Luku 21:8 - LAWA A BOO SONBORE

⁸ Yezu nə́ ǹ lɛ si á pɛ: «Ka n dinin kũ, ka baran toa min kɔ́n nə ka yiri sã wa. A giala, min gigiã á re die ka masɛ tɔ nɛ. Ǹ didie á re pii mà asɛ din lɛ nɛ, ka tá n yii diɛ la, mà haya, mà biikoo lɛ pã kəni. Sɛnɛ, ka baran kɔ ǹ lɛ wa.

LAWA A BOO SONBORE 2011

⁸ Yezu nə́ ǹ lɛ si á pɛ: «Ka n dinin kũ, ka baran toa min kɔ́n nə ka yiri sã wa. A giala, min gigiã á re die ka masɛ tɔ nɛ. Ǹ didie á re pii mà asɛ din lɛ nɛ, ka tá n yii diɛ la, mà haya, mà biikoo lɛ pã kəni. Sɛnɛ, ka baran kɔ ǹ lɛ wa.

Luku 21:8 Iomraidhean Croise

Zeremii 29:8

Dɛnaa Lawa Pàãyiidɛnaa, Izirayeli a Lawa n kɛ pii: «Lawa a boo gii-dalin kɛn ka bii ka biɛ̃ ǹ pɛlen kɛn nɛ, ka nyan toa ǹ ka sã wa. Ka bɛ narɛɛn mɛnɛn we, ka nyan nə n saa bɛn li wa.

Matiə 24:11

Min gigiã á re n dinin biɛ Lawa a boo gii-dalin lɛa ǹ daa, ǹ tá re min gigiã yiri siɛ̃.

Matiə 3:2

A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔ bii sisia.»

Matiə 4:17

A kũ a da Galilee biikoo lɛ ganaa, Yezu ná a giala kɔ á Boo Tii Kɔɔ̃n pɛ. A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔsɛn bii sisia.»

Luku 17:23

Ǹ tá re pii ǹ ni mà á ke kɛnɛn nɛ, mà á ke kànaa. Ka baran baa si bɛ ganaa ka wo kaa kunun ǹ ni wa.

Luku 21:7

Minin nə́ nɔ̀n da Yezu la mà Mìinaa, mà bɛ n die n zɛnɛɛ biĩ? Mà sii mɛn dɔ n die nyɛɛ mà ǹ zɛnaa biikoo dɔ?

Luku 21:9

Ka á re zian boo miɛ, ka minin piã boo ne, nyɛ́ɛ baran ka kũ wa. A giala, bɛa siin kɛn lɛn doamaa nɛ, ǹ nə n zɛnaa bɔrɔ, bɛ bie re goɛ̃ kanaa a nya lɛa gɔrɔ wa.»

Zaã a sɛ́wɔ 5:43

Maa Díi na á ma dia, ka n piã mà ka a lɛ koe masɛ-a wa. Bɛ̀ min kɔsɔ na á daa a din li ke, Lawa ná a dia wa, ka n lɛ koe bɛa dɛnaa ganaa!

Zaã a sɛ́wɔ 8:24

Bɛ lɛ na á toa, má pɛ ka nɛ, máa ka tá re giɛ̃ ka kaa sii baraan nɛ ka mìi ni. Masɛ bɛ́ min mɛn lɛa, bɛ̀ ka a ma doɛ̃ bɛ lɛa wa, ka á re giɛ̃ ka kaa sii baraan nɛ ka mìi ni.»

Zaã a sɛ́wɔ 8:28

Yezu tɔ́n pɛ ǹ nɛ: «Bɛ̀ ká Min a Nɛgiĩ dere gɔn ganaa lon ǹ mɛn waáraa, ma bɛ́ min mɛn lɛa, ka á re doɛ̃ mà man bɛ lɛa. Ka á re doɛ̃ dɔn mà ma ba sii kɔ́n zɛnɛɛ ma din gɔn wìi a lɛa wa. Maa Díi ma daraa màn mɛn ganaa, man bɛ lɛ pii.

Korɛnti1 6:9

Ka a doɛ̃ mà min kɔkɔrɔn ba re bǎã yii *Lawa a kiibaa-n wa? Ka nyan ka dinin yiri sã wa! Din kũ doɛ̃baã wolen ne ka dì wúlu-bɔlen ne, naarɛbaalin ni, ka giĩ baa lɔ lɛa wolen ne,

Efɛɛzi minin 5:6

Ka nyan toa, min kɔ́n ka bebere ka yiri baãnaabaa ǹ boon ne wa. A giala, bɛa sã ǹ siin kɛn lɛn man die toɛ, Lawa foo yoo a lɛ-tiilin li.

Tesaloniki2 2:3

Ka nyan toa min kɔ́n ka yiri sã ka yɔrɔ kɔ́n nɛ wa. A giala, bɛ laan bɛ̀ a n zɛnaa, yǎa piã ka golee Lawa li-n nə we bɔrɔ, Lawa a Zɔ́ɔ babaraa kɛ dɔ nə n din nyɛɛ, asɛ mɛn doamaa bɛ́ nɛ a bɔ̀n baa.

Timote2 3:13

Min babaraan kɛn laanka minin yiri-sãlin kɛn, màn tá re miɛ bɛn baraabaa li. Ǹ tá re min kɔsɔn siɛ̃, ǹ dininmaan dɔn siɛ̃maa nɛ.

Zaã1 4:1

Maa giaáran lɛn, minin mɛnɛn bɛ́ n dinin biɛ Lawa Yiri kɛ a dɛnan lɛa, ka nyan golee bɛn tumaa li wa. Ka n da ǹ gɔ́ɔ̃ li bɔrɔ ka ga ǹ ganaa, bɛ̀ ǹ yiri lɛ n boe Lawa li. A giala, Lawa a boo gii-dali soɛ-bɔlen nə́ mɔnaa kanaa lɛ gɔ́ɔ̃ nɛ.

Zaã2 1:7

Soɛ-bɔle gigiã nə́ n da kanaa la. Maǹ nə́ n piɛ̃ ǹ ba golee li, mà Yezu Krita daa minbuiin nɛ taãn lɛa wa. Min mɛn bɛ́ zɛnɛɛ miɛ̃, bɛ lɛ n soɛ-bɔle lɛ lɛa, Krita a Zɔ́ɔ dɔ nɛ.

Sii-nyaan 1:3

Min mɛn bɛ́ sɛ́wɔ kɛ pii minin ni, bɛa dɛnaa wɔ bǐɛ̃ kɔ! Minin mɛnɛn dɔn bɛ́ n too koe Lawa a boo dia ma li kɛ ganaa, ǹ ná a lɛ sii, bɛn dɔn wɔ na á bǐɛ̃ kɔ! A giala, biikoo mɛn nə n koa siin kɛn lɛn zɛnaa a lɛa, á diri foɛɛ̃ nɛ.

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.