Luku 22:17 - LAWA A BOO SONBORE

¹⁷ Á tɔ́n paan si, a bɛ́ á barka da Lawa nɛ a ganaa á nya, á pɛ: «Ka kɛ si, ka mi ka kɔ kɔn la.

LAWA A BOO SONBORE 2011

¹⁷ Á tɔ́n paan si, a bɛ́ á barka da Lawa nɛ a ganaa á nya, á pɛ: «Ka kɛ si, ka mi ka kɔ kɔn la.

Luku 22:17 Iomraidhean Croise

Loen 116:13

Ma á die mi ǹ màn koe, ma maa barka da Dɛnaa Lawa nɛ, maa kirisibaa kɛ taman yii.

Loen 23:5

N din nə ma kuĩ tii lɛa sɔnbɔraanɛ, n din nə màn-bii koe ma la maa zɔ́ɔn yii ni, n nyɔɔ gìĩ kɔɔ̃n kaa ma mìi ni, n mi ǹ màn kaa paan piɛ̃ n kɔ ma la.

Zeremii 16:7

Min kɔn ba re woe màn-bii koe gɛ̀dɛnan la màn mɛn bɛ́ toɛ ǹ nə ǹ foo basã wa. Min kɔn ba re ǹ foo wɛɛ ǹ din hinlaa ǹ daanan gɛ̀ taman yii wa.»

Matiə 14:19

Bɛ kio, á pɛ zaman lɛ nɛ, mà ǹ giã tán-a buu la. Ǹ bɛ́ ǹ nə́ giã tán, á buuru sooro lɛ laanka zɔ̀ màn paa lɛ goa, á n yɔrɔ dia lon, á barka da Lawa nɛ. Á buuru lɛ yiyiɛ á kɔ a kialandɛnan lɛn ma la, ǹ nə́ gii zaman lɛ nɛ.

Matiə 15:36

Bɛ kio, á buuru sɔbaa lɛ laanka zɔ̀ lɛ goa, á barka da Lawa nɛ, á ǹ yiyiɛ kɔn, á ǹ kɔ a kialandɛnan ma la, ǹ nə́ gii zaman lɛ nɛ.

Matiə 26:26

Ǹ bɛ́ màn bii, Yezu buuru saa, á barka da Lawa nɛ, á yiyiɛ kɔn, á kɔ a kialandɛnan la, á pɛ ǹ nɛ: «Ka si ka sɔ̃, masɛ din gɔ̀nɔn nɛ.»

Marki 14:22

Ǹ bɛ́ màn bii, Yezu buuru saa, á barka da Lawa nɛ, á yiyiɛ kɔn, á kɔ a kialandɛnan la, á pɛ ǹ nɛ: «Ka kɛ si, masɛ din gɔ̀nɔn siĩ-n ka kɛ nɛ.»

Luku 22:19

Bɛ kio á buuru saa, a bɛ́ á barka da Lawa nɛ a ganaa á nya, á yiyiɛ kɔn á kɔ ǹ la, bɛ̀ a n pii: «Masɛ din gɔ̀nɔn nə ka kɛ nɛ, ma á koe kaa lɛa. Ka die ka bɛa sii kɛ lɛ zɛnaa masɛ kio, ka n yiri gisĩ masɛ nɛ.»

Luku 9:16

Yezu buuru sooro lɛ saa ka zɔ̀ màn paa lɛ nɛ, á n yii saa lon, á Lawa nyankɔ mà a barka wɔ ǹ nɛ. Bɛ kio á ǹ yiyiɛ, á ǹ kɔ a kialandɛnan lɛn la, mà ǹ kɔ zaman lɛ la.

Rɔmu minin 14:6

Min mɛn bɛ́ barka we lɛawaa tɛn nɛ, bɛa dɛnaa n bɛ zɛnɛɛ á Lawa tɔ boe ne. Min mɛn bɛ́ màn tumaa bii, bɛ dɔ a dɛnaa n Lawa tɔ boe, a giala, á barka diɛ Lawa nɛ, a màn-bii lɛ a lɛa. Min mɛn dɔ bɛ́ a màn tumaa bii wa, bɛ dɔ n bɛ zɛnɛɛ Dɛnaa a lɛa. A dɔ́ bɛ́ màn mɛn bii, a dɔ n barka diɛ Lawa-n bɛa lɛa.

Korɛnti1 10:16

Ka ga a ganaa: Wɔ bɛ́ mi ǹ màn barkadɛnaa mɛn mii, wɔ n barka diɛ Lawa nɛ, bɛa wɔ kiɛ kun ka Krita mà kɛ-n ma? Wɔ bɛ́ buuru barkadɛnaa mɛn tatalɛ kɔn bɛ̀ wɔ sɔ̃, bɛa wɔ kiɛ kun ka Krita gɔ̀nɔn nɛ wa?

Korɛnti1 11:23

A giala, Dɛnaa ma daraa màn mɛn ganaa, má ka dɔn daraa a ganaa, bɛ á ke: Ǹ bɛ́ re Dɛnaa Yezu koe tèlò mɛn nɛ, á buuru saa,

Timəə dí-pɛn 8:10

Ka á re màn bii walan ka kã. Ka goã bɛ̀ ka barka da kaa Lawa, Dɛnaa Lawa lɛ nɛ, gána sonbore kɛa lɛa, á kɔ ka la.

Samayeli1 9:13

Ka bɛ́ re doe kiwi lɛ gɔ́ɔ̃-n lɔn gɔrɔ ka tá re woe yiɛ bɛ̀ a ná a tɔn wo màn bii wúlu bɔ ǹ bǎã-n bɔrɔ wa. Zaman lɛ ba màn bii a kio wa, a giala, a din doamaa nɛ a barka da *wúlu màn lɛ ganaa. Bɛ kio, ǹ min mɛnɛn bíi a tɔ-a, bɛn nə tɔn màn bii. Ka wo kɛnɛn kɛnɛn ka tá re yii pelo lɛn.»