Luku 3:22 - LAWA A BOO SONBORE

²² Yiri Fu gisĩ la, yii ná a ganaa ka zɛrɛkantoan bɛ́ lɔn. Ka bɛ dɔ nɛ, boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

LAWA A BOO SONBORE 2011

²² Yiri Fu gisĩ la, yii ná a ganaa ka zɛrɛkantoan bɛ́ lɔn. Ka bɛ dɔ nɛ, boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Luku 3:22 Iomraidhean Croise

Loen 2:7

Dɛnaa Lawa golee boo mɛn la, man die bɛ lɛ pii. Dɛnaa Lawa pɛ ma-n kɛnɛn: Ma n maa nɛgiĩ lɛa, a kũ pelo ganaa, masɛ din ni n Díi lɛa.

Izayii 42:1

«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Matiə 12:18

«Masɛ din Lawa a dí-nyali n ka kɛ nɛ, má bɔ. Man bɛ lɛ narɛ, a sii á kɔɔ̃n ma ganaa. Man die ma din a Yiri Fu koe la. Á die ma foo sii boo diɛ tɔrɔn tumaa nɛ.

Matiə 17:5

A bɛ́ bɛa boo lɛ diɛ, labara tɛ-pɛle goon nə́ n kuməə ǹ ganaa. Boo-diɛ lɛ bɔ bɛa labara lɛ gɔ́ɔ̃ nɛ á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ. Ka n too kɔ a lon!»

Matiə 27:43

N foo doa Lawa ganaa n pɛ, mà nsɛ n Lawa a Nɛgiĩ lɛa. Haya! Bɛ̀ Lawa lɛ a n narɛ kəni, a n kirisibaa sisia, wɔsɛn nə yɛ!»

Matiə 3:13

Bɛa biikoo li, Yezu nə́ n toa Galilee gána nɛ, á daa ZAÃ li Zurdɛ̃ tà lɛ-a, mà a batɛmu da asɛ ganaa.

Matiə 3:16

A bɛ́ á batɛmu da a ganaa, Yezu soo á n bɔ mu li. A din bǎã-n gɔrɔ, lon nə́ n lɛ bũ, Yezu Lawa a Yiri Fu yɛ ka zɛrɛkantoan bɛ́ lɔn gisĩ die a din la.

Matiə 3:17

Boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Marki 1:11

Boo-diɛ lɛn bɔ lon á pɛ: «Ma n maa Nɛgiĩ lɛa, ma á n narɛ parsiini, masɛ din ni má n bɔ.»

Marki 1:9

Bɛa biikoo li Yezu bɔ Nazarɛti, Galilee gána nɛ á daa, ZAÃ batɛmu da a ganaa Zurdɛ̃ tà mu li.

Marki 9:7

Labara goon bɔ á n kuməə ǹ ganaa. Lawa a boo-diɛ lɛ bɔ bɛa labara lɛ gɔ́ɔ̃ nɛ á pɛ: «Masɛ a Nɛgiĩ narɛ wole n ka kɛ nɛ, ka n too kɔ a lon!»

Luku 2:14

«Lon màn tumaa Lawa guguru kɔ! A na a là nyantoro koe kanaa minin la, a giala, a tá ǹ narɛ.»

Luku 4:21

Á tɔ́n na a giala kɔ á pɛ ǹ nɛ kɛnɛn: «Pelo, kasɛn mɛnɛn bɛ́ ka sɛ́wɔ kɛ lɛ a pɛ ma ka ka too ne, bɛa sɛ́wɔ lɛ a boo lɛ pã kasɛn manɛ kɛnɛn gɔrɔ.»

Zaã a sɛ́wɔ 1:32

ZAÃ wusoo á pɛ doo: «Má Lawa a Yiri Fu yɛ ka zɛrɛkatoan bɛ́ lɔn, boe lon die miɛ la.

Zaã a sɛ́wɔ 12:28

Maa Díi, n din tɔ bɔ.» Lawa a boo-diɛ lɛ tɔ́n bɔ lon kɛnɛn: «Má a tɔ bɔ, man die wusii ma a tɔ bɔ doo.»

Zaã a sɛ́wɔ 5:37

Maa Díi mɛn nə ma dia, a dinmaa siére baa masɛ wɔ gɔn la. Sɛnɛ, haalɛ pinin goon, ka bin na a lɛ ma boo diɛ wa, ka bin yɛ ka yii-n wa.

Nya ǹ dín 10:38

Ka á doɛ̃, mà Yezu mɛn bɛ́ boe Nazarɛti, mà Lawa na á bɔ, á Yiri Fu kɔ la parsiini, ka pàã dɔ nɛ. Á woo bǎã tumaa nɛ, á bǐɛ̃ zɛnaa. *Sɛtaan goã min mɛnɛn tumaa nɔmiɛ, á bɛn yii kaka kɔ, a giala, Lawa na á goã kun ni.

Kolɔɔsi minin 1:13

Sonbore, Lawa na á wɔ bɔ wɔlɔ tì a goledɛnaa *Sɛtaan pàã giulun, á wɔ kaa a din a Nɛgiĩ narɛɛ wole kɛ a kiibaa nɛ.

Piɛrɛ1 2:4

Ka n mɔrɔ Dɛnaa lɛ ganaa. A din lɛ n kɔlɔ yiikoonaa lɛ lɛa, minin nə́ n piã nɛ, sɛnɛ, a din lɛ-n Lawa bɔ, á n soɛ kɔlɔ tumaa nɛ a yɔrɔ-a.