Luku 21:19 - LAWA A BOO SONBORE

¹⁹ Ka n wen yii, bɛ á re toɛ ka nyin nyabaã yɛ.

LAWA A BOO SONBORE 2011

¹⁹ Ka n wen yii, bɛ á re toɛ ka nyin nyabaã yɛ.

Luku 21:19 Iomraidhean Croise

Loen 37:7

Giã kiĩni Dɛnaa Lawa li, n nə n foo doa a ganaa. Min mɛn a sii bɛ́ bǐɛ̃ koe, n foo baran busu li wa. Min mɛn bɛ́ yiri baraa boe a sii zɛnaa gɔ́ɔ̃ nɛ, n foo baran busu bɛ li wa.

Loen 40:1

LOE-saalin goledɛnaa loe mɛn lɔ. Davida a loe n ke.

Abakuku 3:16

Má bɛa bìn diɛ kɛ tumaa ma, ma foo ziziɛ̃. Ma lɛ n bìn diɛ nyɛ́ɛ gɔn, ma pàã nya. Ma a boe la ma á gole ma goãn la wa. Tɔrɔ mɛn yoo wɔ ganaa, ma nə n yii diɛ koe lɛawaa kɛ la kiĩn ni, Dɛnaa Lawa bɛ́ re die yui ǹ gialaa ǹ mɛn pinaa.

Matiə 10:22

Min din tumaa á die ka biɛ zɔ́ɔ masɛ tɔ taman yii. Sɛnɛ, bɛ̀ min mɛn si a ganaa yǎa a woo kaa a lɛ nyɔmiɛ̃ lɛ, Lawa á die bɛa dɛnaa kirisibiɛ.

Matiə 24:13

Sɛnɛ, bɛ̀ min mɛn si a ganaa yǎa a woo kaa a giala-nyɔmiɛ̃ lɛ, bɛa dɛnaa á die kirisibiɛ.

Luku 8:15

Màn tɔrɔ mɛn bɛ́ á mɛnaa tán sonbore bǎã nɛ, bɛ n kɔnboe ka min mɛnɛn bɛ́ n too koe boo lɛ-a, ǹ si, ǹ kũ foo sonbore laanka a telee wole ne. Bɛa dɛnan lɛn man goɛ̃ bɔlɔgoondɛnaabaa la, yǎa ǹ nɛ koe.»

Rɔmu minin 15:4

A da yaa, màn mɛn yii nə n kiɛ̃ lɛlɛ, bɛ na á n kiɛ̃ wɔa yiri kɔmala a lɛa, màn mɛn bɛ́ toɛ, Lawa a boo lɛ wɔ foo taã, a sii simaa kɔ wɔ la, wɔ foo boo la a goã doa nɛ.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Rɔmu minin 5:3

Haalɛ ta wɔ n fuu yii, wɔ nə n nyɛnyɛɛ. A giala, wɔ á doɛ̃ wáa bɛ̀ wɔ á fuu yii, bɛ n wɔ darɛɛ sii simaa ganaa.

Rɔmu minin 5:4

Bɛ̀ wɔ á sii sii wɔ ganaa, bɛ n toɛ sii kuubaa wɔ nɛ. Bɛ̀ wɔ́ sii a kuubaa yɛ, Lawa a màn ke á die koe wɔ la, wɔ n wɛɛ bɛ la taãn-taãnɛ.

Rɔmu minin 8:25

Sɛnɛ, wɔ yii bɛ́ a ba màn mɛn-a wa, wɔ foo n doa-n bɛ lɛ ganaa, wɔ nə́ n yii diɛ la ka sii simaa nɛ.

Tesaloniki1 1:3

Ka golee Lawa li mɛn nyaa ka kaa nya ǹ dín ni, ka sii mɛn da ka dinin mìi ni kaa Krita narɛɛ taman yii, ka bɛ́ n foo doɛ, ka á n yii diɛ wɔa Dɛnaa Yezu Krita a daa la lɔn, wɔ n bɛ yii pii wɔ Di Lawa yɔrɔ-a biikoo tumaa li.

Tesaloniki2 3:5

Dɛnaa die a Lawa narɛ ǹ foo wɔ ka nɛ, a *Krita a sii simaa kɔ ka la.

Ebrəə 10:36

Sonbore, ka laadoo tá sii simaa ganaa, ka boo la ka Lawa dùũ lɛ zɛnaa ka a lɛ pã, ka tɔn a lɛ-kɔ ǹ sii lɛ a zɛnaa yɛ.

Ebrəə 6:11

Sɛnɛ, wɔ bɛ́ giɛ màn mɛn li, bɛ ǹ ka kɛ nɛ, wáa ka gogoonmaa nə n doa, ka wo nyɛɛnɛ ka bɛa gù we yii kɛ lɛ nɛ, yǎa giala-nyɔmiɛ ganaa, màn mɛn bɛ́ toɛ, kaa foo-doa ǹ sii lɛ nə n zɛnaa.

Ebrəə 6:15

Abrahamu bɛ́ á n foo kũ, á sii si a ganaa, á yɛ Lawa ná a lɛ-kɔ ǹ sii lɛ zɛnaa, a ná a lɛ pã.

Zaaki 1:3

A giala, ka á doɛ̃, bɛ̀ kaa golee Lawa li nə́ n si nɔmaa la, bɛ lɛ n die ka sii simaa nɛ.

Zaaki 1:4

Sɛnɛ, ka toa kaa sii simaa yɛ foaãnɛ, màn mɛn bɛ́ toɛ, kaa sii lɛ pã a dɔ a lɛ dan ganaa, sii kɔ́n baran ka bɔ a ka daa wa.

Piɛrɛ2 1:6

Ka n doa dɔn ka boo ma din la naa doɛ̃ ganaa, ka sii simaa naa boo ma din la ganaa, ka tɔn nyɛ́ɛ baa Lawa-n naa sii simaa kɛ ganaa.

Sii-nyaan 1:9

Masɛ Zaã, man ka dɔɔ̃n lɛa, man kun ka nɛ kaa fuun gɔ́ɔ̃ nɛ, ma nə́ n yii diɛ *Lawa a kiibaa kɛ a daa la, ma nə foo kuĩ, a giala man doa kɔn Yezu ni kun ka nɛ. Man gùli lɛa Patmɔsi gána nɛ, mu nə ǹ mɛn lɛ da bii, a giala mà man Lawa a boo diɛ, ka taãn pɛ kɛ nɛ Yezu nyaa ma nɛ.

Sii-nyaan 13:10

Min mɛnɛn doamaa bɛ́ nɛ ǹ bɛ̀rɛn baa, bɛn tá re woe bɛ̀rɛbaa ǹ bǎã nɛ. Gɔya gɛ̀ doamaa bɛ́ nɛ a min mɛnɛn dɛ, bɛn tá re gɔya gɛ̀ we. Bɛ lɛ a lɛa nɛ, kasɛn mɛnɛn bɛ́ tɔn Lawa a minin lɛa, ka doamaa-n ka n foo kũ, ka sii si ka ganaa.

Sii-nyaan 14:12

Bɛ lɛ a lɛa nɛ, kasɛn mɛnɛn bɛ́ Lawa a minin lɛa, kasɛn mɛnɛn bɛ́ Lawa a dí-pɛn lɛ sii, ka n golee-n Yezu li, ka doamaa nɛ ka n foo kũ, ka sii si ka ganaa.

Sii-nyaan 3:10

A giala n nə́ n foo kũ, ń maa boo kɛ kũ doɛ̃. Bɛ lɛ nɛ, koe bɛ́ re boe kanaa tumaa ganaa biikoo mɛn li, a n fuu nyɛɛ ǹ nɛ, bɛa biikoo li, ma dɔ á re n lɛduĩ.