Luku 3:8 - LAWA A BOO SONBORE

⁸ Ka zɛnaa ǹ siin zɛnaa, ǹ mɛnɛn bɛ́ nyɛɛ mà ka kaa giã ǹ gɔn bɔyaa. Ka ǹ taasɛ mà Abrahamu bɛ́ ka digolo lɛa, mà sii kɔ́n ba boe la a ka yɛ wa. Ka baran n dinin bebele wa! Masɛ n pii ka nɛ, Lawa á boe la a kɔlɔn kɛn bɔyaa a ǹ baa Abrahamu tɔrɔn lɛa!

LAWA A BOO SONBORE 2011

⁸ Ka zɛnaa ǹ siin zɛnaa, ǹ mɛnɛn bɛ́ nyɛɛ mà ka kaa giã ǹ gɔn bɔyaa. Ka ǹ taasɛ mà Abrahamu bɛ́ ka digolo lɛa, mà sii kɔ́n ba boe la a ka yɛ wa. Ka baran n dinin bebele wa! Masɛ n pii ka nɛ, Lawa á boe la a kɔlɔn kɛn bɔyaa a ǹ baa Abrahamu tɔrɔn lɛa!

Luku 3:8 Iomraidhean Croise

Nehemii 5:11

A din pelo kɛ lɛ nɛ, ka sabara baa ǹ wusoo ǹ ka ka wurun lɛn kɔ ǹ la, ǹ rezɛ̃ dan lɛn nɛ, ǹ *olivie dan lɛn laanka ǹ kionən lɛn nɛ. Là mɛn dɔ nə n da wɔrɔ la, ka belee ne, ka duvɛ̃ dii ni, ka nyɔɔ nɛ, ka wusoo ka bɛ kɔ ǹ la.»

Ezekieli 33:24

– Minbuiin a nɛ, ǹ kiwin mɛnɛn lɛn yu, bɛn minin mɛnɛn bɛ́ Izirayeli gána nɛ, bɛn man pii: «A laanɛ wɔ digolo Abrahamu goã a dinsɔɔ̃, á gána lɛ si á baa a wɔ lɛa. Sanparɛ ka wɔsɛn damata kɛ nɛ. Gána lɛ a dɛnaabaa na á n kɔ wɔsɛn dɔn la.»

Matiə 21:43

Bɛ lɛ nɛ, masɛ á pii ka nɛ, kaa tá Lawa wɔbaa-n ke, a kiibaa giulun, bɛ á die n sii ka la, a n kɔ tɔrɔ kɔsɔn la, ǹ mɛnɛn zɛnaa ǹ sii bɛ́ kɔnpii ni. [

Matiə 3:8

Ka a zɛnaa ǹ siin zɛnaa, màn mɛnɛn bɛ́ nyɛɛ mà ka kaa giã ǹ gɔn bɔyaa.

Matiə 3:9

Ka n taasɛ mà Abrahamu bɛ́ ka digolo lɛa, mà sii kɔ́n ba boe la a kasɛn yɛ wa. Ka baran n dinin bebele wa dɛ! Masɛ n pii ka nɛ, Lawa á boe la a kɔlɔn kɛn bɔyaa a ǹ baa Abrahamu tɔrɔn lɛa!

Luku 13:25

Bɛ̀ kiondɛnaa yoo á kiɛnlɛ tã, bɛ̀ ǹsɛn nə́ kanaa, maǹ die a giala koe ǹ kiɛnlɛ dɛ, bɛ̀ ǹ nə́ pii: «Dɛnaa, kiɛnlɛ bũ wɔsɛn manɛ.» Bɛa waáraa, kiondɛnaa lɛ n die ǹ lɛ sii mà asɛ ba ǹ bɔ ǹ bǎã doɛ̃ wa.

Luku 13:26

Maǹ die yui ǹ pɛ bɛa biikoo li kəni mà ǹsɛn nə́ màn bii kun ka a din ni dɔn. Mà táa a na á goã minin darɛɛ ǹsɛn dinin bǎã fúlun ni.

Luku 14:9

min mɛn bɛ́ á lɛ dia ka dinin paanan la, bɛ tɔ́n kiɛ̃ a da pɛ nɛ mà n yoo n nə n bǎã kɔ. Haya, ma n die yui kəni ka sìi ni n wo giã kio.

Luku 19:40

Yezu nə́ ǹ lɛ si kɛnɛn: «Masɛ n pii ka nɛ, bɛ̀ ǹ nə́ n lɛ tã, kɔlɔn tá re n lɛ dii!»

Luku 19:9

Yezu pɛ nɛ: «Pelo n din laanka n kion minin nə́ kirisibaa yɛ, a giala, n dɔ́ n Abrahamu tɔrɔ lɛa.

Luku 5:21

Landa sii-daraalin laanka Fariziɛ̃n nə́ yoo ǹ nə́ sɛ̀ binbisin pii mà wàa dɛnaa n ka giĩ kɛ nɛ, a n sɔ koe Lawa-a kɛnɛn? Mà bɛ̀ á n bɔ Lawa dinsɔɔ̃ nɛ, mà die kɔsɔ n boe la a sii baraa toa minin manɛ?

Zaã a sɛ́wɔ 8:33

Ǹ nə́ tɔ́n pɛ Yezu ni: «Wɔsɛn man Abrahamu tɔrɔn lɛa, min kɔ́n bin wɔsɛn baa bɛ̀rɛ lɛa wa. A n siɛ lɔn n tá pii mà wɔ á re goɛ̃ wɔ dinin gɔn wìi a lɛa?»

Zaã a sɛ́wɔ 8:39

Ǹ nə́ tɔ́n pɛ Yezu ni mà Abrahamu nə ǹsɛn díi lɛa. Yezu tɔ́n pɛ ǹ nɛ: «Bɛ̀ ka ǹ Abrahamu a nɛnyaanan lɛa sonbore, ka kɔ Abrahamu a zɛnaa ǹ siin lɛ.

Nya ǹ dín 26:20

Man má Lawa a boo pɛ bǎã tumaa nɛ, Damaasi kiwi bɔrɔ, bɛ kio Zeruzalɛmu kiwi, ka Zudee gána din tumaa nɛ, ma tɔ́n daa dɔ tɔrɔ kɔsɔn ganaa. Man má pɛ máa minin nə n taasɛ, ǹ wusoo ǹ sii baraan kio, ǹ golee Lawa li, ǹ dí nya màn mɛn nə́ nyɛɛ, maǹ nə́ wusoo n sii baraan kio.

Rɔmu minin 4:16

Lawa na á ná a lɛ kɔ ǹ sii lɛ zɛnaa a giala, mà Abrahamu golee li. Bɛa lɛ kɔ ǹ sii lɛ n bǐɛ̃baa ǹ màn lɛa á kɔ kooro. Bɛa yɔrɔ kɛ la, a n lɛ kɔ ka sii mɛn nɛ, bɛ n Abrahamu a nɛnyaanan tumaa wɔ lɛa. Ǹ mɛnɛn bɛ́ Lawa a dí-pɛn nə́ ǹ li, a bie bɛn dininsɔɔ̃nɔn wɔ lɛa wa. Sɛnɛ, ǹ mɛnɛn dɔn nə golee Lawa li ka Abrahamu din bɛ́ lɔn, a n bɛn dɔn wɔ lɛa. Abrahamu lɛ n wɔ tumaa a díi lɛa.

Rɔmu minin 9:7

Min mɛnɛn tumaa dɔ bɛ́ Abrahamu tɔrɔ lɛa, bɛn tumaa bie Abrahamu a nɛnyaanan lɛa wa. Lawa na á pɛ Abrahamu ni: «N tɔrɔ giala basa n die boe Izaaki ni.»

Filipi minin 1:11

Yezu Krita bɛ́ sii peperen mɛnɛn zɛnɛɛ wɔ nɛ, ka á re piɛ̃ ka bɛn nɛ, Lawa a gugurubaa laanka a tɔ bɔ a lɛa.