Luku 20:22 - LAWA A BOO SONBORE

²² Á siĩni wɔ nyin giɔ̀mɔ saraa Rɔmun kii gole gole kɛ la, hinlaa wɔ baran saraa wa?»

LAWA A BOO SONBORE 2011

²² Á siĩni wɔ nyin giɔ̀mɔ saraa Rɔmun kii gole gole kɛ la, hinlaa wɔ baran saraa wa?»

Luku 20:22 Iomraidhean Croise

Ɛsidrasi 4:13

Kii, wɔ n pii n ni, bɛ̀ kiwi lɛ nə́ n dɔ, a kungɔnun nə́ n zɛnaa ǹ nə́ nya, a minin ba re nyin giɔ̀mɔ sarɛɛ doo wa, ǹ ba re wusuru sarɛɛ doo wa, ǹ ba re wusuru sarɛɛ zii tɔ wɔ ǹ wɔ lɛa doo wa, bɛ n nɔmiɛ̃ a màn pɔrɔ kii gɔn màn ganaa.

Ɛsidrasi 9:7

A kũ wɔ digolon biikoo kɛ ganaa, zɛ̀rɛ gole n wɔ ganaa, yǎa á daa pelo kɛ yaa. Wɔa sii baraan taman yii, wɔsɛn nɛ, wɔa kiin ni, ka wɔa Lawa a wúlu-bɔlen ne, kanaa a kiin nə́ pàã nyaa wɔ nɛ, ǹ nə́ zia da wɔ-a, ǹ nə́ wɔ baa bɛ̀rɛn lɛa, ǹ nə́ wɔa mànan kokoo, ǹ nə́ sìi da wɔ-a, sìi mɛn lɛ á ke tɔn wɔ gialaa pelo.

Nehemii 5:4

Gialakunun dɔn man nə́ goã pii kɛnɛn: «Wɔsɛn man wɔrɔ nyɛnɛɛ diɛ wɔa wurun laanka wɔa rezɛ̃ dan bɔlɔ-a, kii a nyin giɔ̀mɔ saraa ǹ wɔ lɛa.

Nehemii 9:37

N wɔ kaa kiin mɛnɛn pàã giulun, wɔa siin baraan taman yii, bɛn wɔ n ka gána lɛ a màn damata kɛ nɛ. Maǹ giɛ̃ wɔ dinin laanka wɔa tɔɔn mìi la, ǹ dinin foo yii li. Wɔ n foo ziziɛ̃ gole gɔ́ɔ̃ nɛ.

Matiə 17:25

Piɛrɛ tɔ́n pɛ: «Ká a bɛ́ lɔn!» Piɛrɛ bɛ́ á dɔ piɛ, Yezu tɔ́n saa lɛlɛ á pɛ nɛ: «Simɔn, n taasiɛ n ka wàa nɛ? Kanaa a gánandɛnan kɛn lɛn, maǹ wusuru hinlaa nyin giɔ̀mɔ sii dien ma la? Maǹ sii ǹ dinin gána minin ma la, hinlaa tiin ma la?»

Luku 20:21

Ǹ nə́ nɔ̀n kɛ da la: «Mìinaa, wɔsɛn tá doɛ̃ wáa n bɛ́ màn mɛn pii, n bɛ minin darɛɛ ǹ mɛn-a, bɛ á pepere. N ba bɔkɔnlɛ we wa. Minin doamaa bɛ́ nɛ ǹ tɔ wɔ pepere lɔn Lawa a zii la, ma n minin darɛɛ bɛ ganaa sɔnbɔraanɛ.

Luku 20:23

Sɛnɛ, Yezu nə́ ǹ minin sã ǹ yiri boo kɛ dɔ̃, á pɛ ǹ nɛ:

Luku 23:2

Ǹ nə́ yoo ǹ tá a gòãn kuri ǹ nə́ pii mà ǹsɛn man nə́ woo giĩ kɛ yaa ǹsɛn gána minin yiri siɛ̃. A n pii, mà ǹ baran nyin giɔ̀mɔ saraa Rɔmun kii gole gole lɛ la wa. Ka bɛ dɔ nɛ, a n pii mà Minin Nyin-sili lɛn ka asɛ nɛ, mà asɛ n kii dɔ lɛa.

Nya ǹ dín 5:37

Bɛ kio, wɔsɛn nə́ Galileen Zudaasi a yoo yɛ, á kɔnpɛ ka minin-nimii biikoo ne. A dɔ́ zaman baã á kaa a din kio. Sɛnɛ, wɔ yɛ, a dɔ́ gã, minin mɛnɛn tumaa kɔ lɛ, bɛn yii sasawaa.

Rɔmu minin 13:7

Ka doamaa bɛ́-n ka màn mɛn kɔ goledɛnan la, ka bɛ kɔ ǹ la. Ka nyin giɔ̀mɔ saraa ǹ la, ka wusuru kɔ ǹ la, ka nyɛ́ɛ baa ǹ nɛ, ka ǹ guguru kɔ. Ka doamaa bɛ́ nɛ, ka màn mɛn kɔ ǹ la, ka bɛ kɔ ǹ la.

Timəə dí-pɛn 17:15

Bɛ̀ á n baa miɛ̃, kaa Lawa, Dɛnaa Lawa din bɛ́ re min mɛn boe, ka bɛ koa ka mìi la kii lɛa. Ka bɛ́ re min mɛn koɛ ka mìi la kii lɛa, ǹ dɛnaa doamaa nɛ a goã ka dinin tɔrɔ Izirayeli min lɛa. Ka doamaa bie ka tɔrɔ kɔsɔ saa ka da ka mìi la bɛ̀ Izirayeli min ná a bie wa.