Luku 19:42 - LAWA A BOO SONBORE

⁴² Á pɛ: «Zeruzalɛmu kiwi, màn mɛn bɛ́ là nyantoro koe n la, toa bɛ̀ n dɔ n bɛ giala miɛ kooro dinin pelo! Sɛnɛ, sisia, bɛ á durii ni n ganaa, n ba boe la n yɛ wa.

LAWA A BOO SONBORE 2011

⁴² Á pɛ: «Zeruzalɛmu kiwi, màn mɛn bɛ́ là nyantoro koe n la, toa bɛ̀ n dɔ n bɛ giala miɛ kooro dinin pelo! Sɛnɛ, sisia, bɛ á durii ni n ganaa, n ba boe la n yɛ wa.

Luku 19:42 Iomraidhean Croise

Loen 32:6

Bɔlɔgoondɛnan tumaa doamaa nɛ ǹ nə n nyankɔ miɛ̃, bɛ̀ ǹ tá die ka ǹ laadoo siin ni n li ǹ mɛn pinaa. Haalɛ koe sii mɛn bɛ́ boe la a min bii ka mu gole bɛ́ lɔn, bɛa re doe ǹ ganaa wa.

Loen 81:13

Bɛ lɛ nɛ, ma ǹ toa walan, ǹ baãnaabaa ǹ too kakabaa gɔ́ɔ̃ nɛ. Haya, ǹ kɔ ǹ dinin dùũ lɛ kəni.

Izayii 44:18

Bɛa minin kɛn ba màn kɔn doɛ̃ wa. Ǹ ba sii kɔn giala miɛ wa. A giala, ǹ yii na á tã màn mɛn bɛ́ toɛ ǹ baran wɔlɔ yɛ wa, ǹ yiri na á tã màn mɛn bɛ́ toɛ ǹ baran boo giala ma wa.

Izayii 48:18

Bɛ̀ ma n nə́ n yiri koa maa dí-pɛn kɛn li, bɛ̀ n yii-nyɛɛ n goɛ̃ ka tà mu bɛ́ lɔn, n peperebaa goã ka yìsi mu gole bɛ́ lɔn,

Izayii 55:6

Ka ga Dɛnaa Lawa li, bɛ̀ á tɔn lɛ koe á yii. Ka a bii wɔ, bɛ̀ á tɔn kunun ka ganaa.

Zeremii 13:17

Bɛ̀ ka n too kɔ gɔn waa kɛ li wa, man wuu pii ka durii ni kaa din koa kɛ taman yii. Ma yii mu n piɛ̃ kiɛ, a giala, maǹ nə́ Dɛnaa Lawa a zaman goa ǹ nə́ woe ne.

Ezekieli 33:11

A pɛ ǹ nɛ mà masɛ Dɛnaa Lawa n kɛ pii: «A ma toa maa yii n koo, min baraa a gɛ̀ bie kɔɔ̃nɛ ma ganaa wa. Sɛnɛ, man li, min baraa wusoo a zɛnaa ǹ sii kio a yii boo la a goã koo. Bɛ lɛ nɛ, ma á ka nyankoe, ka wusoo kaa sii baraan lɛn kio. Izirayeli tɔrɔn lɛn, wàa na á baa ka n die toɛ gɛ̀ ka dɛ kooro?»

Luku 19:41

Yezu bɛ́ á diri kiwi lɛ la á yɛ, á wuu pɛ la.

Luku 19:43

A giala lɛawaan tá re die, n zɔ́ɔn tá re n lɛnpɛnɛ, ǹ nə n yɔrɔ bɔ taãn-taãnɛ, ǹ nə n lɛ gɛwaa n paǹ din tumaa ganaa.

Luku 19:44

Ǹ tá re n yui lenlen, n din laanka n gɔ́ɔ̃gɔ́ɔ̃ ǹ minin ni. Ǹ ba re kɔlɔ toɛ ǹ miã la n gɔ́ɔ̃-n wa. A giala, Lawa biikoo mɛn bɔ á daa, mà a nə n sii sii la, n bɛa biikoo lɛ dɔ̃ wa.»

Nya ǹ dín 10:36

Lawa boo mɛn dia Izirayeli minin la, ǹ tá bɛa Boo Tii Kɔɔ̃n kɛ doɛ̃. Lawa na á bǐɛ̃ wɔ a din laanka minbuiinin bii ni, ka Yezu barka nɛ, Yezu mɛn bɛ́ minbuiin tumaa a Dɛnaa lɛa.

Nya ǹ dín 13:46

Pooli laanka Barnabaasi pɛ ǹ nɛ ka foo tãbaa nɛ: – Lawa a boo kɛ lɛ doamaa nɛ a n pɛ ka dinin lɛn man bɔrɔ, sɛnɛ, ka bɛ́ ka n piã nɛ, ka ga ka dinin ganaa mà kasɛn doamaa bie ka nyin nyabaã kɛ-n wa, bɛ lɛ nɛ, wɔsɛn manə bɔyɛɛ wɔ n yɔrɔ da tɔrɔ kɔsɔn la.

Timəə dí-pɛn 32:29

Bɛ̀ maǹ sii doɛ̃, sii mɛn bɛ́ n yii diɛ ǹ la, bɛ̀ ǹ tá n taasɛ ka bɛ nɛ, bɛ̀ ǹ tá re a giala miɛ.

Timəə dí-pɛn 5:29

Sɛnɛ, toa bɛ̀ bɛa foo lɛ miã nə ǹ lon biikoo tumaa li, ǹ nə́ nyɛ́ɛ biɛ masɛ nɛ, ǹ nə́ masɛ a landa boon kɛn tumaa tamaɛ, ǹ dinin laanka ǹ nɛnyaanan yii-nyɛɛ a lɛa yǎa duduu.

Ebrəə 3:13

Sɛnɛ, Lawa bɛ́ tɔn boo diɛ ka-n "pelo" ke, a n mà ka kɔ́n baran toa sii baraa sã, a na a too kaka kɔ wa. Ka n gɔn waa kɔn nɛ baraabaraa.

Ebrəə 3:15

Lawa a boo n pii: «Pelo, bɛ̀ ka Lawa a lɛ-dia ma, ka baran n too kaka kɔ, ka ka digolon bɛ́ ǹ nə́ n piã ka Lawa-n lɔn wa.»

Ebrəə 3:7

Bɛ lɛ na á toa, ka Yiri Fu bɛ́ pii lɔn: «Pelo, bɛ̀ ka Lawa a lɛ-dia ma,