Luku 21:25 - LAWA A BOO SONBORE

²⁵ «Sii giala pɛ ǹ mànan tá re yii wasa nɛ ka mui ni ka leeren ne. Kanaa gɔ́ɔ̃ nɛ gánan tá re goɛ̃ foo biɛ niɛ̃ nɛ, yìsi mu wuu laanka a bìn diɛ á die nyɛ́ɛ diɛ ǹ ganaa.

LAWA A BOO SONBORE 2011

²⁵ Sii giala pɛ ǹ mànan tá re yii wasa nɛ ka mui ni ka leeren ne. Kanaa gɔ́ɔ̃ nɛ gánan tá re goɛ̃ foo biɛ niɛ̃ nɛ, yìsi mu wuu laanka a bìn diɛ á die nyɛ́ɛ diɛ ǹ ganaa.

Luku 21:25 Iomraidhean Croise

Loen 46:3

Bɛ lɛ n ke, wɔ ba nyɛ́ɛ biɛ sii kɔn nɛ wa, haalɛ ta tán nə bìn diɛ, á n kelen bɔyɛɛ ǹ kiɛ kɔ̀ mu bii,

Izayii 13:10

Leeren laanka leere kurun kɛn ba re folon kiɛ doo wa. Wasa n die tii a bɔ tán waáraa. Mui a re folon kiɛ doo wa.

Izayii 17:12

Wàa koe n ka kɛ nɛ! Tɔrɔ damata gòã wuu á ke boe die. Ǹ gòã wuu n ka yìsi mu gole a ginii bɛ́ lɔn. Maǹ gini ka pàã nɛ ka yìsi mu gole bɛ́ gini lɔn.

Izayii 24:23

Sìi á re mui kuĩ, sìi á re n koe wasa lɛ. A giala, Dɛnaa Lawa Pàãyiidɛnaa n die kii biɛ Zeruzalɛmu, *Siɔn kele la. Dɛnaa Lawa a gugurubaa n die tɛ pii kiwi, min golen yɔrɔ-a.

Izayii 5:30

A da yaa, ǹ kɔn pinaa, yìsi mu á ke gini lɔn, ginii wuu n die boe tɔrɔ kɛ ganaa miɛ̃. Bɛ̀ ń giɛ gána lɛ ganaa, á ke, tèlò laanka koe n die n koe lɛ. Labara dadaran tá re n koe lɛawaa a wɔlɔ fúlu lɛ.

Izayii 51:15

Sɛnɛ, masɛ nə n Lawa, Dɛnaa Lawa lɛa. Ma din nə bìn diɛ yìsi mu gole ganaa, ma mu yoo wole da ginii ganaa. Ma tɔ n Dɛnaa Lawa Pàãyiidɛnaa.

Zeremii 4:23

Man giɛ tán ganaa, a gɔ́ɔ̃ kooromaa nɛ, màn kɔ́n banban. Man giɛ lon ganaa, wɔlɔ fúlu banban.

Misee 7:4

Min mɛn din bɛ́ soɛ ǹ bii, bɛ n ka koronkoron bɛ́ lɔn, ǹ min sonbore á baraa á la zama nyan nɛ. N wɔlɔ-lɛduə̃lin nə lɛawaa mɛn boo da, ǹ dɔlɔ bɔ ǹ lɛawaa mɛn boo da, bɛ á ke á dɔ. Sisia, ǹ gɔ́ɔ̃ woɛ̃maa nɛ.

Matiə 24:29

Bɛa nɔmaa lɛawaan kɛn lɛn kiɛ̃ kio gɔrɔ, wasa á die n biɛ nuunaa nɛ, mui ba re a folon kiɛ doo wa, leeren tá re boe lon ǹ kaa, lon màn pàãdɛnan dinin tumaa á re n lɔlɛkɔn.

Matiə 27:45

Wasa bɛ́ á dɔ baã bii, wɔlɔ tii gána lɛ paǹ din tumaa nɛ yǎa biikoo sɔɔ, wasa lɛ kanɛɛ a biikoo li.

Marki 13:24

«Bɛa pinaa, nɔmaa lɛ a nya kio, wasa á die n biɛ nuunaa nɛ, mui ba re a folon kiɛ doo wa,

Marki 13:26

Bɛa biikoo li, ka á re Min a Nɛgiĩ yii die labaran bii, ka pàã gole ne, ka gugurubaa nɛ.

Marki 15:33

Wasa bɛ́ á dɔ baã bii, wɔlɔ tii gána paǹ din tumaa ganaa yǎa biikoo sɔɔ, wasa lɛ kanɛɛ a biikoo li.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Luku 21:26

Bɛa biikoo li minin man die giɛ̃ nyɛ́ɛ gɔn bɛa fuu siin kɛn lɛn da kanaa a lɛa. A giala, lon màn pàãdɛnan dinin tumaa á re n lɔlɛkɔn.

Nya ǹ dín 2:19

Ma á re kaãbaa ǹ siin zɛnɛɛ lon, ma á re ǹ zɛnɛɛ tán. Minin tá re mà yii, ka tɛ nɛ, ka tɛmaa bara nɛ.

Sii-nyaan 20:11

Má wusoo má kii dankan fu gole yɛ, ka ǹ dɛnaa ná a nɛ. Lon laanka tán baa si ǹ nə́ papaã a nyɛɛnɛ, min wusoo á ǹ yɛ wa.