Luku 22:42 - LAWA A BOO SONBORE

⁴² «Maa Díi, bɛ̀ n tá li, là-paparɛɛ kɛ wɔlɔ lui masɛ ganaa. Sɛnɛ, masɛ foo sii baran n zɛnaa wa, n din wɔ nə n zɛnaa.» [

LAWA A BOO SONBORE 2011

⁴² «Maa Díi, bɛ̀ n tá li, là-paparɛɛ kɛ wɔlɔ lui masɛ ganaa. Sɛnɛ, masɛ foo sii baran n zɛnaa wa, n din wɔ nə n zɛnaa.» [

Luku 22:42 Iomraidhean Croise

Loen 40:8

Bɛ lɛ nɛ má tɔ́n pɛ, máa màn mɛn nə n kiɛ̃ sɛ́wɔ-munii kɛ nɛ maa wɔ paǹ li,

Izayii 51:17

Zeruzalɛmu, n yii kaa! N yii kaa, n yoo n golee lon! Dɛnaa Lawa goã á n da foo-yoo ǹ paan kɛa mu mii ganaa. Ń mi lenlen, á n yii tii.

Izayii 51:22

N Lawa, n Dɛnaa Lawa n kɛ pii asɛ mɛn bɛ́ a zaman a zia gii diɛ: Hiĩ, maa foo-yoo ǹ paan ke n ná a mu mi, á n yii tii, ma á re bɛ sii ma bɔ n gɔn. N ba re a mu mii doo duduu wa!

Zeremii 25:15

Dɛnaa Lawa, Izirayeli a Lawa boo mɛn da ma nɛ, á ke: «Paan kɛ si ma gɔn, piɛ̃-n ka maa foo-yoo ne. Ma bɛ n diɛ tɔrɔn mɛnɛn tumaa li, n kɔ ǹ la ǹ mi.

Matiə 11:25

A din waáraa kɛ lɛ nɛ, Yezu pɛ: «Ma Di Lawa ganaa, lon laanka tán a Dɛnaa, masɛ n barka diɛ n nɛ. A giala n din ni ń siin kɛn duru sii-dɔ̃lin laanka yiridɛnan la, ń nyaa baãnaanan manɛ.

Matiə 11:26

Hiĩ, maa Díi ganaa, a zɛnaa miɛ̃ kɛ na á kɔɔ̃n kɔ n din ganaa.

Matiə 20:22

Yezu tɔ́n pɛ: «Ka bɛ́ màn mɛn nyankoe, ka a doɛ̃ wa. Masɛ bɛ́ re là-paparɛɛ mɛn yii, ka tá re boe la ka bɛ si ka ganaa?» Ǹ nə́ tɔ́n pɛ Yezu ni: «Wɔsɛn tá boe la.»

Matiə 26:39

Á n zɔ̃ á woo nyɛɛn boɛɛn nɛ, á na á kaa tán-a, á n mìi kuməə, á Lawa nyankɔ bɛ̀ a n pii: «Maa Díi! Bɛ̀ n tá boe la n zɛnaa, n là-paparɛɛ kɛ wɔlɔ lui ma ganaa. Sɛnɛ, masɛ foo sii baran n zɛnaa wa, n din wɔ nə n zɛnaa.»

Matiə 26:42

Á n zɔ̃ á n bɔ ǹ ganaa doo, ka a gunyin paabaa ǹ wɔ nɛ, á Lawa nyankɔ bɛ̀ a n pii: «Maa Díi, bɛ̀ masɛ á boe la ma kanbaa là-paparɛɛ kɛ lɛ-a wa, n din foo sii nə n zɛnaa!»

Matiə 26:44

Yezu kiɛ̃ á n bɔ ǹ li doo, á n zɔ̃ á woo tiãlɛa, á Lawa nyankɔ a gunyin sɔɔbaa ǹ wɔ, a ná a din boo goon lɛ pɛ.

Matiə 6:10

Toa n kiibaa daa, n foo sii bɛ́ n zɛnɛɛ lon lɔn ke, toa a n zɛnaa tán dɔn miɛ̃.

Marki 14:36

A na á goã pii: «E, maa Díi! N tá boe sii din tumaa la. Là-paparɛɛ kɛ wɔlɔ lui masɛ ganaa. Sɛnɛ, masɛ foo sii baran n zɛnaa wa, n din wɔ nə n zɛnaa.»

Luku 23:34

Yezu pɛ: «Maa Díi, ǹ sã toa ǹ nɛ, a giala, ǹ bɛ́ màn mɛn zɛnɛɛ ǹ ba bɛ doɛ̃ wa.» Ǹ bɛ́ re Yezu a mɔnaan gii kɔn, maǹ nə́ n pã.

Zaã a sɛ́wɔ 18:11

Yezu tɔ́n pɛ Piɛrɛ nɛ: «N gɔya lɛ wɔ a kii ni! Maa Díi nɔmaa mɛn kɔ ma la, ma n taasɛ mà maa die lɛ koe bɛ-a wa?»

Zaã a sɛ́wɔ 4:34

Yezu tɔ́n pɛ ǹ nɛ: – Min mɛn masɛ dia, bɛ̀ má bɛ lɛ foo sii zɛnaa, a ma dia dí mɛn ganaa, bɛ̀ má bɛ nya má a lɛ pã, a n goon ka man má màn bii.

Zaã a sɛ́wɔ 5:30

«Maa boe la ma sii kɔ́n zɛnaa ma din ganaa wa. Lawa bɛ́ màn mɛn pii ma nɛ, man kiri kuri á kɔnpii ka bɛ lɛ nɛ. Maa kiri wɔ ǹ gɔn lɛ á pepere, a giala, ma bie giɛ ma din foo sii li wa, min mɛn bɛ́ á ma dia, man giɛ bɛ lɛ foo sii li.

Zaã a sɛ́wɔ 6:38

A giala, ma bie má n toa lon má gisĩ ma din foo sii zɛnaa a lɛa wa, min mɛn bɛ́ á ma dia, man má daa bɛ lɛ foo sii zɛnaa.

Nya ǹ dín 21:14

Wɔ bɛ́ wɔ boo la wɔ́ kurəə wa, wɔ́ nɔmaa wɔ́ toa walan, wɔ́ pɛ: «Wɔa Dɛnaa din foo sii nə n zɛnaa.»