Luku 23:2 - LAWA A BOO SONBORE

² Ǹ nə́ yoo ǹ tá a gòãn kuri ǹ nə́ pii mà ǹsɛn man nə́ woo giĩ kɛ yaa ǹsɛn gána minin yiri siɛ̃. A n pii, mà ǹ baran nyin giɔ̀mɔ saraa Rɔmun kii gole gole lɛ la wa. Ka bɛ dɔ nɛ, a n pii mà Minin Nyin-sili lɛn ka asɛ nɛ, mà asɛ n kii dɔ lɛa.

LAWA A BOO SONBORE 2011

² Ǹ nə́ yoo ǹ tá a gòãn kuri ǹ nə́ pii mà ǹsɛn man nə́ woo giĩ kɛ yaa ǹsɛn gána minin yiri siɛ̃. A n pii, mà ǹ baran nyin giɔ̀mɔ saraa Rɔmun kii gole gole lɛ la wa. Ka bɛ dɔ nɛ, a n pii mà Minin Nyin-sili lɛn ka asɛ nɛ, mà asɛ n kii dɔ lɛa.

Luku 23:2 Iomraidhean Croise

Kiin1 18:17

Akaabu bɛ́ á Yilii yɛ a yɔrɔ-a, á pɛ nɛ: «N din nə koe boe Izirayeli minin lɛn ganaa sonbore?»

Loen 35:11

Minin man die ǹ nə́ soɛ diɛ ma la, ma bɛ́ ma a sii mɛn doɛ̃ wa, maǹ bɛa nɔ̀n diɛ ma la.

Loen 62:4

Ka tumaa n die n lɛ kiɛ kun yǎa biĩ, mà ka n yui min goon gialaa, ka n die, ka ǹ bɛ́ kungɔn talaa wole, hinlaa bìn dii wole die ǹ kaa lɔn?

Zeremii 20:10

Má boo baraa gigiã ma minin lɛ-n. Maǹ pii: «Nyɛ́ɛ n bǎã tumaa nɛ.» Ǹ tɛnɛn dɔn man pii: «Ka a giala da kanaa.» Maa giaáran dinin man giɛ maa mɛnaa li. Maǹ pii: «Kɔntan, wɔ á re tɔwɛɛ, wɔ pàã la nɛ, wɔ wɔa gɛ̀ dòo bɔ a ganaa!»

Zeremii 38:4

Bɛ kio, gána nyɛɛnaandɛnan nə́ pɛ kii Sedekiasi ni: «Zeremii dɛ a gã. A bɛ́ boo mɛn diɛ, bɛ n sɔraasin foo ziziɛ̃, ka zaman kɛ nɛ kiwi. A bie giɛ zaman lɛ a bǐɛ̃ li wa, a n giɛ a koe li.»

Amɔɔsi 7:10

Bɛ lɛ kio ne, Betɛli kiwi a wúlu-bɔle Amasiya minin dia mà ǹ wo pɛ Izirayeli tɔrɔn kii Zeroboamu ni kɛnɛn: «Amɔɔsi n tán dù bose Izirayeli tɔrɔn lɛn bii. A bɛ́ boo mɛn tumaa diɛ, gána lɛ a minin ba boe la ǹ tá sii ǹ ganaa doo wa.

Zakarii 11:8

Bɛ kio, ma boo la má n foo kũ sèren-lɛduə̃lin lɛn li wa. Ma dɔ nə́ ǹ dɔn gɔ̀nɔn bɔ. Mui goon gɔ́ɔ̃ nɛ, má sère-lɛduə̃li sɔɔ toa walan.

Matiə 17:27

Sɛnɛ, màn mɛn bɛ́ toɛ, wɔ baran minin kɛn lɛn mìi ziziɛ̃ wa, wo tà lɛ-a, n koɛ̀ɛ̃n kɔ. A bɛ́ re zɔ̀ bibinaa mɛn kuĩ, bɛ lɛ bɔ n na a lɛ bũ. N tá re wɔrɔ we goon yii a nɛ màn mɛn tá wɔsɛn dinin min paa a nyin giɔ̀mɔ boe. A bɔ n wo wɔsɛn nyin giɔ̀mɔ lɛ saraa nɛ.»

Matiə 22:21

Ǹ nə́ tɔ́n pɛ nɛ: «Kii Gole kɛ nɛ.» Yezu tɔ́n pɛ ǹ nɛ: «Màn mɛn bɛ́ kii wɔ lɛa, ka bɛ kɔ kii la. Màn mɛn dɔ bɛ́ Lawa wɔ lɛa, ka bɛ kɔ Lawa la.»

Matiə 27:11

Yezu woo, á n bɔlɔ pɛ gánadɛnaa yɔrɔ-a. Bɛ́ nɔ̀n da la: «N din lɛ n Zuifun kii lɛa ya?» Yezu tɔ́n pɛ: «N din nə bɛ pii.»

Marki 12:17

Yezu tɔ́n pɛ ǹ nɛ: «Màn mɛn bɛ́ Kii wɔ lɛa, ka bɛ kɔ Kii la. Màn mɛn dɔ bɛ́ Lawa wɔ lɛa, ka bɛ kɔ Lawa la.» Bɛa boo lɛ kaãbaa da ǹ ganaa parsiini.

Marki 15:2

Pilati nɔ̀n da la kɛnɛn: «N din lɛ n Zuifun kii lɛa?» Yezu tɔ́n pɛ nɛ mà a din nə bɛ pii.

Luku 23:14

Á pɛ ǹ nɛ: «Táa ka n ka daa ka giĩ kɛ nɛ masɛ li, mà a n zaman yiri siɛ̃. Á ke, masɛ nɔ̀n da la ka dinin yii ni, ka bɛ́ màn mɛn yii pii, ka n kiɛ a mìi ni, masɛ bɛa dɔlɔ bɔ ǹ sii kɛ kɔ́n yɛ giĩ kɛ wɔ gɔn la wa.

Luku 23:5

Sɛnɛ, ǹ nə́ laa bɛ̀ ǹ nə́ pii mà a n zaman lɛ diɛ piã ganaa ka a daraa kɛ nɛ Zudee gána din tumaa nɛ, a bɔ Galilee a da kànaa yaa.

Zaã a sɛ́wɔ 18:29

Gánadɛnaa Pilati tɔ́n soo á daa ǹ yaa kanaa, á pɛ ǹ nɛ: «Ka ǹ giĩ kɛ lɛ zɛ̀rɛ biɛ wàa mɛn sii taman yii?»

Zaã a sɛ́wɔ 18:30

Ǹ ná a lɛ si, ǹ nə́ pɛ mà bɛ̀ giĩ kɛ lɛ bie sii baraa-zɛnaali lɛa wa, mà bɛ̀ ǹsɛn tá re kuĩ ǹ da kɔ la?

Zaã a sɛ́wɔ 19:12

A kũ bɛ-a lɔn, Pilati na á goã giɛ a da ǹ gɔn li. Sɛnɛ, Zuifun lɛn nə́ kaa lɛ-dɛ nɛ doo, ǹ nə́ pii: «Bɛ̀ n da sɛn, n ba Rɔmun kii gole gole a giaára lɛa wa! A giala, min woo min tá n din biɛ kii lɛa, bɛa dɛnaa nə n din diɛ kɔn ka kii gole gole ne.»

Nya ǹ dín 24:13

Minin kɛn lɛn bɛ́ soɛ diɛ masɛ la ka siin mɛnɛn nɛ, ǹ ba boe la ǹ nə ǹ kɔ́n nyaa n nɛ sonbore lɛa wa.

Nya ǹ dín 24:5

«Wɔsɛn man wɔ́ yɛ wáa giĩ kɛ lɛ n zaman lɔlɔkɔn wole lɛa. Zuifun tá bǎã woo bǎã nɛ, a n boe ǹ li a tá ǹ sɔsɔmɛ. Nazarɛtin giĩ kɛ a zii dii kɛ lɛ a kɔmalɛ wole nyɛɛnaandɛnaa goon ne.

Rɔmu minin 13:7

Ka doamaa bɛ́-n ka màn mɛn kɔ goledɛnan la, ka bɛ kɔ ǹ la. Ka nyin giɔ̀mɔ saraa ǹ la, ka wusuru kɔ ǹ la, ka nyɛ́ɛ baa ǹ nɛ, ka ǹ guguru kɔ. Ka doamaa bɛ́ nɛ, ka màn mɛn kɔ ǹ la, ka bɛ kɔ ǹ la.