Luku 22:19 - LAWA A BOO SONBORE

¹⁹ Bɛ kio á buuru saa, a bɛ́ á barka da Lawa nɛ a ganaa á nya, á yiyiɛ kɔn á kɔ ǹ la, bɛ̀ a n pii: «Masɛ din gɔ̀nɔn nə ka kɛ nɛ, ma á koe kaa lɛa. Ka die ka bɛa sii kɛ lɛ zɛnaa masɛ kio, ka n yiri gisĩ masɛ nɛ.»

LAWA A BOO SONBORE 2011

¹⁹ Bɛ kio á buuru saa, a bɛ́ á barka da Lawa nɛ a ganaa á nya, á yiyiɛ kɔn á kɔ ǹ la, bɛ̀ a n pii: «Masɛ din gɔ̀nɔn nə ka kɛ nɛ, ma á koe kaa lɛa. Ka die ka bɛa sii kɛ lɛ zɛnaa masɛ kio, ka n yiri gisĩ masɛ nɛ.»

Luku 22:19 Iomraidhean Croise

Loen 111:4

A n giɛ li, mà ǹ nə n yiri koa ka asɛ a nya ǹ dí dadaran kɛn nɛ. Dɛnaa Lawa lɛ á bǐɛ̃ zɛnɛɛ, á makara doɛ̃.

Loe kɔɔ̃n kɔɔ̃n 1:4

Ma kũ n ma da n kio, wɔ baa si. Ma n maa kii lɛa, ma kũ n wo ma nɛ n waa ǹ kion, n wɔ dinin paanan kaa nyɛnyɛɛ li, n wɔ foo kɔɔ̃n kɔ. N kɔn-narɛɛ ke a soɛ duvɛ̃ nɛ. Sonbore tá nɛnɛn lɛn lon, ǹ nə n narɛ.

Ezekieli 37:11

Lawa tɔ́n pɛ ma nɛ: – Minbuiin a nɛ, gere wen kɛn lɛn, Izirayeli tɔrɔn lɛn tumaa a kaa-kun ni. Á ke, Izirayeli tɔrɔn lɛn man pii: «Wɔ wen nə́ laa, foo doa ǹ bǎã ba wɔ lon doo wa, wɔa wɔ ziziɛ̃.»

Ezekieli 5:5

Masɛ Dɛnaa Lawa n kɛ pii: «Bɛ lɛ n die Zeruzalɛmu yii. Man má Zeruzalɛmu bɔ tɔrɔ kɔsɔn bii má koa, gána kɔsɔn ná a lɛnpɛnɛ.

Matiə 14:19

Bɛ kio, á pɛ zaman lɛ nɛ, mà ǹ giã tán-a buu la. Ǹ bɛ́ ǹ nə́ giã tán, á buuru sooro lɛ laanka zɔ̀ màn paa lɛ goa, á n yɔrɔ dia lon, á barka da Lawa nɛ. Á buuru lɛ yiyiɛ á kɔ a kialandɛnan lɛn ma la, ǹ nə́ gii zaman lɛ nɛ.

Matiə 15:36

Bɛ kio, á buuru sɔbaa lɛ laanka zɔ̀ lɛ goa, á barka da Lawa nɛ, á ǹ yiyiɛ kɔn, á ǹ kɔ a kialandɛnan ma la, ǹ nə́ gii zaman lɛ nɛ.

Luku 22:17

Á tɔ́n paan si, a bɛ́ á barka da Lawa nɛ a ganaa á nya, á pɛ: «Ka kɛ si, ka mi ka kɔ kɔn la.

Luku 22:20

Màn-bii lɛ á nya kio, á duvɛ̃ dɔ saa paan nɛ á kɔ ǹ la, á pɛ: «Paan ke, masɛ din mà na a nɛ, á kaa kaa lɛa, a n lɛ kɔ kɔn la dii lɛa.»

Luku 24:30

A bɛ́ á giã tán màn-bii la kunun ǹ ni, á buuru saa, á Lawa nyankɔ, á barka da a ganaa, á yiyiɛ kɔn á kɔ ǹ la.

Zaã a sɛ́wɔ 6:23

Sɛnɛ, mu kuru ǹ goo kɔsɔn nə́ n toa Tiberiadi kiwi, Dɛnaa Yezu barka da buuru ganaa á kɔ ǹ la ǹ nə́ sɔ̃ bǎã mɛn nɛ ke lɛ-n, ǹ nə́ daa ǹ nə́ diri bɛ la.

Zaã a sɛ́wɔ 6:51

Masɛ n yiikoonaabaa kɔ ǹ buuru lɛa, á n toa lon á gisĩ tán. Min mɛn bɛ́ re bɛa buuru lɛ soɛ̃, bɛa dɛnaa n goɛ̃ a yii n koo yǎa duduu. Buuru mɛn dɔ bɛ́ masɛ á re koe, masɛ din gɔ̀nɔn siĩ ni, á n kɔ, màn mɛn bɛ́ toɛ, kanaa minin nə yiikoonaabaa yɛ.

Korɛnti1 10:16

Ka ga a ganaa: Wɔ bɛ́ mi ǹ màn barkadɛnaa mɛn mii, wɔ n barka diɛ Lawa nɛ, bɛa wɔ kiɛ kun ka Krita mà kɛ-n ma? Wɔ bɛ́ buuru barkadɛnaa mɛn tatalɛ kɔn bɛ̀ wɔ sɔ̃, bɛa wɔ kiɛ kun ka Krita gɔ̀nɔn nɛ wa?

Korɛnti1 10:4

mu mɛn dɔ bɔ Lawa li, ǹ tumaa bɛ dɔ mi kun. A giala, kɔlɔ na á bɔ Lawa li, a nə́ ǹ diɛ zii, ǹ nə́ mu mii a nɛ. Bɛa kɔlɔ kɛ lɛ, *Krita nɛ.

Galaasi minin 1:4

Yezu Krita lɛ na á n din kɔ wɔa sii baraan lɛa, màn mɛn bɛ́ toɛ, a wɔ kirisibaa sisia a kanaa babaraa kɛ ganaa. Bɛ na á n zɛnaa, á kɔnpɛ wɔ Di Lawa din foo sii ni.

Galaasi minin 4:25

Bɛ̀ wɔ á pii mà Agaara, Sinayii kele mɛn bɛ́ Larabu gána nɛ, wɔ n bɛ boo diɛ. Sɛnɛ, wɔ á boe la wɔ zɔɔ̃ kɔn ka pelo a Zeruzalɛmu kɛ dɔ nɛ. Zeruzalɛmu n bɛ̀rɛ lɛa, kun ka a nɛnyaanan tumaa nɛ.

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Tesaloniki1 5:18

Ka barka da Lawa-n sii din tumaa a lɛa, a giala, Lawa n giɛ li mà ka bɛ lɛ zɛnaa, kaa tá kun Yezu Krita-n gɔ́ɔ̃ nɛ.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.