Luku 24:32 - LAWA A BOO SONBORE

³² Ǹ nə́ pɛ kɔn nɛ mà a bɛ́ boo diɛ ǹsɛn nɛ zii la, á n Lawa a boo giala pii ǹsɛn manɛ, mà a boo lɛ na á goã ǹsɛn foo kuĩ taãn-taãnɛ!

LAWA A BOO SONBORE 2011

³² Ǹ nə́ pɛ kɔn nɛ mà a bɛ́ boo diɛ ǹsɛn nɛ zii la, á n Lawa a boo giala pii ǹsɛn manɛ, mà a boo lɛ na á goã ǹsɛn foo kuĩ taãn-taãnɛ!

Luku 24:32 Iomraidhean Croise

Loen 104:34

Dɛnaa Lawa, maa loe kɛ die a kɔɔ̃n kɔ n ganaa! A giala n din nə ma foo kɔɔ̃n koe.

Loen 39:3

Bɛ lɛ n ke má giã kiĩni, ma boo da wa. Má n lɛ tã, sɛnɛ, ma là yɛ-a wa, màn din na á goã miɛ̃ maa nɔmaa li.

Suusun 27:17

Fɔlɔ n fɔlɔ lɛ boe lɔn, a din yɔrɔ goon la, minbuiin nɛ nə ǹ miã yiri fuli.

Suusun 27:9

Nyɔɔ laanka màn gìĩ kɔɔ̃n nə foo kɔɔ̃n koe. Giaára a sonborebaa á soɛ n din doroo ǹ boon kɛn manɛ.

Izayii 50:4

Ma bɛ́ má kɔnbɔ ma boo mɛn da, ma pàãwɛɛnaa foo taã nɛ, Dɛnaa Lawa n ma darɛɛ bɛ ganaa. Baraabaraa baayɛlɛ, a n ma yii kiɛ, man too kɔ ka kialandɛnaa sonbore bɛ́ lɔn.

Zeremii 15:16

Bɛ̀ má n boo ma lɔn, man kuĩ parsiini. A n ma foo kɔɔ̃n koe, a ma foo basã. Taãn nɛ Dɛnaa Lawa Pàãyiidɛnaa, n din tɔ n ma la.

Zeremii 20:9

Má taasɛ ma gɔ́ɔ̃ nɛ, máa ma a re n taasɛ Dɛnaa Lawa n doo wa, máa ma a re a boo diɛ ka a tɔ-n doo wa. Sɛnɛ, ma gɔ́ɔ̃ nɛ, a boo lɛ n ka tɛ bɛ lɔn ma kuĩ. Ma nə n din nɔmɛɛ máa ma pàã yɛ ma la bɛa tɛ lɛ nɛ, sɛnɛ ma a boe la wa.

Zeremii 23:29

«Maa boo kɛ bie ka tɛ bɛ́ lɔn wa? A bie ka yele bɛ́ lɔn gɛ̀fu yui wa?» Dɛnaa Lawa a da ǹ boo ne.

Marki 4:34

A boo kɔ́n diɛ ǹ nɛ, bɛ̀ boo giməə gòɛ̃ ná a ba a-n wa, sɛnɛ, bɛ̀ a laanka a kialandɛnan lɛn dininsɔɔ̃nɔn tá kun, a na a tumaa giala pii ǹ ni.

Luku 24:45

Á tɔ́n nə ǹ yiri bũ, màn mɛn bɛ́ toɛ, ǹ Lawa a boo lɛ giala ma.

Zaã a sɛ́wɔ 6:63

Lawa a Yiri Fu n yiikoonaabaa koe; minbuiin nɛ a boe la a sii kɔ́n bǐɛ̃ kɔ bɛ gɔ́ɔ̃-n wa. Ma boon mɛnɛn pɛ ka nɛ, maǹ boe Lawa a Yiri Fu ni, bɛa boon lɛn man yiikoonaabaa koe.

Nya ǹ dín 28:23

Ǹ lɛawaa mɛn bɔ, bɛ bɛ́ á dɔ, ǹ nə́ wusoo ǹ nə́ daa Pooli yaa a giã ǹ bǎã nɛ. Pooli boo da ǹ nɛ, á *Lawa a kiibaa ǹ dí kɛ a nyɛɛ boo pɛ ǹ nɛ. A na á goã n doɛ á Yezu boo diɛ ǹ nɛ, a n boe Muizu a landa sɛ́wɔ nɛ ka Lawa a boo gii-dalin sɛ́wɔn nɛ. A n giɛ li mà ǹ dɔ̃, mà màn mɛn nə n da a wɔ gɔn la, mà sonbore ne. Maǹ nə́ sùn lɛ baa baayɛlɛ yǎa wasa mɛ.

Ebrəə 4:12

Sonbore, Lawa a boo lɛ n boo yiikoonaa lɛa, pàã dɔ tá a nɛ, á lɛ boe á la gɔya paǹan paanan lɛbɔle tumaa nɛ. A n we min ni taãn-taãnɛ, yǎa a telenboen laanka yiri toɛ̃ kɔn, yǎa a gù kòròn laanka sɛwɔ toɛ̃ kɔn. A n min dùũ laanka a taasiɛ bǐɛ̃ boe kɔn lɛ ka a baraa nɛ.