Luku 5:1 - LAWA A BOO SONBORE

¹ Ǹ kɔ́n pinaa, Yezu na á goã golee-n Zenezarɛti tà lɛ-a. Zaman na á goã a lɛ gɛwɛɛ, ǹ nə́ n too koe Lawa a boo ganaa.

LAWA A BOO SONBORE 2011

¹ Ǹ kɔ́n pinaa, Yezu na á goã golee-n Zenezarɛti tà lɛ-a. Zaman na á goã a lɛ gɛwɛɛ, ǹ nə́ n too koe Lawa a boo ganaa.

Luku 5:1 Iomraidhean Croise

Minin nimi 34:11

Gèlè lɛ die a n toa Sefan a wo Ribla li Ayini a lɛ̀giala gɔn la, bɛ kio, a wo n lɔ tentenen kɛn ganaa Kinerɛti yìsi mu a lɛ̀giala gɔn la.

Matiə 11:12

A kũ ZAÃ a Boo Tii Kɔɔ̃n pɛ biikoo kɛ ganaa a da pelo yaa, lon a kiibaa ǹ bǎã lɛ a wɔ n minbuiinin la kakaɛ̃, min mɛnɛn bɛ́ doa boe, bɛn man yii.

Matiə 14:34

Ǹ nə́ tà kuru ǹ nə́ nya, ǹ nə́ dɔ tán kooro ganaa Zenezarɛti gána nɛ.

Marki 3:9

Yezu tɔ́n pɛ a kialandɛnan manɛ, mà ǹ mu la ǹ goo boɛɛn yɔrɔ bɔ ǹ koa asɛ nɛ, màn mɛn bɛ́ toɛ zaman lɛ baran asɛ gɛwaa wa.

Marki 4:1

Yezu wusoo á minin-daraa giala kɔ Galilee tà lɛ-a doo, zaman gigiã daa a lɛnpɛnɛ, yǎa á wɔ tà kuru ǹ goo ne, á giã mu lalan. Zaman lɛ din tumaa golee tà lɛkoro-a.

Marki 5:24

Yezu woo kun ni. Zaman gole kɔ Yezu lɛ, ǹ nə́ gɛwaa a paǹ yii ganaa.

Marki 6:53

Ǹ nə́ tà kuru ǹ nə́ nya ǹ nə́ dɔ tán kooro ganaa Zenezarɛti gána nɛ, ǹ nə́ ǹ goo doa tà lɛkoro-a.

Luku 12:1

Bɛa biikoo kɛ lɛ li, min gigigã nə́ n lɛ sɔkɔn ka ǹ daa ǹ tɔ wɔ kɔn gòã la. Yezu ná a giala kɔ á pɛ a kialandɛnan man bɔrɔ: «Ka n parabaa *Fariziɛ̃n yɔ bù kɛ nɛ, bɛ giala mà ǹ boo da ka ǹ lɛ-n ke, a ná a ba ǹ gɔ́ɔ̃-n wa.

Luku 5:2

Yezu tà kuru ǹ goo màn paa yɛ tà lɛ lɛkoro-a, zɔ̀-kũlin mɛnɛn bɛ́ ǹ nə́ gisĩ ǹ nə́ n bɔ goon lɛn nɛ, bɛn man nə́ goã ǹ zɔ̀ɔn pii.

Luku 8:22

Ǹ kɔ́n pinaa Yezu wɔ tà kuru ǹ goo ne kun ka a kialandɛnan nɛ. Á pɛ ǹ nɛ: mà ǹ daa ǹsɛn nə mu kuru, ǹ wo tà lɛkoro goon kɛ ganaa. Bɛa boo lɛ a diɛ kio, ǹ nə́ mɛ mu la.

Luku 8:23

Ǹ bɛ́ mu kuri, nyuù Yezu saa. Piɛ̃ gole yoo tà lɛ la. Bɛ lɛ taman yii, mu n yui á kiɛ goo lɛ nɛ. Ǹ nə́ yɛ mà bɔ̀n nə die ǹsɛn ganaa.

Luku 8:33

Bɛ lɛ taman yii, nɔ̀ɔn baraan lɛn nə́ n bɔ giĩ lɛ ganaa ǹ nə́ wɔ biriin lɛn nɛ. Bɛ lɛ na á toa, bɛa tɔɔ damata kɛ lɛ baa si á n bɔ tenten mìi kɛ nɛ á daa kaa tà mu li. Mu nə́ ǹ kũ.

Luku 8:45

Yezu nɔ̀n da mà die na á n gɔn da asɛ ganaa? Min kɔ́n nə lɛ kɔ mà asɛ nə́ n gɔn da-a wa. Piɛrɛ sɛ ná a lɛ si kɛnɛn: «Mìinaa, n din yii tá zaman lɛ dɔ ganaa, ǹ nə́ n lɛnpɛnɛ, ǹ nə́ n lɛ gɛwaa, ma n tɔn nɔ̀n diɛ mà die na á n gɔn da nsɛ ganaa!»

Zaã a sɛ́wɔ 1:40

Min paa mɛn nə ǹ too kɔ ZAÃ a boo ganaa, ǹ nə́ kɔ Yezu kio lɛ, Simɔn Piɛrɛ n dɔɔ̃ngiĩ Andre-n ka goon ne,

Zaã a sɛ́wɔ 6:1

Bɛ kio, Yezu woo Galilee tà kio, a din ni ǹ tá bíi Tiberiadi tà.

Timəə dí-pɛn 3:17

A lɛ̀nyɛɛn gèlè n boe Zurdɛ̃ tà a nyankɔrɔ lɛ kɛ nɛ, Zenezarɛti tà laanka yìsi mu kɔsɛ kɔsɛ kɛ bii, a wo n doa Pisigaa kele gòã lɛ ganaa lɛ̀giala-n.

Ebrəə 13:7

Ka n yiri kɔ kaa lɛlɛ a nyɛɛnaandɛnan kɛn nɛ, ǹ mɛnɛn nə Lawa a boo lɛ pɛ ka nɛ. Ka ga ǹ tá kanaa a tɔ-wɔ ǹ gɔn kɛ laanka ǹ gɛ̀-wɔ ǹ gɔn kɛ ganaa, ka toa ka ǹ golee Lawa li lɛn zɔɔ̃.

Zozoe 12:3

A saa Zurdɛ̃ a nyankɔrɔ lɛ kɛ dɔ ganaa yǎa Kinerɛti tà lɛ-a, dia-n woe lɛ̀nyɛɛnɛ, a wo yǎa diə gɔ́ɔ̃ a kɔ̀ kɛ lɛ-a, yìsi mu kɔ̀ lɛ lɛ̀giala-n, dia-n woe Bɛti-Yesimɔti kiwi la, a wo gusin a lɛ̀gɔn la, Pisigaa kele gòã lasadɛnan kɛn bǎã nɛ, bɛ tumaa na á goã a din gɔn.

Zozoe 13:27

Bǎãn mɛnɛn nə dɔ ǹ ganaa Zurdɛ̃ a nyankɔrɔ basa kɛ nɛ, bɛn man ka kɛn nɛ: Bɛti-Aramu, Bɛti-Nimuraa, Sukɔti, Safɔn, Ɛsibɔnɔn kii Sihɔn kɛa bǎã gialakun ni, Zurdɛ̃ tà laanka a lɛkoro lɛ-a bǎãn nɛ, a wo yǎa Kinerɛti tà a lɛ doa ǹ bǎã ganaa, Zurdɛ̃ tà kio lɛ̀giala-n.