Luku 4:41 - LAWA A BOO SONBORE

⁴¹ Nɔ̀ɔnɔn dɔn nə́ goã n boe gigiã ganaa, bɛ̀ ǹ nə́ n lɛ dii Yezu ganaa: «Ma n Lawa a Nɛ lɛa!» Sɛnɛ, Yezu goã sɛ̀ pii ǹ-a, a goã toɛ ǹ boo kɔsɔ da wa, a giala nɔ̀ɔnɔn lɛn nə́ goã Yezu lɛ doɛ̃ Minin Nyin-sili lɛ lɛa.

LAWA A BOO SONBORE 2011

⁴¹ Nɔ̀ɔnɔn dɔn nə́ goã n boe gigiã ganaa, bɛ̀ ǹ nə́ n lɛ dii Yezu ganaa: «Ma n Lawa a Nɛ lɛa!» Sɛnɛ, Yezu goã sɛ̀ pii ǹ-a, a goã toɛ ǹ boo kɔsɔ da wa, a giala nɔ̀ɔnɔn lɛn nə́ goã Yezu lɛ doɛ̃ Minin Nyin-sili lɛ lɛa.

Luku 4:41 Iomraidhean Croise

Matiə 26:63

Sɛnɛ, Yezu nə́ n lɛ tã. Wúlu-bɔlen kiã tɔ́n pɛ nɛ: «Ká Lawa yiikoonaa tɔ nɛ, bɛ̀ n din ni Minin Nyin-sili lɛa, bɛ̀ Lawa a Nɛgiĩ n ka n din lɛ nɛ, a pɛ wɔsɛn manɛ.»

Matiə 4:3

Da minin gɔ́ɔ̃ li wole lɛ tɔ́n nə́ n zɔ̃ á dɔ a li, á pɛ nɛ: «Bɛ̀ ń tá Lawa a Nɛgiĩ lɛa sonbore, a pɛ kɔlɔn kɛn manɛ, mà ǹ nə n bɔyaa ǹ nə n baa màn-bii lɛa.»

Matiə 8:16

Wasa bɛ́ á mɛ, minin nə́ daa nɔ̀ɔn babaraa dɛnaa gigiã kɔ Yezu la. Yezu bɛa nɔ̀ɔnɔn lɛn loo ka boo lɛ yii goon ne, á busulə din tumaa dɔ a busu nya.

Matiə 8:29

Ǹ nə́ yoo ǹ nə́ n lɛ dɛ: «Lawa a Nɛgiĩ ganaa, n wàa mɛn sii n wɔsɛn sii ni? Ma nə́ n daa dɔlɔ bɔ wɔsɛn ganaa kànaa bɛ̀ a biikoo ná a tɔn dɔ wa?»

Matiə 8:4

Bɛ kio, Yezu tɔ́n pɛ nɛ: «N too kɔ doɛ̃, n nyan toa n kɛ laakalaa min kɔ́n yii-n wa. Wo n din nya wúlu-bɔle ne, bɛ ga n ganaa bɔrɔ, bɛ kio, Lawa wúlu mɛn boo da Muizu ni, n bɛ lɛ bɔ n nyaa min din tumaa nɛ mà n busu nya.»

Marki 1:25

Yezu yoo ǹ gialaa, á pɛ ǹ nɛ: «Ka n lɛ tã, ka n bɔ giĩ kɛ ganaa.»

Marki 1:32

Wasa yii a sã kio, minin nə́ daa Yezu li ka busulən tumaa nɛ ka nɔ̀ɔndɛnan nɛ.

Marki 1:34

Min mɛnɛn bɛ́ nɔmaa-n busu tɔrɔ gigiã gɔn, Yezu bɛn tumaa a busu nya, á nɔ̀ɔnɔn loo á n bɔ min gigiã ganaa. A lɛ kɔ mà nɔ̀ɔnɔn lɛn nə boo da wa, a giala, Yezu bɛ́ min mɛn lɛa ǹ tá doɛ̃.

Marki 3:11

Bɛ̀ nɔ̀ɔndɛnan nə́ yɛ lɔn, maǹ nə n duwii tán a giulun ǹ nə n lɛ dɛ, bɛ̀ ǹ pɛ mà a n Lawa a Nɛgiĩ lɛa!

Luku 4:39

Yezu nə́ n zuməə á paraa lɔ lɛ mìi la, mà a gɔ̀nɔn wɛ̃ lɛ nya. A din bǎã nɛ gɔ̀nɔn wɛ̃ lɛ nya, yǎa á yoo gɔrɔ á màn-bii zɛnaa á kɔ ǹ la.

Zaã a sɛ́wɔ 20:31

Sɛnɛ, ǹ mɛnɛn boo bɛ́ a nɛ, bɛn man nə́ n kiɛ̃ màn mɛn bɛ́ toɛ, ka waa la mà Yezu n Minin Nyin-sili lɛa, Lawa a Nɛgiĩ ni, ka bɛ dɔ nɛ, bɛ̀ ká waa la, ka yiikonaabaa taãn yɛ ka a din tɔ nɛ.

Zaaki 2:19

Táa n waa la mà Lawa n goon toto? Bɛ á siĩni! N dɔ bɛ́ n waa la lɔn, nɔ̀ɔnɔn dɔn man nə́ waa la miɛ̃, ǹ gɔ̀nɔn yii n bìn diɛ nyɛ́ɛ gɔn.