Luku 23:11 - LAWA A BOO SONBORE

¹¹ Erɔdi laanka a sɔraasin ná a kiɛɛrɛ kɔ, ǹ nə́ yaa wɔ a ganaa. Erɔdi mɔnaa sonbore kɔ́n wɔ a ganaa, á wusoo á dia Pilati la.

LAWA A BOO SONBORE 2011

¹¹ Erɔdi laanka a sɔraasin ná a kiɛɛrɛ kɔ, ǹ nə́ yaa wɔ a ganaa. Erɔdi mɔnaa sonbore kɔ́n wɔ a ganaa, á wusoo á dia Pilati la.

Luku 23:11 Iomraidhean Croise

Loen 22:6

Maǹ nə́ goã n lɛ dii n ganaa, ń goã ǹ boe sii ni. Maǹ nə́ goã n foo doɛ n ganaa, sìi goã ǹ kuĩ wa.

Izayii 49:7

Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.

Izayii 53:3

Ǹ nə́ n la bɔ a ganaa, ǹ nə́ da ǹ gɔn dɔ̀ɔ̃ nɛ. Nɔmaa wole ne, a lɛ mui ka fuu ni. A n ka min mɛn bɛ́ min kɔn ba li mà a ga a ganaa wa. Ǹ nə́ n la bɔ a ganaa, a màn kɔn lɛa wɔ yii li wa.

Matiə 14:1

Bɛa waáraa lɛ nɛ, Erɔdi mɛn bɛ́ Galilee gánadɛnaa lɛa, bɛ́ Yezu boo ma minin lɛ-n.

Matiə 14:3

Sonbore ne, Erɔdi dinmaa na á pɛ, mà ǹ ZAÃ kũ ǹ yii ǹ da kòso-n. A giala Erɔdi na á ǹ diɛ̃ Filipi a lɔ Erɔdiadi saa lɔ lɛa.

Matiə 14:6

Sɛnɛ, Erɔdi a yɛ ǹ zɔ́n pinaa, Erɔdiadi a nɛlɔ yoo, á bɛ̀ baa zɔ́n màn-biilin yɔrɔ-a. Bɛ́ kɔɔ̃n kɔ Erɔdi ganaa parsiini,

Marki 9:12

Á tɔ́n pɛ ǹ nɛ: «Sonbore ne, Yilii doamaa nɛ a daa bɔrɔ, a sii din tumaa yɔrɔ bɔ sɔnbɔraanɛ. Sɛnɛ, wàa na á baa a kiɛ̃maa tá Lawa a boo ne, mà Min a Nɛgiĩ tá re nɔmiɛ parsiini, mà minin tá re n piɛ̃-n dɔn?

Luku 23:10

Wúlu-bɔlen goledɛnan nɛ, ka landa sii-daraalin nə́ goã walan, ǹ nə́ soɛ diɛ la ka boo baraan nɛ.

Zaã a sɛ́wɔ 19:5

Yezu soo kanaa, kii bafolo nyandɛnaa lɛ ná a mìi-a ka dɔnkɛ tã lɛ dɔ nɛ a ganaa. Pilati tɔ́n pɛ ǹ nɛ mà haya, mà giĩ lɛ á ke!

Zaaki 2:2

Bɛ̀ min na á daa wɔ ka bii kaa lɛsɔkɔn bǎã nɛ, a gòon ganaa ǹ kaaranan nə́ sana lɛa, a wɔ ǹ dɔnkɛ n siĩni; min doobaa kɔ́n dɔ́ daa ka dɔnkɛ kun ná a ganaa,

Zaaki 2:3

bɛ̀ n yaa ka dɔnkɛ sonbore wɔle lɛ bɔ ka yii ni, ka n yɔrɔ bǐɛ̃ da bɛ la, ka pɛ nɛ: «Da giã tán bǎã sonbore kɛ nɛ,» bɛ̀ ka pɛ doobaa lɛ sɛ nɛ: «Giã lon, hinlaa, da giã tán furu-n wɔa dankan li»;