Luku 3:16 - LAWA A BOO SONBORE

¹⁶ ZAÃ na á goã ǹ tumaa lɛ sii kɛnɛn: «Masɛ n má batɛmu da ka ganaa mu li, sɛnɛ, min tá die, bɛa dɛnaa pàã á gole á la masɛ wɔ nɛ, haalɛ masɛ nə n zuməə, ma a kɔsɔ biɛn fore, masɛ mìi á kiɛɛrɛ bɛ ganaa. Bɛa dɛnaa kɛ lɛ n die ka kiɛ Lawa a zii ni, ka Yiri Fu pàã nɛ, a dɔlɔ bɔ ka tɛ nɛ.

LAWA A BOO SONBORE 2011

¹⁶ Zaã na á goã ǹ tumaa lɛ sii kɛnɛn: «Masɛ n má batɛmu da ka ganaa mu li, sɛnɛ, min tá die, bɛa dɛnaa pàã á gole á la masɛ wɔ nɛ, haalɛ masɛ nə n zuməə, ma a kɔsɔ biɛn fore, masɛ mìi á kiɛɛrɛ bɛ ganaa. Bɛa dɛnaa kɛ lɛ n die ka kiɛ Lawa a zii ni, ka Yiri Fu pàã nɛ, a dɔlɔ bɔ ka tɛ nɛ.

Luku 3:16 Iomraidhean Croise

Suusun 1:23

Ka n too kɔ maa doroon li. Man die ma yiri gisĩ ka la kəni, ma toa ka maa da ǹ boon dɔ̃.

Izayii 32:15

Sɛnɛ ǹ kɔn pinaa, Dɛnaa Lawa á re a yiri gisĩ wɔ la. Bɛa biikoo li kəni, diə gole á re n bɔyɛɛ a da nɛ-kɔle wuru baa, da nɛ-kɔle wuru á re n bɔyɛɛ a daã baa.

Izayii 4:4

Yiri mɛn bɛ peperebaa ka yoreenbaa koe, Dɛnaa á re Siɔn lɔn *gɔ̀ pii ka bɛ nɛ bibinaa nɛ. Á re Zeruzalɛmu yoreen koe mà kɛa lɛa á kaa a kiwi.

Ezekieli 36:25

Ma á re mu sonbore kiɛ ka ganaa, bɛ ka *yoreen kɔ. Ma á re kaa gɔ̀ siin tumaa pii ma ǹ bɔ ka ganaa, ka kaa dì siin kɛn tumaa nɛ.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Matiə 3:11

Masɛ n má batɛmu da ka ganaa mu li, man nyɛɛ máa ka n taasɛ ka wusoo kaa sii baraan kio. Sɛnɛ min mɛn bɛ́ die masɛ kio, bɛ á die ka kiɛ Lawa a zii ni ka Yiri Fu pàã nɛ, a dɔlɔ bɔ ka tɛ nɛ. A pàã á gole á la masɛ wɔ nɛ. Haalɛ masɛ nə n zuməə ma a kɔsɔ biɛn fore, ma mìi á kiɛɛrɛ bɛ ganaa.

Matiə 3:12

A n die min sonboren laanka min baraan niɛ̃ a ǹ bɔ kɔn, ka buu-kɔsɔli bɛ́ màn nàn laanka a kaása niɛ̃ á boe kɔn lɔn, màn mɛn bɛ́ toɛ, a na a màn nàn bɔ a kaa dɔǹ nɛ. Sɛnɛ, á die màn kaása kɛ sɛ tiɛ̃ tɛ-n, tɛ mɛn bɛ́ a ba nimi duduu wa.»

Zaã a sɛ́wɔ 1:26

ZAÃ tɔ́n pɛ ǹ nɛ: «Man batɛmu dinsɔɔ̃ diɛ ǹ ganaa mu li. Sɛnɛ, min tá ka dininmaan lɛn bii, ka n ka ba doɛ̃ wa,

Zaã a sɛ́wɔ 1:27

bɛ lɛ n die die masɛ kio, masɛ mìi din tá kiɛɛrɛ a kɔsɔ biɛn fore ganaa.»

Zaã a sɛ́wɔ 1:33

Ma goã doɛ̃ wa, sɛnɛ, Lawa mɛn nə ma dia, mà ma da batɛmu da minin ganaa mu li, bɛ lɛ na á pɛ ma nɛ mà ma bɛ́ re Yiri Fu yii gisĩ a da mɛ min mɛn la, mà a din lɛ n die minin kiɛ Lawa a zii ni ka Yiri Fu pàã nɛ.

Zaã a sɛ́wɔ 7:38

Bɛ̀ min mɛn golee masɛ li, yiikoonaabaa kɔ ǹ mu á die bɛa dɛnaa foo basɛ̃, min kɔsɔ dɔ wɔ bǐɛ̃ kɔ a gɔ́ɔ̃ nɛ, ka mu bɛ́ n toɛ tà nɛ, a baa si a wo bǎã kɔsɔ dɔ bǐɛ̃ kɔ lɔn. Lawa a boo na á pɛ miɛ̃.»

Nya ǹ dín 1:5

ZAÃ na á *batɛmu da minin ganaa mu li, sɛnɛ, kànaa ka boɛɛn nɛ, kasɛn tá re we Lawa a zii ni ka Yiri Fu pàã nɛ.»

Nya ǹ dín 10:44

Piɛrɛ bɛ́ bɛa siin kɛn lɛn yɔrɔ pii, min mɛnɛn tumaa bɛ́ n too koe Lawa a boo lɛ li, Yiri Fu gisĩ bɛn la.

Nya ǹ dín 2:33

Lawa saa á da gugurubaa ǹ bǎã nɛ a din gusin. A Díi nə n lɛ kɔ la ka Yiri Fu mɛn nɛ, á bɛ kɔ la á dia wɔ la. Ka yii bɛ́ sii mɛn tumaa ganaa, ka nə ǹ mɛn tumaa dɔ miɛ, a din Yiri Fu lɛ a dí ni.

Korɛnti1 12:13

A giala, *batɛmu na á n da wɔ tumaa ganaa ka Yiri Fu goon ne. Bɛ na á toa wɔ́ tɔ́n gɔ̀nɔn goon baa, ta Zuifu ni, ta Grɛki ni, ta bɛ̀rɛ nɛ, ta tá ma din gɔn wìi a lɛa wole ne. Wɔ tumaa-n wɔ́ wɔa wɔ gii yɛ a din Yiri Fu goon kɛ lɛ nɛ.