Luku 3:14 - LAWA A BOO SONBORE

¹⁴ Sɔraasin dɔn nə́ nɔ̀n da la mà ǹsɛn dɔn doamaa nɛ ǹ wàa mɛn zɛnaa? Á ǹ lɛ si: «Ka baran pàã nyaa min ni ka wɔrɔ si la wa. Ka baran mɛnaa min dɔ la ka soɛ boon ne ka wɔrɔ si la wa. Bɛ din tumaa kio, ǹ bɛ́ saraa mɛn koe ka la, ka toa bɛ lɛ dɔ ka yii li.»

LAWA A BOO SONBORE 2011

¹⁴ Sɔraasin dɔn nə́ nɔ̀n da la mà ǹsɛn dɔn doamaa nɛ ǹ wàa mɛn zɛnaa? Á ǹ lɛ si: «Ka baran pàã nyaa min ni ka wɔrɔ si la wa. Ka baran mɛnaa min dɔ la ka soɛ boon ne ka wɔrɔ si la wa. Bɛ din tumaa kio, ǹ bɛ́ saraa mɛn koe ka la, ka toa bɛ lɛ dɔ ka yii li.»

Luku 3:14 Iomraidhean Croise

Bɔ bɛ̀rɛbaa nɛ 20:16

- N baran soɛ da min la wa.

Bɔ bɛ̀rɛbaa nɛ 23:1

«Soɛ boon mɛnɛn bɛ́, ǹ giala ba we-n taãn wa, ka baran bɛn pɛsɛ̃ piɛ̃ li wa. Ka baran soɛ a siére baa, ka n dɔ zɛ̀rɛdɛnaa lɛ wa.

Lawa a wúlu-bɔlen 19:11

Ka baran wurumu baa wa, ka baran kɔn yiri sã wa, ka baran soɛ dɔ bɔ kɔn nɛ wa.

Matiə 8:5

Yezu bɛ́ we Kafaranaamu kiwi ǹ mɛn waáraa, Rɔmu minin sɔraasi paabiɛ mìilandɛnaa goon nə́ n zɔ̃ á dɔ a li,

Luku 19:8

Zaase golee Dɛnaa lɛ yɔrɔ-a, á pɛ nɛ: «Mìinaa, á ke, man die ma gɔn màn a talɛɛ koe doobaan la. Masɛ min mɛnɛn bebele lɛlɛ má wɔrɔ si ǹ la, man die didie wɔ doo koe la yǎa gunyin sii.»

Luku 3:10

Zaman gigiã na á goã nɔ̀n diɛ ZAÃ la mà ǹsɛn doamaa nɛ ǹ wàa mɛn zɛnaa kəni?

Luku 3:13

Á ǹ boo lɛ si kɛnɛn: «Goledɛnaa lɛ mɛn pɛ ka nɛ, ka baran n laa min-a mà a màn saraa a la bɛ-n wa.»

Nya ǹ dín 10:7

Lon a dia dí-a wole mɛn goã boo diɛ nɛ, bɛ bɛ́ á papaã lɔn gɔrɔ, Kɔrnɛyi lɛ dia a kion minin min paa la, ka sɔraasi nyɛ́ɛbaa Lawa yii-n wole goon ne, min mɛn bɛ́ a dinmaa a dí yɔrɔ-bɔle lɛa haalɛ bibi.

Filipi minin 2:15

Ka zɛnaa miɛ̃, ń giɛ ka á goɛ̃ *yoreen ne, zɛ̀rɛ baãnaan lɛa, ka goã Lawa a nɛnyaanan lɛa, sɔ̀n ná a ba ka ganaa, kanaa min kɔkɔrɔ babaraan kɛn bii wa. Ka doamaa nɛ ka wɔlɔ fúlu bɔ ǹ bii, ka bólonən bɛ́ lɔn,

Filipi minin 4:11

Ma bie pii miɛ̃ dɔn, máa ma laadoo na a ganaa wa. A giala sii tumaa gɔ́ɔ̃ nɛ, masɛ á boe ma din la.

Tiitii 2:3

A din goon ne, a pɛ lɔ zizin dɔn manɛ, mà ǹ nə n dinin kũ ka min sonboren wɔ bɛ́ lɔn. Ǹ doamaa bie ǹ minin yiri ziziɛ̃ ǹ boon pɛsɛ̃ wa, ǹ nyan duvɛ̃ a bɛ̀rɛn baa wa. Ǹ doamaa nɛ, ǹ yiri sonbore kɔ ǹ miãn la,

Sii-nyaan 12:10

Má lɛn gole goon ma, boe lon, a n pii: «Sisia wɔa Lawa na á gɔ̀lɔ̀baa yɛ! A ná a din pàã nyaa, a ná a kiibaa saa. Sisia, a bɛ́ á min mɛn bɔ á baa kii lɛa, pàã n bɛ gɔn! A giala wɔ dɔɔ̃nɔn biɛ-kɔle na á fɔ̃, asɛ mɛn bɛ́ á goã ǹ biɛ koe tèlò-n ka baayɛlɛ nɛ, wɔa Lawa yɔrɔ-a, ǹ nə́ bɔ lon ǹ nə́ zũ tán.