Luku 21:1 - LAWA A BOO SONBORE

¹ Yezu nə́ n yii saa lon á yɛ, mà min mɛnɛn bɛ́ ǹ gɔn màn gialaa kiɛ Lawa gɔ ǹ wɔrɔ kaa ǹ goo lɛ nɛ, pàãman manɛ.

LAWA A BOO SONBORE 2011

¹ Yezu nə́ n yii saa lon á yɛ, mà min mɛnɛn bɛ́ ǹ gɔn màn gialaa kiɛ Lawa gɔ ǹ wɔrɔ kaa ǹ goo lɛ nɛ, pàãman manɛ.

Luku 21:1 Iomraidhean Croise

Kiin1 14:26

Gɔn mànan mɛnɛn nə goã Lawa a kion lɛ laanka kii a kion ne, á bɛn yii goa ka lenlen. Kii Salomɔn goã á goóron mɛnɛn zɛnaa ka sana nɛ, á bɛn dɔn dininmaan lɛn goã.

Kiin2 12:9

Lawa a wúlu-bɔlen lɛn nə́ lɛ kɔ, mà ǹ ba re n gɔn diɛ zaman lɛ a paa lɛ ganaa wa, ka bɛ dɔ nɛ, mà ǹ ba re kion lɛ a bǎã ziziɛ̃n lɛn zɛnɛɛ wa.

Kiin2 24:13

Ka Dɛnaa Lawa goã á pɛ lɔn, Baabilonii gána a kii lɛ Dɛnaa Lawa a kion lɛ a mànan yii goa ka kii a kion mànan nɛ. Izirayeli gána a kii Salomɔn goã, á sana mànan mɛnɛn zɛnaa Lawa a kion wɔ lɛa, á bɛ yii yɔyɔrɛ.

KZS2 36:18

Á Lawa a kion lɛ a dí nya ǹ mànan tumaa goa á woo ǹ ne Baabilonii, a bɔnboɛɛnɛn ne, a dadaran nɛ, a gɔn mànan tumaa nɛ, kii gɔn mànan nɛ ka a gána nyɛɛnaandɛnan wɔn nɛ.

Nehemii 13:13

Má pɛ máa ǹ bɛa màn koa ǹ bǎãn lɛn gama walan sii wɔ minin kɛn gɔn: Lawa a wúlu-bɔle Selemia nɛ, landa sii-daraali Sadɔki ni, ka Pedayia kɛ nɛ Levii tɔrɔn goon lɛa. Zakuru a nɛgiĩ Hanan ke Matania a nɔ̀ɔn lɛa, máa bɛ goã ǹ genli dɔmalɛ wole lɛa. A giala, man nə́ goã bɔlɔgoondɛnan lɛa. A na á goã ǹ dinin lɛn dí lɛa, ǹ màn gii ǹ dɔɔ̃nɔn manɛ.

Matiə 27:6

Wúlu-bɔlen goledɛnan nə́ wɔrɔ lɛ goa, ǹ nə́ pɛ: «A kɔnpɛ ka wɔsɛn landa nɛ, minin bɛ́ Lawa goe ka wɔrɔ mɛn nɛ, wɔrɔ kɛ doamaa bie a n kaa kun ka bɛ-n wa, a giala minbuiin nyin giɔ̀mɔ nɛ.»

Luku 20:47

Maǹ Lawa nyan sɔsɔrɔn koe, ǹ nə́ n dinin biɛ min taãnan lɛa minin yɔrɔ-a, a da yaa maǹ mɛnɛɛ lɔ giɔɔrɔn la, ǹ tá ǹ gɔn mànan sii ǹ la. Lawa á die dɔlɔ gole diɛ ǹ mìi ni a la ǹ miãn wɔ nɛ.»

Zaã a sɛ́wɔ 8:20

Yezu na á bɛa boon lɛn da Lawa a kion, bɛ̀ a bɛ́ Lawa gɔ ǹ wɔrɔ si ǹ mànan bǎã nɛ minin darɛɛ. Min kɔ́n nə n gɔn da a ganaa wa, a giala, a biikoo tɔn dɔ wa.

Zozoe 6:19

Wɔrɔ din tumaa ka sana nɛ, zan mànan kɛn tumaa ka fɔlɔ wɔn nɛ, ka die ka bɛn tumaa kaa ǹ gɔrɔn, Dɛnaa Lawa wɔn lɛa, ka ǹ kaa Dɛnaa Lawa gɔn màn tamaa ǹ bǎã kɛ nɛ.

Zozoe 6:24

Sɛnɛ, kiwi lɛ sɛ, ǹ nə́ bɛ tã kun ka a gɔ́ɔ̃gɔ́ɔ̃ ǹ màn tumaa nɛ, yǎa wɔrɔ kɛ laanka sana ke, ka zan mànan kɛn laanka fɔlɔ wɔn nɛ. Maǹ nə́ bɛn kaa kun ka Dɛnaa Lawa a kion mànan nɛ.