Luku 21:34 - LAWA A BOO SONBORE

³⁴ Yezu mà ǹ ganaa: «Ka n dinin kũ! Kaa taasiɛn baran n doa zɔ́nɔn ganaa, ka yɔ mii baraa nɛ, ka kanaa a gɔ́ɔ̃ bii siin ni wa, màn mɛn bɛ́ toɛ, dɔlɔ bɔ pinaa kɛ lɛ baran da ka tɔwaa wa,

LAWA A BOO SONBORE 2011

³⁴ Yezu mà ǹ ganaa: «Ka n dinin kũ! Kaa taasiɛn baran n doa zɔ́nɔn ganaa, ka yɔ mii baraa nɛ, ka kanaa a gɔ́ɔ̃ bii siin ni wa, màn mɛn bɛ́ toɛ, dɔlɔ bɔ pinaa kɛ lɛ baran da ka tɔwaa wa,

Luku 21:34 Iomraidhean Croise

Siin Giala 19:32

Haya! Daa, wɔ yɔ kɔ wɔ di lɛ la a mi. Bɛ̀ á wɔ a yii ni, wɔ wo waa kun ni, màn mɛn bɛ́ toɛ, a wɔ tɔrɔ yɛ a da kanaa.»

Siin Giala 19:35

Bɛ dɔ a pinaa tèlò-n, ǹ nə́ yɔ kɔ ǹ di lɛ la á mi. Kiɛɛrɛdɛnaa lɛ dɔ́ woo waa piì-n kun ni. Sɛnɛ, a da waa tán waáraa nɛ, ka a yoo waáraa nɛ, min mɛn bɛ́ nɛ, ǹ di lɛ dɔ̃ wa.

Siin Giala 27:14

Á woo ǹ kũ, á daa ǹ kɔ ǹ dan la. Ǹ dan màn-bii zɛnaa, màn-bii mɛn bɛ́ kɔɔ̃n Zakɔba ǹ di Izaaki lɛ ganaa.

Loen 35:8

Toa bɔ̀n gole da ǹ dinin lɛn tɔwaa tán, ǹ biɛ mɛn koa, toa a ǹ dinin kũ. Ǹ yala mɛn fɔ̃, toa ǹ dinin nə mɛnaa a nɛ.

Suusun 21:4

Ga ka yɔrɔ baraa nɛ, ka din gole kɔ nɛ, bɛ n min baraan sii baraa giala pii.

Suusun 23:20

Min mɛnɛn bɛ́ yɔ mii á la yii ni, ǹ nə́ siĩ soɛ̃ á la yii ni, n nyan koa kun ka bɛn nɛ wa.

Boo-laakalaali 9:12

Sonbore, minbuiin nɛ ba gɛ̀ a daa biikoo doɛ̃ wa. Zɔ̀ kũ ǹ zɔ̀ɔ bɛ́ zɔ̀ kuĩ lɔn, biɛ bɛ́ bàan kuĩ lɔn, gɛ̀ lɛ dɔ n die minbuiin nɛ tɔwɛɛ miɛ̃. A n die n diɛ la bǎã goon ne, a yiri ná a ba li wa.

Izayii 28:7

Duvɛ̃ taman yii Lawa a wúlu-bɔlen laanka Lawa a boo gii-dalin man boo kooron diɛ, yɔ kakaarɛ nə ǹ diɛ tatalaa ganaa. Yɔ kakaarɛ taman yii maǹ boo kooron diɛ, duvɛ̃ nə́ ǹ yiri lɔlɔkɔn, yɔ kakaarɛ nə ǹ diɛ tatalaa ganaa. Bɛ̀ ǹ nə́ sii-nyaan yɛ, maǹ boo kooron diɛ. Bɛ̀ ǹ tá kiri we, ǹ yii á wɔlɔ yii wa.

Ozee 4:11

Kɔrɔbaa laanka yɔ mi a la yii-n nə́ ǹ kũ á ǹ baa gàãnaan lɛa.

Lawa a wúlu-bɔlen 10:9

N din laanka n nɛgiĩn lɛn nɛ, bɛ̀ ka tá re we kɔn yɛ ǹ kion kɛ nɛ, ka nyan toa ka duvɛ̃ wɔ ka lɛ-n wa, ka nyan toa yɔ kakaarɛ kɔn wɔ ka lɛ-n wa. Bɛ̀ ka zɛnaa miɛ̃, ka a re giɛ̃ wa. Bɛ n landa lɛa, ka mìi ni miɛ̃ duduu, ka tɔrɔn tumaa wɔ lɛa, a ná a ba n bɔyɛɛ wa.

Matiə 13:22

Min tɛn dɔ n kɔnboe ka màn tɔrɔ nɛ á mɛnaa nyan bii. Ǹ nə́ boo lɛ ma koe, sɛnɛ, kanaa sii a taasiɛn laanka naforo a lɛn bebelee siin man boo lɛ kuĩ, ǹ baa nɛ-kɔbaã wole lɛa.

Marki 13:9

«Sɛnɛ, kasɛn nə yiri bɔ ka dinin li. A giala, minin tá re ka kuĩ ǹ wo kiri wɔ ka ganaa Zuifun lɛsɔkɔn kionən gɔ́ɔ̃ nɛ, ǹ ka duduwəə. Ǹ tá re woe ka nɛ pàãdɛnan laanka kiin yɔrɔ-a masɛ tɔ taman yii, bɛ lɛ n die toɛ ka masɛ boo da ǹ yɔrɔ-a.

Marki 4:19

sɛnɛ, kanaa sii a taasiɛn nɛ, naforo a lɛn bebele sii laanka foo sii tɔrɔ kɔsɔn man we ǹ ne, ǹ Lawa a boo lɛ kũ, ǹ baa nɛ-kɔbaã wole lɛa ka da nɛ-kɔbaã wole bɛ́ lɔn.

Luku 10:41

Dɛnaa Marti lɛ si á pɛ: «Ma miãnɛn, ma nə n gɔ́ɔ̃ bii n nə́ n là kakaɛ̃ sii gigiã ganaa.»

Luku 12:40

Ka dɔn nə n yii dɔraa, a giala ka yiri bɛ́ a ba biikoo mɛn li wa, Min a Nɛgiĩ lɛ n die die bɛa biikoo lɛ li.»

Luku 17:3

Bɛ lɛ nɛ, ka yiri bɔ ka dinin li. Bɛ̀ n dɔɔ̃n nə́ sii baraa zɛnaa, a zɛ̀rɛ baa. Bɛ̀ á golee a sii baraa li, n na a sii baraa toa nɛ.

Luku 21:35

lɛawaa mɛn bɛ́ re die kirii kanaa min din tumaa la, ka kan a màn kũ bɛ́ lɔn.

Luku 21:8

Yezu nə́ ǹ lɛ si á pɛ: «Ka n dinin kũ, ka baran toa min kɔ́n nə ka yiri sã wa. A giala, min gigiã á re die ka masɛ tɔ nɛ. Ǹ didie á re pii mà asɛ din lɛ nɛ, ka tá n yii diɛ la, mà haya, mà biikoo lɛ pã kəni. Sɛnɛ, ka baran kɔ ǹ lɛ wa.

Luku 8:14

Màn tɔrɔ mɛn bɛ́ á mɛnaa nyanɛn bii, bɛ n ka min mɛnɛn bɛ́ boo lɛ miɛ, sɛnɛ, ǹ ba woe nyɛɛnɛ wa, taasiɛn lɛa, gɔn mànan lɛa, ka kanaa a gɔ̀nɔn nyɛɛ ǹ siin lɛa nɛ. Bɛ lɛ n toɛ, ǹ ba nɛ koe a ma wa.

Korɛnti1 5:11

Man máa min mɛn tumaa bɛ́ ka Lawa nyankɔ ǹ tɔ ná a ganaa, a n din kũ doɛ̃baã wole lɛa, a n yii bɔ miã gɔn màn li wole lɛa, a n dì wúlu-bɔle lɛa, a n minin tɔ-ziziɛ̃li lɛa, a n yɔ-mili baraa lɛa, á n wurumu lɛa, ka nyan kaa sii kɔ́n kaa kun ka bɛn nɛ wa. Ka a kɔnboe, ka màn din bii kun ka bɛ miã min kɛ-n wa.

Korɛnti1 6:10

wurumun ni ka yii bɔ miã gɔn màn li wolen ne, yɔ-mili baraan nɛ, minin tɔ-ziziɛ̃lin ni, ka waa zii-a wolen ne, bɛa min kɛ kɔ́n ba re bǎã yii Lawa a kiibaa-n wa.

Galaasi minin 5:20

dì wúlu bɔ nɛ, ka dagòã si ni. Minbuiinin man zɔ́ɔbaa we kɔn ganaa, ǹ nə́ zian diɛ kɔn ganaa, ǹ foo n wuu pii, foo-yoo la ǹ yii ni, ka miã lɔ zuũbaa nɛ. Maǹ nə n niniɛ kɔn tanlɛ tanlɛ, ǹ nə́ kurun lɛa yɔ boe kɔn ganaa.

Timəə dí-pɛn 29:19

Dɛnaa Lawa a re lɛ koe a bɛa dɛnaa a sii baraa toa-n wa. Ǹ dɛnaa lɛ bɛ́ na á Dɛnaa Lawa bɔlɔ tii, a foo n die yui li. Dɔlɔ mɛn tumaa boo nə n da sɛ́wɔ kɛ nɛ, bɛ tumaa n die goɛ̃ a mìi ni. Dɛnaa Lawa á re ǹ dɛnaa tɔ tuturi a bɔ kanaa.

Filipi minin 4:6

Ka baran n gɔ́ɔ̃ bii ka sii kɔ́n nɛ wa. Sɛnɛ, ka laadoo bɛ́ màn mɛn ganaa, ka a nyankɔ Lawa la, ka a gòã kũ, ka barka da nɛ.

Ebrəə 12:15

Ka n yiri kɔ ka dinin li, min kɔ́n baran da ka bɔ Lawa a bǐɛ̃baa kɛ li wa, min kɔ́n baran n baa da kɔɔsɛ lɛa, a bɔ tán a yoo, a minin tumaa lɔlɔkɔn, a ǹ ziziɛ̃ wa.

Piɛrɛ2 3:10

Dɛnaa a lɛawaa lɛ a daa n die goɛ̃ ka wurumu wɔ bɛ́ lɔn, min yiri ná a ba li wa. Bɛa pinaa kɛ nɛ, lon nə die nyɛɛ ka nyɛ́ɛ da ǹ màn wuu gole ne, a màn tumaa n die kuĩ ǹ papaã. Kanaa laanka a gɔ́ɔ̃gɔ́ɔ̃ ǹ mànan tumaa á re nyɛɛ.

Piɛrɛ2 3:14

Bɛ lɛ nɛ, maa giaáran lɛn, ka bɛ́ n yii diɛ ke, ka n doa, màn mɛn bɛ́ toɛ, Dɛnaa lɛ da ka yaa ka bii n kɔɔ̃n kɔ ka a din ni, ka n *yoreen ne, zɛ̀rɛ ná a ba ka ganaa wa.

Sii-nyaan 3:3

N Boo Tii Kɔɔ̃n mɛn ma, a si ka we ne, n nə n yiri koa bɛ li. N foo doa a ganaa, n wusoo n sii baraan kio. Bɛ̀ n nə n gù kaa wa, n ba re maa daa biikoo doɛ̃ wa, ma á re die n tɔwɛɛ tán ka wurumu wɔ bɛ́ lɔn.

Samayeli1 25:36

Abigayili nə́ n bɔyaa á daa Naabaali li, bɛ̀ a bɛ́ kiin zɔ́n tɔrɔ zɛnɛɛ a piɛ. Naabaali foo goã kɔɔ̃nɛ. Yɔ goã a yii ganaa taãn-taãnɛ. Abigayili boo kɔn pɛ-n wa, yǎa lɛ̀ waa.