Luku 20:47 - LAWA A BOO SONBORE

⁴⁷ Maǹ Lawa nyan sɔsɔrɔn koe, ǹ nə́ n dinin biɛ min taãnan lɛa minin yɔrɔ-a, a da yaa maǹ mɛnɛɛ lɔ giɔɔrɔn la, ǹ tá ǹ gɔn mànan sii ǹ la. Lawa á die dɔlɔ gole diɛ ǹ mìi ni a la ǹ miãn wɔ nɛ.»

LAWA A BOO SONBORE 2011

⁴⁷ Maǹ Lawa nyan sɔsɔrɔn koe, ǹ nə́ n dinin biɛ min taãnan lɛa minin yɔrɔ-a, a da yaa maǹ mɛnɛɛ lɔ giɔɔrɔn la, ǹ tá ǹ gɔn mànan sii ǹ la. Lawa á die dɔlɔ gole diɛ ǹ mìi ni a la ǹ miãn wɔ nɛ.»

Luku 20:47 Iomraidhean Croise

Izayii 10:2

Bɛa yɔrɔ lɛ la, ǹ ba kiri pepere we doobaan man wa. Min mɛnɛn bɛ́ pàãwɛɛnaan lɛa maa zaman bii, maǹ pàã nyɛɛ bɛn manɛ. Maǹ lɔ giɔɔrɔn lon dudui, ǹ nə́ mɛnɛɛ nɛ toenən la.

Ezekieli 22:7

Maǹ díi laanka náa puusə koe n piɛ Zeruzalɛmu. Maǹ mɛnɛɛ tiin la kiwi lɛ nɛ, ǹ nə́ boe nɛ-toenən laanka lɔ giɔɔrɔn yii ni.

Ezekieli 33:31

Ǹ tá re die ma li ka zaman kɛa lɛsɔkɔn pinaa bɛ́ lɔn. Maa minin lɛn tá re die giɛ̃ tán ma yɔrɔ-a. Ǹ tá re n too koe maa boon li, sɛnɛ, ǹ ba re ǹ sii wa. A giala, boo kɔɔ̃n nə soe ǹ lɛ-n, sɛnɛ, ǹ foo kɛ nɛ, maǹ nə ǹ dinin là kio.

Amɔɔsi 2:7

Ǹ bɛ́ giɛ sii mɛn li, bɛ n ka kɛ nɛ: maǹ sìi diɛ doobaa ganaa. Maǹ mɛnɛɛ nɔmaa-wɔle la. Nɛ laanka ǹ di n paɛ̃ nɛniɛ goon ganaa, maǹ bɛa sii lɛ zɛnɛɛ, ǹ nə́ ma tɔ sonbore kɛ ziziɛ̃ nɛ.

Misee 2:2

Bɛ̀ ǹ yii bɔ min a wuru li, maǹ kuĩ ǹ si la ka pàã nɛ, ta kion ne, maǹ nɔmɛ a ganaa. Maǹ boe kɛnaa laanka a kion minin yii ni. Ǹ bɔ min yii ni, ǹ na a gɔn màn kũ ǹ si la.

Misee 2:8

Lɛlɛ doo, ka dinin man ka goã masɛ a zaman kɛa zɔ́ɔ lɛa. Ma min mɛnɛn lɛn si zia la, ǹ nə́ kiɛ̃ woe piɛ ǹ foo n tã, ka n ká goã we bɛn lɛ, bɛ̀ ka ǹ dɔnkɛ gole sɔlɔ, ka bɔ a boɛɛn lalan.

Misee 3:2

Sɛnɛ, ka a sii bǐɛ̃ li wa, yǎa a baraa. Ka dinin man ma tɔrɔn lɛn ki boe, ka dinin man ma tɔrɔ minin lɛn siĩ sɔlɛɛ boe ǹ wen ganaa.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Matiə 23:14

Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka n mɛnɛɛ lɔ giɔɔrɔn la ka tá ǹ gɔn màn yii sii ǹ la, bɛ̀ ka wusoo ka wo Lawa nyankɔ ka belebɔ la, ka ka sii zɛnaa wa. Bɛ lɛ taman yii, Lawa á die dɔlɔ gole boe ka ganaa.]

Marki 12:40

Maǹ mɛnɛɛ lɔ giɔɔrɔn la ǹ tá ǹ gɔn màn yii sii ǹ la, ǹ wusoo ǹ wo Lawa nyankɔ ǹ belebɔ la, ka ǹ sii zɛnaa wa. Ǹ nɔmaa dɔ n die gole koe a kɔnpɛ ka ǹ zɛnaa ǹ siin ni.»

Luku 12:1

Bɛa biikoo kɛ lɛ li, min gigigã nə́ n lɛ sɔkɔn ka ǹ daa ǹ tɔ wɔ kɔn gòã la. Yezu ná a giala kɔ á pɛ a kialandɛnan man bɔrɔ: «Ka n parabaa *Fariziɛ̃n yɔ bù kɛ nɛ, bɛ giala mà ǹ boo da ka ǹ lɛ-n ke, a ná a ba ǹ gɔ́ɔ̃-n wa.

Luku 20:46

«Ka n dinin kũ landa sii-daraalin kɛn ganaa. Bibiə̃ ka mɔnaa dadaran nɛ n kɔɔ̃nɛ ǹ ganaa. Ǹ fòo da ǹ nɛ, ǹ nə ǹ guguru kɔ, bɛ n kɔɔ̃nɛ ǹ-a zaman bǎãn nɛ. Lɛsɔkɔn kionən ne ka zɔ́n màn bii ǹ bǎãn nɛ, maǹ giɛ nyɛɛnaa ǹ bǎãn li, màn mɛn bɛ́ toɛ, ǹ nə ǹ yɛ.

Luku 21:1

Yezu nə́ n yii saa lon á yɛ, mà min mɛnɛn bɛ́ ǹ gɔn màn gialaa kiɛ Lawa gɔ ǹ wɔrɔ kaa ǹ goo lɛ nɛ, pàãman manɛ.

Tesaloniki1 2:5

Wɔ bin lɛn bebele ǹ boo da min kɔ́n nɛ wa, ka dinin tá bɛ doɛ̃. Wɔ bìn da ka ga là li ǹ taasiɛ-n wɔ gɔ́ɔ̃-n wa. Lawa n wɔa siére lɛa.

Tiitii 1:16

Maǹ pii mà ǹsɛn tá Lawa doɛ̃, sɛnɛ, ǹ sii-zɛnaan man piã ka Lawa nɛ ǹ siin lɛa. Ǹ tìĩ n boe ne, maǹ piã-wɔlen lɛa, ǹ ba boe la ǹ tá sii sonbore kɔ́n zɛnɛɛ wa.

Zaaki 3:1

Ma dɔɔ̃nɔn lɛn, ka tumaa baran n gɛlɛ minin daraa li wa. A giala, ka á doɛ̃, wɔsɛn mɛnɛn bɛ́ minin darɛɛ, wɔa kiri á die kaka koe a la min gialakunun kɛn wɔ nɛ.