Luku 2:34 - LAWA A BOO SONBORE

³⁴ Bɛ kio, Simiɔn ná a nyankɔ Lawa lon, mà á barka wɔ ǹ nɛ, á tɔ́n pɛ nɛ lɛ dan Mariya nɛ: «Lawa na á nɛ kɛ lɛ bɔ á dia, á n die Izirayeli min gigiã a mɛnaa a bɔ̀n baa ǹ gòã biɛ, a gigiã dɔ a yoo a kirisibaa ǹ gòã baa. Nɛ lɛ n die Lawa foo dí-nyaali biɛ, sɛnɛ, minin man die n piɛ̃ nɛ, ǹ boo baraa dɔ a ganaa.

LAWA A BOO SONBORE 2011

³⁴ Bɛ kio, Simiɔn ná a nyankɔ Lawa lon, mà á barka wɔ ǹ nɛ, á tɔ́n pɛ nɛ lɛ dan Mariya nɛ: «Lawa na á nɛ kɛ lɛ bɔ á dia, á n die Izirayeli min gigiã a mɛnaa a bɔ̀n baa ǹ gòã biɛ, a gigiã dɔ a yoo a kirisibaa ǹ gòã baa. Nɛ lɛ n die Lawa foo dí-nyaali biɛ, sɛnɛ, minin man die n piɛ̃ nɛ, ǹ boo baraa dɔ a ganaa.

Luku 2:34 Iomraidhean Croise

Siin Giala 14:19

Á lɛn bǐɛ̃ bíi Abramu li, bɛ̀ á n pii kɛnɛn: «Lon a Lawa mɛn bɛ́ á lon laanka tán zɛnaa, bɛ die a barka wɔ n nɛ, Abramu.

Siin Giala 47:7

Zozɛfu daa ka ǹ di Zakɔba dɔ nɛ, á nyaa Faarahɔn nɛ. Zakɔba barka da Faarahɔn ganaa.

Bɔ bɛ̀rɛbaa nɛ 39:43

Muizu nə́ ǹ dí lɛ tumaa yɛ. Á yɛ mà ǹ nə́ nya á kɔnpɛ taãn-taãnɛ ka Dɛnaa a boo pɛ nɛ. Bɛ lɛ taman yii, á Lawa bǐɛ̃ bíi ǹ li.

Izayii 8:18

Á ke, masɛ laanka Dɛnaa Lawa nɛnyaanan mɛnɛn kɔ ma la, wɔ ǹ sii a kɔnboe laanka gɔn waa lɛa Izirayeli gána nɛ ka Dɛnaa Lawa Pàãyiidɛnaa tɔ nɛ, asɛ mɛn bɛ́ giã-n *Siɔn kele la.

Ozee 14:9

Efrayimu, maa wàa n kɔn ka dìn kɛn nɛ doo. Ma din nə n lɛ sii, ma din nə n lɛduĩ. Masɛ n ka siprɛsi da bɛ́ lɔn, ma luu n tì biikoo yii li. N nɛ kɔ n boe masɛ li.

Matiə 11:19

Min a Nɛgiĩ dɔ na á daa, asɛ n màn bii, a n màn mii, minin man a gialaa pii: «Ka ga, giĩ kɛ-a, nàndɛnaa nɛ, a ba kiɛ̃ ka duvɛ̃ dɔ-n wa, wusuru-silin man a giaáran lɛa ka sii baraa-zɛnaali kɔsɔn dɔn nɛ!» Sii bǐɛ̃ mɛn nə yɛ wɔsɛn nya ǹ dín gɔ́ɔ̃ nɛ, bɛ lɛ n Lawa a yiridɛnaabaa nyɛɛ.

Matiə 12:46

Yezu bɛ́ tɔn boo diɛ zaman lɛ nɛ, ǹ dan laanka ǹ dɔɔ̃nɔn nə́ daa ǹ nə́ dɔ. Ǹ nə́ golee kanaa, maǹ giɛ li mà ǹ boo da nɛ.

Matiə 21:44

Bɛ̀ min mɛn bɔ á mɛnaa bɛa kɔlɔ kɛ lɛ la, ǹ dɛnaa gù yii n yiyiɛ. Bɛ̀ á bɔ á mɛnaa min mɛn la, a n bɛa dɛnaa yɔyɔrɛ.]

Matiə 27:63

ǹ nə́ pɛ: «Goledɛnaa, wɔsɛn yiri tá a nɛ minin yiri-sãli kɛ lɛ pɛ, bɛ̀ a yii bɛ́ tɔn koo mà asɛ a gɛ̀ lɛawaa sɔɔ, mà asɛ yii á die kiɛ.

Luku 2:35

Bɛ lɛ gɔ́ɔ̃ nɛ, a n die min gigiã gɔ́ɔ̃gɔ́ɔ̃ ǹ taasiɛ duriin boe, a ǹ kaa wɔlɔ fúlu ganaa. Sɛnɛ nsɛ, busii á die n là paparɛɛ ka gɔya a min fɔ̃ ǹ bǎã bɛ́ lɔn.»

Zaã a sɛ́wɔ 3:20

Sonbore ne, min mɛn bɛ́ sii baraa zɛnɛɛ, wɔlɔ fúlu a kɔɔ̃n bɛa dɛnaa ganaa wa, a soe wɔlɔ fúlu li, n na a sii baraan yaa kiɛ̃ boe kanaa wa.

Zaã a sɛ́wɔ 5:18

Bɛa boo kɛ lɛ na á là wɔ Zuifun ga Yezu dɛ a gã ǹ gɔn li, a giala, a na á susu ǹ pii ziziɛ̃; bɛ dinsɔɔ̃ bie wa, a na á goã Lawa dɔ bíi mà asɛ a Díi, a nə n din biɛ goon ka Lawa-n bɛa yɔrɔ kɛ lɛ la.

Nya ǹ dín 13:45

Zuifun bɛ́ ǹ nə́ bɛa zaman kɛ lɛ yɛ, busii wɔ ǹ foo-n parsiini, ǹ ná a giala kɔ ǹ tá Pooli a boo tumaa lɛ sii ka sɔ nɛ.

Nya ǹ dín 17:6

Ǹ bɛ́ ǹ nə ǹ yɛ wa, ǹ nə́ tɔ́n Zaazɔn laanka dɔɔ̃n Lawa-nyankɔlen kɔnɔn baã ǹ nə́ woo ǹ ne kiwi lɛ a pàãdɛnan yɔrɔ-a, ǹ nə́ pɛ: «Kɛa minin kɛn lɛn ǹ nə́ kanaa din tumaa lɔlɔkɔn, maǹ nə́ daa kànaa dɔ-n sisia.

Nya ǹ dín 24:5

«Wɔsɛn man wɔ́ yɛ wáa giĩ kɛ lɛ n zaman lɔlɔkɔn wole lɛa. Zuifun tá bǎã woo bǎã nɛ, a n boe ǹ li a tá ǹ sɔsɔmɛ. Nazarɛtin giĩ kɛ a zii dii kɛ lɛ a kɔmalɛ wole nyɛɛnaandɛnaa goon ne.

Nya ǹ dín 28:22

Wɔsɛn man li n din ni n taasiɛ pɛ wɔsɛn nɛ, a giala, maǹ zia diɛ bǎã din tumaa nɛ n zii dii kɛ lɛ ganaa.»

Nya ǹ dín 4:26

Kanaa a kiin nə́ n zɔ̃ ǹ nə́ dɔ kɔn li, nyɛɛnaandɛnan nə́ kaa kun, màn mɛn bɛ́ toɛ, ǹ nə n baa goon ǹ nə n gòãn doa Dɛnaa Lawa ganaa ka a Minin Nyin-sili kɛ nɛ.»

Nya ǹ dín 6:7

Bɛ kio, Lawa a boo lɛ a pɛ goã woe nyɛɛnɛ, màn na á goã miɛ kialandɛnan lɛn li taãn-taãn Zeruzalɛmu kiwi lɛ nɛ. Lawa a Kion wúlu-bɔle gigiã dɔ́ lɛ kɔ ǹ nə́ golee Lawa li.

Rɔmu minin 9:32

A giala, ǹ bie ǹ nə́ goã giɛ li, mà Lawa lɛ kɔ ǹsɛn-a min peperen lɛa, ka golee Lawa li barka-n wa. Maǹ nə́ goã giɛ bɛ li, ka ǹ dinin nya ǹ dí barka nɛ. Ǹ nə́ n gòã na "mɛnaa ǹ kɔlɔ" lɛ ganaa.

Korɛnti1 1:23

Sɛnɛ, Krita mɛn bɛ́ ǹ nə́ dere gɔn ganaa, wɔsɛn man bɛ boo diɛ. Bɛ n sii kaka lɛa Zuifun ganaa, a n gàãnaabaa lɛa tɔrɔ kɔsɔn yii li.

Ebrəə 7:1

Mɛlkizedɛki lɛ na á goã Salɛmu kiwi a kii lɛa, a na á goã Lon a Lawa Gole a wúlu-bɔle lɛa. Abrahamu bɛ́ á woo zia da kiin ganaa á boo ǹ la, a bɛ́ n bɔyɛɛ, Mɛlkizedɛki lɛ na á woo n da lɛ, á Lawa bǐɛ̃ bíi li.

Ebrəə 7:7

Wɔ á doɛ̃ dɔn, liere ná a ba a-n wa, wáa min mɛn bɛ́ Lawa bǐɛ̃ bíi min li, bɛ á gole á la min kɛ lɛ sɛ nɛ, ǹ nə́ Lawa bǐɛ̃ lɛ bíi li.

Piɛrɛ1 4:14

Bɛ̀ ǹ tá sɔ koe ka ganaa Krita tɔ kɛ a lɛa, Lawa á re barka diɛ ka ganaa, a giala, Lawa din Yiri kɛ lɛ guguru ke lɛn, bɛ n ka li.

Samayeli1 2:20

Yiili na á goã barka diɛ Ɛlkaanaa laanka a lɔ ganaa bɛ̀ á n pii. «Nɛ mɛn nə́ n kɔ Dɛnaa Lawa la ke, Dɛnaa Lawa die a toa n nɛ kɔsɔn yɛ n lɔ lɛ ganaa bɛ lɛ dòo.» Bɛ kio, ǹ nə́ wusoo ǹ nə́ woo piɛ.