBORE 2011

¹⁴ Yezu pɛ nɛ doo: «N baran kɛ pɛ min kɔ́n nɛ wa. Sɛnɛ, wo Lawa a kion a wúlu-bɔle li, bɛ ga n ganaa. Bɛ kio, Muizu wúlu mɛn boo da, wo bɛ bɔ, n nyaa min tumaa nɛ mà n busu nya.»

Luku 5:14 Iomraidhean Croise

Lawa a wúlu-bɔlen 13:2

Bɛ̀ min gɔ̀nɔn paǹ kɔn na á yoo, bɛ̀ á kokore, hinlaa ta a na á n kurəə á fulu, bɛ̀ á gɔ̀nɔn ki busu babaraa kɛ baa ǹ dɛnaa ganaa, ka wo ka ǹ dɛnaa nɛ Lawa a wúlu-bɔle Aarɔn li, hinlaa a tɔrɔ wúlu-bɔlen kɛn goon li.

Lawa a wúlu-bɔlen 13:49

bɛ̀ a sulii bǎã lɛ yii nə́ n baa ka buu buruu bɛ́ lɔn, hinlaa ka a n die tã koe, gɔ̀ babaraa nɛ. Ǹ doamaa nɛ ǹ wo bɛ nyaa Lawa a wúlu-bɔle ne a ga a ganaa.

Matiə 10:18

Masɛ tɔ taman yii, ǹ tá re woe ka nɛ tɔrɔ kɔsɔn pàãdɛnan laanka kiin yɔrɔ-a ka n bɔlɔ pɛ. Bɛ lɛ n die toɛ ka siére baa bɛn laanka ǹ minin yɔrɔ-a.

Matiə 12:16

sɛnɛ, á n gɔn waa ǹ nɛ parsiini, mà ǹ nyan toa ǹ na asɛ boo da min kɔ́n yii-n wa.

Matiə 8:4

Bɛ kio, Yezu tɔ́n pɛ nɛ: «N too kɔ doɛ̃, n nyan toa n kɛ laakalaa min kɔ́n yii-n wa. Wo n din nya wúlu-bɔle ne, bɛ ga n ganaa bɔrɔ, bɛ kio, Lawa wúlu mɛn boo da Muizu ni, n bɛ lɛ bɔ n nyaa min din tumaa nɛ mà n busu nya.»

Matiə 9:30

Ǹ yiin nə́ n bũ. Yezu nə́ n gɔn waa ǹ nɛ, á pɛ ǹ nɛ: «Haya! Ka nyan toa min kɔ́n bɔ a siére-a wa.»

Marki 1:44

Á tɔ́n pɛ nɛ: «N too kɔ doɛ̃. N nyan toa n kɛ laakalaa min kɔ́n yii-n wa. Sɛnɛ, wo n din nyaa Lawa a wúlu-bɔle ne. Bɛ kio, Lawa wúlu mɛn boo da Muizu ni, wo bɛ lɛ bɔ, n nyaa min din tumaa nɛ mà n busu nya.»

Marki 6:11

Bɛ̀ bǎã mɛn a minin nə́ n piã, mà ka baran n yu ǹsɛn la wa. Bɛ̀ ǹ nə́ n piã, ǹ nə n too kɔ ka lon wa, ka n gòã gusuũ duduu, ka soo ka n bɔ walan: Bɛ n gɔn waa ǹ sii lɛa ǹ wɔ paǹ li.»

Luku 17:14

Yezu nə́ ǹ yɛ, á pɛ ǹ nɛ mà ǹ wo n dinin nyaa Lawa a kion wúlu-bɔlen manɛ. Ǹ bɛ́ zii la woe walan, ǹ busu nya.

Luku 5:13

Yezu nə́ n gɔn saa á da a ganaa, á pɛ: «Ma tá li. Masɛ máa busu lɛ nə n bɔ n ganaa.» A din bǎã-n gɔrɔ gɔ̀nɔn busu babaraa lɛ nə́ n bɔ giĩ lɛ ganaa.

Luku 9:5

Bɛ̀ ka woo kiwi mɛn nɛ yǎa a minin nə n piã ka nɛ, ka n gòã gusuũ duduu bɛa kiwi lɛ-a, ka soo ka n bɔ a nɛ.»