Luku 5:12 - LAWA A BOO SONBORE

¹² Yezu bɛ́ kiwi goon ne Galilee gána nɛ, giĩ goon nə́ daa a li, gɔ̀nɔn busu babaraa ná a paǹ tumaa ganaa. A bɛ́ á Yezu yɛ, á kaa tán a giulun, á n yɔrɔ kɔ tán lɛ, a ná a nyankɔ parsiini á pɛ: «Mìinaa, bɛ̀ n tá li, n tá boe la n maa busu nya.»

LAWA A BOO SONBORE 2011

¹² Yezu bɛ́ kiwi goon ne Galilee gána nɛ, giĩ goon nə́ daa a li, gɔ̀nɔn busu babaraa ná a paǹ tumaa ganaa. A bɛ́ á Yezu yɛ, á kaa tán a giulun, á n yɔrɔ kɔ tán lɛ, a ná a nyankɔ parsiini á pɛ: «Mìinaa, bɛ̀ n tá li, n tá boe la n maa busu nya.»

Luku 5:12 Iomraidhean Croise

Siin Giala 18:14

Sii tan, bɛ n kaka á la yii ni, masɛ Dɛnaa Lawa n foɛ̃ bɛa zɛnaa li? Ma bɛ́ re n bɔyɛɛ, ma da n li ǹ mɛn waáraa lɛ̀ boe kɛnɛn yoroo, Saaraa á die nɛgiĩ yii.»

Kiin1 18:39

Zaman lɛ bɛ́ á bɛ yɛ, ǹ tumaa nə́ n gɔn na ǹ dinin ganaa, ǹ nə́ bɔ ǹ nə́ kaa tán ǹ lɛ la, ǹ nə́ n toa: «Dɛnaa Lawa lɛ n Lawa lɛa, Dɛnaa Lawa lɛ n Lawa lɛa!»

Kiin2 5:1

Siirii gána a kii a sɔraasin goledɛnaa n ka Naaman nɛ. Barka goã a sii ni kii lɛ gɔn parsiini. Kii lɛ goã sàn koe ka a sii-n wa. A giala, Naaman lɛ din ni, Dɛnaa Lawa goã á gɔ̀lɔ̀baa kɔ Siirii minin la a gɔn. Sɛnɛ, Naaman lɛ, bɛa zia-baali sonbore kɛ lɛ, gɔ̀nɔn ki busu babaraa na á goã a ganaa.

Kiin2 5:27

Sɛnɛ, Naaman a gɔ̀nɔn ki busu babaraa lɛ n die n din kuĩ denden n laanka n tɔrɔn nɛ, yǎa miɛ̃ duduu.» Bɛ kio, Geazi kiɛ̃ á n bɔ Yiliizee li. Geazi goã gɔ̀nɔn ki busu babaraa dɛnaa lɛa, á kũ á fu kɔ ka koara nɛ.

Kiin2 7:3

Gɔ̀nɔn ki busu babaraadɛnaa min sii kɔn goã kiwi lɛ a kiɛnlɛ-a, bɛn nə́ pɛ kɔn nɛ: «Wɔsɛn nə giã kànaa wɔ n yii da gɛ̀ la? Wàa na á baa?

KZS1 21:16

Davida nə́ n yii saa lon, á Dɛnaa Lawa a lon a dia dí-a wole lɛ yɛ golee ne lon laanka tán bii ni, a gɔya sa kooromaa nɛ a gɔn, á bɔyaa á dia Zeruzalɛmu la. Davida laanka min golen nə́ tɔ́n kaa tán ǹ lɛ la, boro n koe ne ǹ lɛ.

Loen 50:15

Bɛ̀ fuu dɔ n ganaa ǹ mɛn pinaa, ma bíi wɔ, ma á re n kirisibiɛ, n tá re ma guguru koe.

Loen 91:15

Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.

Bɔ bɛ̀rɛbaa nɛ 4:6

Dɛnaa pɛ nɛ doo: «N gɔn da n foo bii kəni.» Á n gɔn da a foo bii, á wusoo á bɔ. Gɔ̀nɔn ki busu babaraa ná a gɔn lɛ kũ, á fu kɔ ka piepie.

Lawa a wúlu-bɔlen 13:16

Bɛ̀ gɔ̀nɔn siĩ a suĩ lɛ nə́ n bɔyaa á n baa fu, mà ǹ dɛnaa wo dɔ wúlu-bɔle li doo.

Lawa a wúlu-bɔlen 9:24

Dɛnaa Lawa tɛ kɔn dia, á daa wúlu màn tiɛ̃ laanka màn nyɔɔn lɛn kũ a lalan. Zaman lɛ tumaa bɛ yɛ. Foo kɔɔ̃nbaa gɔn, ǹ nə́ n lɛ dɛdɛ, ǹ nə́ nana ǹ nə́ kakaa tán ǹ yɔrɔ la.

Matiə 26:6

Giĩ goon goã Betaanii kiwi, a tɔ n Simɔn, gɔ̀nɔn busu babaraa goã a ganaa. Yezu bɛ́ bɛa kion,

Matiə 9:28

Yezu bɛ́ á dɔ piɛ, yii tere-an lɛn nə́ n zɔ̃ ǹ nə́ dɔ a li, Yezu nɔ̀n da ǹ la: «Ka waa la mà masɛ á boe la ma ka yiin bũ koɛɛ?» Ǹ nə́ pɛ Yezu ni: «Taãn-taãnɛ, Mìinaa!»

Marki 5:23

A ná a nyankɔ parsiini, á pɛ: «Maa nɛlɔ n die giɛ̃. Ma nə n nyankoe n da n gɔn da la, n Lawa nyankɔ nɛ, màn mɛn bɛ́ toɛ a kaka kɔ a yii goã koo.»

Luku 17:16

Á daa kaa tán Yezu giulun, á n yɔrɔ kɔ tán lɛ, á barka da Yezu ni. Bɛa giĩ kɛ lɛ na á goã Samarii gána min lɛa.

Luku 5:13

Yezu nə́ n gɔn saa á da a ganaa, á pɛ: «Ma tá li. Masɛ máa busu lɛ nə n bɔ n ganaa.» A din bǎã-n gɔrɔ gɔ̀nɔn busu babaraa lɛ nə́ n bɔ giĩ lɛ ganaa.

Timəə dí-pɛn 24:8

Busu mɛn tumaa á ke ká gɔ̀nɔn ki busu babaraa kɛ bɛ́ lɔn, ka yiri bɔ bɛ li, màn mɛn bɛ́ toɛ, Levii tɔrɔ wúlu-bɔlen kɛn nə ka daraa màn mɛn tumaa ganaa bɛ wɔ paǹ li, ka bɛ tamaa sɔnbɔraa nɛ, ka kɔ lɛ. Ka n yiri kɔ li ka zɛnaa a kɔnpɛ ka maa gɔn waa ǹ boon kɛn nɛ má pɛ ka nɛ.

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.

Zozoe 5:14

A ná a lɛ si: «Haayii! Man Dɛnaa Lawa a zia-baalin goledɛnaa lɛa. Maa daa n ka kɛ nɛ.» Zozoe na, á kaa tán a giulun á n mìi kuməə, á pɛ nɛ: «Maa dɛnaagiĩ, masɛ nə n bɛ̀rɛgiĩ lɛa. Wàa mɛn boo nə n lɛ-n kəni, n nə́ die pii masɛ nɛ?»