Luku 19:20 - LAWA A BOO SONBORE

²⁰ Sɛnɛ, ǹ goon daa á pɛ mà asɛ a dɛnaa ganaa, mà a wɔrɔ we lɛ á ke, mà asɛ na á da mɔnaa lɛkoro ne á koa.

LAWA A BOO SONBORE 2011

²⁰ Sɛnɛ, ǹ goon daa á pɛ mà asɛ a dɛnaa ganaa, mà a wɔrɔ we lɛ á ke, mà asɛ na á da mɔnaa lɛkoro ne á koa.

Luku 19:20 Iomraidhean Croise

Matiə 25:24

Bɛ tumaa kio, sana kuturu goon dɔ min mɛn ganaa, bɛ nə́ n zɔ̃ á dɔ, á pɛ: «Mìinaa, masɛ á doɛ̃ máa n sii á kaka. N bɛ́ n màn tɔrɔ da bǎã mɛn nɛ wa, ma n màn kuri walan. Min kɔsɔn man dí nyɛɛ, nsɛ ná a là boe.

Luku 19:13

A laan bɛ̀ a n woe, á lɛ dia a dí-nyali fù la, á wɔrɔ we fù gii ǹ ni. Á pɛ ǹ nɛ mà ǹ dí nya nɛ ǹ là yɛ, bɛ̀ asɛ baa n bɔyɛɛ.

Luku 19:19

Á pɛ bɛ dɔ nɛ mà a dɔ giã kiwi sooro mìi la kii lɛa.

Luku 19:21

Mà asɛ na á goã nyɛ́ɛ biɛ a din ni, a giala, mà á min kakaarɛ lɛa. Mà a bɛ́ a màn mɛn koa wa mà a n bɛ siɛ, mà a bɛ́ a màn mɛn da wa mà a n bɛ kuri.

Luku 3:9

Lawa a kiri-kurii lɛ a biikoo dɔ. A n die kuri ka min bɛ́ da wɔrɛɛ a giala-a ka sɛ̀miɛ-n lɔn. Da mɛn din tumaa bɛ́ a nɛ sonbore koe wa, bɛ yii n die n kuri a n zũ tɛ-n.»

Luku 6:46

Yezu pɛ: – Bɛ̀ ka a masɛ Di Lawa a boo sii ka n zɛnɛɛ wa, wàa mɛn là na a nɛ ka nə n lɛ paparɛ koe masɛ tɔ li, mà «Dɛnaa, Dɛnaa»?

Zaã a sɛ́wɔ 11:44

Gere lɛ yii kaa á soo, a gòãn laanka a gɔnɔn nə́ yii-n ka mɔnaa gɔnɔn nɛ, mɔnaa fu n pɛnɛɛ nɛ a yɔrɔ-a. Yezu pɛ minin manɛ mà ǹ fore ǹ da a woo!

Zaã a sɛ́wɔ 20:7

mɔnaa mɛn dɔ nə n pɛnɛ a mìi ganaa, á bɛ dɔ yɛ; bɛa mɔnaa lɛ nə n da kun ka mɔnaa gɔnɔn lɛn nɛ wa, sɛnɛ, a na á goã muni ni a gɔrɔn tán bǎã kɔsɔ nɛ.

Zaaki 4:17

Bɛ gɔ́ɔ̃ nɛ, bɛ̀ min mɛn tá sii sonbore zɛnaa ǹ gɔn doɛ̃, a ná a ba zɛnɛɛ wa, bɛa dɛnaa n sii baraa diɛ a din mìi ni.