Luku 4:2 - LAWA A BOO SONBORE

² *Sɛtaan nə́ n da a gɔ́ɔ̃ li walan lɛawaa pusi gɔ́ɔ̃ nɛ. Bɛa biikoo kɛ lɛ din tumaa li, Yezu màn kɔ́n bii wa. Bɛa lɛawaan kɛn lɛn bɛ́ ǹ nə́ kiɛ̃, bòo kũ.

LAWA A BOO SONBORE 2011

² *Sɛtaan nə́ n da a gɔ́ɔ̃ li walan lɛawaa pusi gɔ́ɔ̃ nɛ. Bɛa biikoo kɛ lɛ din tumaa li, Yezu màn kɔ́n bii wa. Bɛa lɛawaan kɛn lɛn bɛ́ ǹ nə́ kiɛ̃, bòo kũ.

Luku 4:2 Iomraidhean Croise

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Kiin1 19:8

Yilii dɔ tɔ́n yoo, á màn bii, á mu mi. Bɛa màn-bii lɛ bɛ́ á Yilii gù kaa, á tɔ wɔ lɛawaa pusi laanka tèlò pusi gɔ́ɔ̃ nɛ, yǎa á dɔ Lawa a kele kɛ li, ǹ nə́ bíi Orɛbu.

Bɔ bɛ̀rɛbaa nɛ 24:18

Muizu wɔ tɛmaa lɛ li, á dii kele lɛ la. A na á goã kele lɛ la lɛawaa pusi ka tèlò pusi.

Bɔ bɛ̀rɛbaa nɛ 34:28

Muizu na á goã kun ka Dɛnaa-n walan yǎa lɛawaa pusi ka tèlò pusi. A màn bii wa, a mu dɔ mi wa. Muizu lɛ kɔ kɔn la ǹ boo fù lɛ kiɛ̃ kɔlɔ sɛlɛɛn lɛn ganaa.

Zonaasi 3:7

A kɔnpɛ kii lɛ laanka a kiodɛnan dí-pɛ nɛ, ǹ nə́ lɛ dia Ninivu kiwi gɔ́ɔ̃ nɛ ǹ nə́ pɛ: Minbuiinin laanka tɔɔn nɛ, ǹ nyan màn kɔn wɔ ǹ lɛ-n wa, ǹ nyan mu mi wa.

Matiə 21:18

A lɛawaa baayɛlɛ, Yezu bɛ́ wusii die kiwi gɔ́ɔ̃ nɛ, bòo kũ.

Matiə 4:2

Yezu bɛ́ á lɛawaa pusi laanka tèlò pusi zɛnaa, a ná a màn bii wa, bòo kũ.

Luku 4:3

Sɛtaan tɔ́n pɛ nɛ: «Bɛ̀ n tá Lawa a Nɛgiĩ lɛa, a pɛ kɔlɔ kɛ nɛ, mà a n bɔyaa a n baa màn-bii lɛa.»

Zaã a sɛ́wɔ 4:6

Zakɔba a tù n bɛa bǎã lɛ nɛ. Yezu bɛ́ á nɔmaa zii tɔ-we lɛ gɔn, á giã tán tù lɛ lɛ-a, penleen biikoo li.

Timəə dí-pɛn 9:18

Má tɔ́n na má kaa tán Dɛnaa Lawa yɔrɔ-a, ma lɛawaa pusi ka tèlò pusi, ka bibinaa wɔ lɛ bɛ́ lɔn. Ma màn-bii wɔ ma lɛ-n wa, ma mu wɔ ma lɛ-n wa, kaa sii baraa kɛ lɛ tumaa a lɛa ká zɛnaa. Sii mɛn bɛ́ baraa Dɛnaa Lawa yii li, ka n ká bɛ lɛ zɛnaa, ká a foo yoo ne.

Timəə dí-pɛn 9:25

Dɛnaa Lawa bɛ́ mà a n die ka dii a ka nya, má tɔ́n kaa tán a yɔrɔ-a. Ma lɛawaa pusi ka tèlò pusi n tán a yɔrɔ-a.

Timəə dí-pɛn 9:9

Dɛnaa Lawa lɛ kɔ kɔn la mɛn wɔ kɔn ka nɛ, a bɛ lɛ a boo kiɛ̃ kɔlɔ-sɛlɛɛn mɛnɛn ganaa, man má goã má dii kele lɛ la, má woo bɛn lɛn si. Ma lɛawaa pusi ka tèlò pusi n kele lɛ la, ma a màn bii wa, ma a mu mii wa.

Ebrəə 2:18

Bɛ lɛ tɔ ganaa, a din bɛ́ á fuu yɛ lɔn damagɔ́ɔ̃li siin gɔn, min mɛnɛn dɔn bɛ́ damagɔ́ɔ̃li siin gɔn, á boe la a n dɔ bɛn lɛ.

Ebrəə 4:15

Wúlu-bɔlen kiã mɛn bɛ́ a ba wɔa pàã wɛɛnaabaa doɛ̃ wa, bɛ bie wɔ lon wa. Wɔa wúlu-bɔlen kiã lɛ damagɔ́ɔ̃li ǹ siin fuu yɛ, yɔrɔ din tumaa la ka wɔ dɔn bɛ́ lɔn, sɛnɛ, asɛ sii baraa zɛnaa wa.

Samayeli1 17:16

Filisiti min lɛ na á goã giɛ Izirayeli minin lɛn lɛ li miɛ̃ baayɛlɛ laanka wasamiɛ̃n nɛ, yǎa lɛawaa pusi.