Luku 20:13 - LAWA A BOO SONBORE

¹³ Wurudɛnaa lɛ tɔ́n pɛ mà asɛ n die wàa zɛnɛɛ kəni? Asɛ a nɛgiĩ mɛn bɛ́ kɔɔ̃n asɛ-a parsiini, mà asɛ n die bɛ lɛ diɛ. Mà kɔntan, ǹ tá re nyɛ́ɛ biɛ bɛ-n sɛn.

LAWA A BOO SONBORE 2011

¹³ Wurudɛnaa lɛ tɔ́n pɛ mà asɛ n die wàa zɛnɛɛ kəni? Asɛ a nɛgiĩ mɛn bɛ́ kɔɔ̃n asɛ-a parsiini, mà asɛ n die bɛ lɛ diɛ. Mà kɔntan, ǹ tá re nyɛ́ɛ biɛ bɛ-n sɛn.

Luku 20:13 Iomraidhean Croise

Izayii 5:4

Má n parsii tumaa bɔ maa rezɛ̃ wuru kɛ taman yii, ma ba boe la ma kiɛ̃ kɛ la doɛ̃ doo wa. Má goã n yii diɛ rezɛ̃ nɛ sonbore la, sɛnɛ, rezɛ̃ da lɛ na á nɛ pipiã kɔ. Bɛ giala n ka wàa-n kəni?

Zeremii 36:3

Kɔntan, Zudaa minin tá re a woo ǹ bǎã yii mà man die koe boe ǹ ganaa. Kɔntan, didie á re a giã ǹ gɔn baraa kiɛ, màn mɛn bɛ́ toɛ ma ǹ sii baraa laanka ǹ giã ǹ gɔn baraa toa ǹ nɛ.»

Zeremii 36:7

Kɔntan, ǹ tumaa á re Dɛnaa Lawa nyankoe ka ǹ we ne, didie na a sii baraan kaa. A giala, Dɛnaa Lawa pɛ mà asɛ a foo yoo lɛ asɛ a zaman lɛ paǹ li, mà á gole á la yii ni.»

Ezekieli 12:3

Nsɛ minbuiin a nɛ, n too kɔ! N mànan sɔkɔn, ka wo bɛ̀rɛbaa ǹ bǎã-n wole a mànan bɛ́ lɔn. N soo penleen tiɛɛ̃nɛ ǹ dinin yii ni, n woo. N die n soo n nə n bɔ bǎã kɛ nɛ, n wo bǎã kɔsɔ nɛ ǹ dinin yii ni. Kɔntan ǹ tá re doɛ̃ ka bɛ nɛ, màn ǹsɛn man piã-wɔlen lɛa.

Ozee 11:8

Man siɛ lɔn man la bɔ n ganaa Efrayimu, ma n wɔ minin gɔn Izirayeli? Man siɛ lɔn ma n baa ka Admaa bɛ́ lɔn, ma n baa ka Seboyimu á ke lɔn? Ma yiri nə n lɔlɔkɔn, n makara bɔ ma-a.

Ozee 6:4

Efrayimu tɔrɔn lɛn, man die ka biɛ lɔn? Zudaa minin lɛn, man die ka biɛ lɔn? Kaa kɔn-narɛɛ lɛ n ka baayɛlɛ a la a ti bɛ́ lɔn a golee sawaa-n wa. A n ka pele bɛ́ lɔn baayɛlɛ, a golee kaa-n wa.

Matiə 17:5

A bɛ́ bɛa boo lɛ diɛ, labara tɛ-pɛle goon nə́ n kuməə ǹ ganaa. Boo-diɛ lɛ bɔ bɛa labara lɛ gɔ́ɔ̃ nɛ á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ. Ka n too kɔ a lon!»

Matiə 3:17

Boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Luku 18:2

Á pɛ ǹ nɛ: «Kiri-kuruli goon na á goã kiwi goon ne, nyɛ́ɛbaa Lawa nɛ goã a yii la wa, a goã min kɔ́n dɔ guguru koe wa.

Luku 18:4

Bɛa kiri-kuruli lɛ nə́ n piã gunyin damata. Bɛ kio, á tɔ́n pɛ a din ni mà sonbore, mà asɛ a nyɛ́ɛ biɛ Lawa-n wa, asɛ a min kɔ́n dɔ guguru koe wa.

Luku 20:12

Wurudɛnaa lɛ bɛ̀rɛgiĩ lɛ a sɔɔbaa ǹ wɔ dia. Ǹ nə́ bɛ dɔ dɛ, ǹ nə́ mà bɔ a ganaa, ǹ nə́ zũ kanaa.

Luku 20:14

Sɛnɛ, wuru dí-nyalin lɛn yii bɛ́ á mɛ a ganaa lɔn, ǹ nə́ pɛ kɔn nɛ: «Á ke, a kíɛ̃-saali lɛ nɛ. Ka daa wɔ dɛ, wuru lɛ wɔsɛn dinin wɔ baa.»

Luku 9:35

Boo-diɛ bɔ bɛa labara lɛ-n kɛnɛn: «Kɛ n masɛ a Nɛgiĩ lɛa, ma bɛ́ má min mɛn yii gɔgɔɔ̃. Ka n too kɔ a lon.»

Zaã a sɛ́wɔ 1:34

Ma din yii na á Yiri Fu lɛ yɛ gisĩ la, bɛ lɛ n toɛ ma tá a siére pii máa giĩ kɛ lɛ, Lawa a Nɛgiĩ ni.»

Rɔmu minin 8:3

Wɔa Lawa a dí-pɛn doɛ̃ kɛ bie toɛ wɔ n si sii baraa la wa, a giala, wɔ boo la wɔ bɛa dí-pɛn kɛn lɛn bɔlɔ si wa. Sɛnɛ, Lawa na á dí kɔsɔ nya wɔa kirisibaa ǹ wɔ lɛa. Sii baraa mɛn bɛ́ dùũ sii babaraan nɛ, á bɛ pàã nya. A na á ná a Nɛgiĩ dia bɛ lɛ zɛnɛɛ. Yezu lɛ dɔ na á daa ka minbuiin nɛ dùũ siin ni a lon. Asɛ a gɛ̀ barka nɛ, Lawa na á kiri kuru sii baraa la dùũ siin kɛn lɛn nɛ.

Galaasi minin 4:4

Sɛnɛ, biikoo mɛn nə n bɔ á n koa, bɛ bɛ́ á dɔ, Lawa ná a Nɛgiĩ dia. Á yɛ lɔ la, Zuifun dí-pɛn pàã giulun,