Luku 2:41 - LAWA A BOO SONBORE

⁴¹ Lɛ̀ woo lɛ̀, Yezu a yɛ wolen man woe Zeruzalɛmu kiwi, ǹ Zuifun soo a *kiɛ̃mala ǹ zɔ́n zɛnaa.

LAWA A BOO SONBORE 2011

⁴¹ Lɛ̀ woo lɛ̀, Yezu a yɛ wolen man woe Zeruzalɛmu kiwi, ǹ Zuifun soo a *kiɛ̃mala ǹ zɔ́n zɛnaa.

Luku 2:41 Iomraidhean Croise

Bɔ bɛ̀rɛbaa nɛ 12:11

Bɛ̀ ka tá a siĩ lɛ soɛ̃, ka sɔ̃ fufuu, ka binbin goã yii-n ka maabɛlɛ nɛ, kɔsɔn nə́ ka gòã ganaa, bàlà n ka gɔn, ka n pɛ mà ka n woe zii-n sisia. Dɛnaa bɛ́ re kiɛ̃ a ka toa walan, bɛa zɔ́n nɛ.»

Bɔ bɛ̀rɛbaa nɛ 12:14

«Lɛ̀ woo lɛ̀, ka die ka n yiri gisĩ bɛa sii kɛ lɛ nɛ, ka baa zɔ́n gole lɛa, ka masɛ guguru kɔ nɛ. A n sii lɛa, màn mɛn ná a sàabiɛ doo duduu wa.»

Bɔ bɛ̀rɛbaa nɛ 34:23

«Gunyin sɔɔ lɛ̀ gɔ́ɔ̃ nɛ, kaa zaman lɛ a giĩn die ǹ da masɛ Mìinaa yɔrɔ-a, ma din Dɛnaa lɛ, Izirayeli a Lawa lɛa.

Lawa a wúlu-bɔlen 23:5

Mui bibinaa a lɛawaa fulusiibaa ǹ wɔ pinaa, wasa a yii siɛ̃ waáraa, Dɛnaa Lawa a *kiɛ̃mala ǹ zɔ́n nɛ.

Minin nimi 28:16

«Lɛ̀ a mui bibinaa a lɛawaa fulusiibaa ǹ wɔ pinaa, ka die ka *kiɛ̃mala ǹ zɔ́n zɛnaa ka Dɛnaa Lawa guguru kɔ nɛ.

Luku 2:42

A kɔnpɛ ka ǹ landa sii ni, Yezu bɛ́ á dɔ lɛ̀ fulupaa, ǹ nə́ woo zɔ́n lɛ ganaa ka a dɔ nɛ.

Zaã a sɛ́wɔ 11:55

Zuifun *kiɛ̃mala ǹ zɔ́n nə́ diri. Don kion min gigiã zɔ́n lɛ toa die, ǹ nə́ soo ǹ nə́ woo *gɔ̀ bɔ ǹ dinin ganaa Zeruzalɛmu, á kɔnpɛ ka ǹ landa nɛ.

Zaã a sɛ́wɔ 13:1

*Kiɛ̃mala ǹ zɔ́n laan bɛ̀ á dɔ, Yezu dɔ̃ mà asɛ a biikoo dɔ, a n bɔ kanaa kɛ gɔ́ɔ̃ nɛ, a wo ǹ Di Lawa li. A goã a wɔn mɛnɛn lɛn narɛ kanaa lɛ gɔ́ɔ̃ nɛ biikoo tumaa waáraa, á wusoo á bɛn narɛ doo yǎa a dan ganaa.

Zaã a sɛ́wɔ 2:13

Zuifun *kiɛ̃mala ǹ zɔ́n bɛ́ á diri, Yezu woo Zeruzalɛmu kiwi.

Zaã a sɛ́wɔ 6:4

Bɛ na á n zɛnaa Zuifun *kiɛ̃mala ǹ zɔ́n nyɛɛn boɛɛn nɛ.

Timəə dí-pɛn 12:11

Bɛa biikoo li kəni, kaa Lawa, Dɛnaa Lawa lɛ din tá re bǎã goon boe, a n tɔ da la. Ma laa ka ganaa máa ka die ka wo ka mànan mɛnɛn tumaa nɛ, ka die ka wo ǹ ne walan: wúlu màn tiɛ̃n manɛ, kaa barka da ǹ wúlu mànan nɛ, mànan fùfùbaa ǹ wɔn nɛ, Lawa gɔ ǹ wɔn nɛ ka màn mɛn tumaa bɛ́ ká n lɛ kɔ mà ka á re koe Dɛnaa Lawa la.

Timəə dí-pɛn 12:18

Kaa Lawa, Dɛnaa Lawa din bɛ́ re bǎã mɛn boe, yǎa ka soɛ̃ walan a din yɔrɔ-a: ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka Levii tɔrɔn kɛn nɛ, giã nɛ kaa kiwin ni. Ka dí mɛn tumaa nya, ka á re n nyɛnyɛɛ kaa Lawa, Dɛnaa Lawa yɔrɔ-a walan bɛa lɛa.

Timəə dí-pɛn 16:16

Kaa Lawa, Dɛnaa Lawa din bɛ́ re bǎã mɛn lɛ boe, lɛ̀ goon gɔ́ɔ̃ nɛ, kaa giĩn tumaa doamaa nɛ ǹ wo n dinin nyaa a yɔrɔ-a walan, gunyin sɔɔ: *yɔ bùbaã buuru zɔ́n li, kaa-piɛ ǹ zɔ́n li ka giã siã giulun zɔ́n nɛ. Sɛnɛ, ǹ nyan toa ǹ wo Lawa yɔrɔ-a ka ǹ gɔn kooro-n wa.

Samayeli1 1:21

Ǹ zuũ Ɛlkaana woo kun ka a kion minin tumaa nɛ Siiloo. Ǹ bɛ́ wúlu màn mɛn koe Lawa la lɛ̀ woo lɛ̀, Ɛlkaanaa nə n lɛ kɔ ka màn mɛn dɔ nɛ, á bɛn bɔ á n kɔ Dɛnaa Lawa la.

Samayeli1 1:3

Lɛ̀ woo lɛ̀, Ɛlkaanaa nə n toɛ a kiwi bɛ̀ a wo Dɛnaa Lawa Pàãyiidɛnaa guguru kɔ Siiloo, bɛ̀ a *wúlu màn dɔ kɔ la. Elii a nɛgiĩ n min paa, Ɔfunii laanka Fineyasi ni, bɛn man nə́ goã Dɛnaa Lawa a wúlu-bɔlen lɛa walan.