Luku 23:43 - LAWA A BOO SONBORE

⁴³ Yezu ná a lɛ si: «Masɛ n pii ni sonbore, pelo kɛ lɛ din ni, n tá re goɛ̃ kun ka masɛ nɛ Lawa a piɛ.»

LAWA A BOO SONBORE 2011

⁴³ Yezu ná a lɛ si: «Masɛ n pii ni sonbore, pelo kɛ lɛ din ni, n tá re goɛ̃ kun ka masɛ nɛ Lawa a piɛ.»

Luku 23:43 Iomraidhean Croise

Loen 32:5

Kanna, má maa sii baraa pɛ n nɛ, ma pii kɔ maa sã lɛ wa. Má pɛ máa: Ma á die ma zɛ̀rɛn piì Dɛnaa Lawa nɛ. Bɛ lɛ n ke, ń maa sii baraa a guĩ saa ń bɔ ma mìi ni. Doa.

Loen 50:15

Bɛ̀ fuu dɔ n ganaa ǹ mɛn pinaa, ma bíi wɔ, ma á re n kirisibiɛ, n tá re ma guguru koe.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Izayii 65:24

Ǹ laan bɛ̀ ǹ ma bíi, ma á re ǹ lɛ sii. Ǹ laan bɛ̀ ǹ nya boo diɛ ganaa, bɛ̀ má n too kɔ ǹ lon.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Luku 19:10

Sonbore, min mɛn bɛ́ papaã nɛ, Min a Nɛgiĩ na á daa ga bɛ lɛ li a tá a kirisibiɛ.»

Luku 23:42

Yǎa a pɛ Yezu-n kɛnɛn: «N bɛ́ re die n kiibaa kɛ nɛ ǹ mɛn pinaa, n yiri koa masɛ nɛ.»

Zaã a sɛ́wɔ 14:3

Bɛ̀ má woo bǎã zɛnaa má koa ka nɛ, ma á re wusii ma daa, ma ka goa ma wo ka nɛ ma din li, màn mɛn bɛ́ toɛ, ma bɛ́ bǎã mɛn nɛ, ka dɔn nə goã walan.

Zaã a sɛ́wɔ 17:24

Maa Díi, n min mɛnɛn kɔ masɛ la, ma din bɛ́ re goɛ̃ bǎã mɛn nɛ, man giɛ li, ǹ dɔn nə goã walan kun ka masɛ nɛ. N din gugurubaa mɛn kɔ masɛ la, ǹ bɛ yɛ, a giala, ń masɛ narɛ, haalɛ bɛ̀ kanaa tɔn nə n zɛnaa wa.

Korɛnti2 5:8

Má pã ka foo tãbaa nɛ, bɛ̀ man soe man bɔ gɔ̀nɔn kɛ nɛ, ma wo giã Dɛnaa li, bɛ n kɔɔ̃n ma ganaa.

Filipi minin 1:23

Bɛa sii màn paa kɛ n ma yiri baɛ̃ kɔn. Man taasɛ máa man bɔ yiikoonaabaa kɛ nɛ, ma wo giã kun ka Krita nɛ, bɛ n kɔɔ̃n ma ganaa á la a yii ni.

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.

Sii-nyaan 2:7

«Too bɛ́ min mɛn lon, Lawa a Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, ma á re lɛ koe la, yiikoonaabaa ǹ da mɛn bɛ́ Lawa a piɛ, a bɛa nɛ bii.»