Luku 3:3 - LAWA A BOO SONBORE

³ Bɛ kio gɔrɔ, ZAÃ yoo a tá n bibiĩ Zurdɛ̃ tà bǎã nɛ. A na á goã lɛ diɛ mà minin nə n taasɛ, ǹ wusoo ǹ sii baraan kio, asɛ *batɛmu da ǹ ganaa, màn mɛn bɛ́ toɛ, Lawa nə ǹ sii baraan toa ǹ nɛ.

LAWA A BOO SONBORE 2011

³ Bɛ kio gɔrɔ, Zaã yoo a tá n bibiĩ Zurdɛ̃ tà bǎã nɛ. A na á goã lɛ diɛ mà minin nə n taasɛ, ǹ wusoo ǹ sii baraan kio, asɛ *batɛmu da ǹ ganaa, màn mɛn bɛ́ toɛ, Lawa nə ǹ sii baraan toa ǹ nɛ.

Luku 3:3 Iomraidhean Croise

Matiə 3:11

Masɛ n má batɛmu da ka ganaa mu li, man nyɛɛ máa ka n taasɛ ka wusoo kaa sii baraan kio. Sɛnɛ min mɛn bɛ́ die masɛ kio, bɛ á die ka kiɛ Lawa a zii ni ka Yiri Fu pàã nɛ, a dɔlɔ bɔ ka tɛ nɛ. A pàã á gole á la masɛ wɔ nɛ. Haalɛ masɛ nə n zuməə ma a kɔsɔ biɛn fore, ma mìi á kiɛɛrɛ bɛ ganaa.

Luku 1:16

A nya ǹ dí n die toɛ Zuifun gigiã wusoo, ǹ da ǹ Dɛnaa Lawa ganaa doo.

Luku 1:77

Ma n die sii-doɛ̃ koe wɔsɛn tɔrɔ minin kɛn la, Lawa bɛ́ re minin nyin sii lɔn, a bɛ́ re sii baraan toɛ ǹ nɛ lɔn, ǹ bɛ dɔ̃.

Luku 4:1

Yezu bɔ Zurdɛ̃ tà lɛ-a, a bɛ́ piɛ zii la, Yiri Fu mɛn bɛ́ kun ni, bɛ ná a nyɛɛnaan sabɔ á woo-n diə gole ne.

Zaã a sɛ́wɔ 1:28

Bɛa siin kɛn lɛn man nə́ goã n zɛnɛɛ Betaanii kiwi, Zurdɛ̃ tà kio, ZAÃ goã batɛmu diɛ minin ganaa tà mɛn lɛ-a.

Zaã a sɛ́wɔ 3:26

Ǹ nə́ kiɛ̃ ǹ nə́ woo dɔ ZAÃ li ǹ nə́ pɛ nɛ: «Mìinaa, táa n goã kun ka giĩ goon ne Zurdɛ̃ tà kio, n siére baa a wɔ gɔn la? Á ke, a din nə batɛmu diɛ minin ganaa sisia, min tumaa n woe a din li.»

Nya ǹ dín 13:24

Yezu laan mà a n die, bɛ̀ ZAÃ na á pɛ Izirayeli minin tumaa nɛ, mà ǹ wusoo ǹ sii baraan kio, ǹ *batɛmu si.

Nya ǹ dín 19:4

Pooli wusoo á pɛ ǹ nɛ: «ZAÃ na á goã wusoo sii baraa kio ǹ batɛmu diɛ minin ganaa, bɛ̀ á pii ǹ ni, mà min mɛn bɛ́ die asɛ kio, mà ǹ golee bɛa dɛnaa li, mà bɛ n ka Yezu ni.»

Nya ǹ dín 22:16

Ma nə n yii diɛ wàa la doo? Yoo n Yezu nyankɔ, masɛ *batɛmu da n ganaa, Lawa nə n sii baraan toa n nɛ.»