Luku 18:7 - LAWA A BOO SONBORE

⁷ Sanparɛ ka Lawa nɛ, min mɛnɛn bɛ́ Lawa wɔn lɛa, ǹ ná a nyankoe tèlò-n ka penleen ne, a ba re bǐɛ̃ zɛnɛɛ bɛn man wa? A ba re n nanaɛ a n dɔ ǹ lɛ wa?

LAWA A BOO SONBORE 2011

⁷ Sanparɛ ka Lawa nɛ, min mɛnɛn bɛ́ Lawa wɔn lɛa, ǹ ná a nyankoe tèlò-n ka penleen ne, a ba re bǐɛ̃ zɛnɛɛ bɛn man wa? A ba re n nanaɛ a n dɔ ǹ lɛ wa?

Luku 18:7 Iomraidhean Croise

Loen 88:1

LOE. Koore a minin loe goon ne. LOE-saalin goledɛnaa loe mɛn lɔ. A nə n loe ka yɔrɔ-kɔsiɛ loe bɛ́ lɔn. Gùligiĩ Eman a loe ne, a n daraa koe.

Loen 9:8

Sɛnɛ, Dɛnaa Lawa n kiibaa la yǎa duduu. Á ná a kii dankan doa kaka, kiri kurii a lɛa.

Bɔ bɛ̀rɛbaa nɛ 22:23

Ma foo á re busi ka li, ma ka kɔ ǹ la, ǹ ka dɛ ka gɔya san nɛ, kaa lɔn nə giɔɔrɔn baa, kaa nɛnyaanan nə nɛ-toenən baa.

Izayii 40:27

Izirayeli, wàa na á baa n tá boo diɛ, Zakɔba wàa na á baa n tá gungunun sii, n nə́ pii: «Maa biɛ̃ ǹ ke, Dɛnaa Lawa yii ba bɛ ganaa wa. Ma kɔnbɔ ka sii mɛn nɛ, maa Lawa yii ba bɛ ganaa wa.»

Abakuku 2:3

Siin kɛn ma á ǹ nyɛɛ, ǹ tá re yɔrɔ yii. Sɛnɛ, yǎa ǹ biikoo doe. Kànaa ka boɛɛnɛ, ǹ tá re yɔrɔ yii. Soɛ bie wa. Haalɛ ta a biikoo n sɔsɔɔ, n yii da n foo n doa nɛ. Ma boo mɛn pɛ, á re yɔrɔ yii a biikoo li, sàabaa ba la wa.

Matiə 24:22

Bɛ̀ Lawa bie re màn boe bɛa lɛawaan kɛn lɛ wa, min kɔ́n ba boe la a la wa. Sɛnɛ, a min mɛnɛn yii gɔgɔɔ̃, a n die màn boe lɛawaan lɛn lɛ bɛn lɛn taman yii.

Matiə 24:24

A giala, min tɛn tá re die a soɛ kuru mà asɛ n Minin Nyin-sili lɛ lɛa, min tɛn dɔ á re die a soɛ kuru, mà asɛ n Lawa a boo gii-dali lɛa: Ǹ tá re sii a kɔnboe dadaran laanka kaãbaa ǹ sii kakan zɛnɛɛ ǹ minin yiri sã nɛ, bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Matiə 7:11

Ka laanka kaa baraabaa kɛ din tumaa nɛ, ka tá kaa nɛnyaanan foo dùũ mànan doɛ̃, bɛ̀ ka kɔ ǹ la, sanparɛ ka ka Di Lawa nɛ, bɛ̀ min mɛnɛn nə́ màn sonbore nyankɔ la, á die koe ǹ la!

Luku 11:13

Ka laanka kaa baraabaa kɛ din tumaa nɛ, bɛ̀ kasɛn tá kaa nɛnyaanan foo dùũ mànan doɛ̃ ka n koe ǹ la, sanparɛ ka Díi Lawa nɛ, min mɛnɛn bɛ́ Yiri Fu nyankoe la, a n die koe bɛn la!»

Luku 2:37

Bɛ kio, á goã lɔ giɔɔrɔbaa nɛ, yǎa á zizi kɔ á woo dɔ lɛ̀ pɔkiwisiwensii. A goã soe doo á n boe Lawa a kion wa, a na á goã Lawa guguru koe tèlò laanka penleen ne, bɛ̀ a nə́ n lɛ soɛ á n Lawa nyankoe.

Luku 21:28

«Bɛ̀ bɛa siin kɛn lɛn nə́ n giala kɔ, ǹ tá n zɛnɛɛ, ka golee, ka n foo taã doo, a giala, ka bɔlɔ bɔ biɛ-n diri.»

Rɔmu minin 8:33

Lawa din min mɛnɛn bɔ, die n die bɛn zɛ̀rɛ biɛ? Min kɔ́n, a giala, Lawa dinmaa nə ǹ biɛ min peperen lɛa.

Kolɔɔsi minin 3:12

Lawa din na á ka bɔ, ka na a din a tɔrɔ lɛa, a tá ka narɛ. Bɛ lɛ tɔ ganaa, ka toa makara-doɛ̃ laanka bǐɛ̃baa goã ka foo ne, ka din-gisiĩ ni, ka sabarɛbaa nɛ, ka sii simaa nɛ.

Tesaloniki1 3:10

Wɔ ǹ Lawa-nyankoe penleen laanka tèlò ne bɛ̀ wɔ n laa a ganaa, wáa a toa wɔ yii wusoo a kɔn yɛ, màn mɛn bɛ́ kaa golee Lawa li nyaabiɛ, wɔ boo la wɔ bɛ lɛ pã.

Tesaloniki2 1:6

A giala, min mɛnɛn nə goã fuu nyɛɛ ka nɛ, Lawa á re fuu nyɛɛ ǹ dɔn man miɛ̃. Bɛ lɛ n pepere Lawa yɔrɔ-a.

Timote1 5:5

Lɔ mɛn bɛ́ giɔɔrɔ lɛa taãnɛ, á giã a dinsɔɔ̃ lenlenm bɛ na á n foo doa Lawa ganaa, á n sii sii a ganaa. A n gòã-kũ diɛ Lawa lɛ ganaa, a ná a nyankoe penleen ka tèlò ne.

Timote2 1:3

Ma á barka diɛ Lawa-n parsiini, man dí nyɛɛ a din lɛ-n ka gɔ́ɔ̃ fubaa nɛ, ka ma digolon bɛ́ ǹ nə́ zɛnaa lɔn. Bɛ̀ ma á Lawa nyankoe lɔn baraabaraa nɛ, penleen ka tèlò ne, ma á n boo diɛ a nɛ, man barka diɛ nɛ.

Timote2 2:10

Bɛ lɛ na á toa, Lawa min mɛnɛn bɔ, man sii tumaa sii ma ganaa bɛn lɛn taman yii, màn mɛn bɛ́ toɛ, Yezu Krita bɛ́ kirisibaa mɛn koe, ǹ dɔn nə bɛ lɛ yɛ, ǹ gugurubaa nyabaã wole dɔ yɛ bɛ lɛ gɔ́ɔ̃ nɛ.

Tiitii 1:1

Masɛ Pooli n Lawa a bɛ̀rɛ lɛa, Yezu *Krita a dia dí-a wole lɛa. Dí na á n kɔ ma la, mà Lawa min mɛnɛn bɔ, mà man dɔ bɛn lɛ ǹ goleemali yɛ. Wɔa Lawa a zii bɛ́ minin darɛɛ sonbore mɛn ganaa, mà ma bɛ nyaa ǹ nɛ,

Piɛrɛ1 1:1

Masɛ Piɛrɛ mɛn bɛ́ Yezu *Krita a dia dí-a wole lɛa, masɛ n sɛ́wɔ kɛ kiɛ̃. Man diɛ Lawa din a min boen kɛn la, giã-n gùlibaa nɛ, ǹ nə́ pɛpɛsiɛ̃-n Pɔn gána laanka Galaasi gána nɛ, Kapadɔɔsi laanka Azii ni ka Bitinii gánan nɛ.

Piɛrɛ2 3:9

Dɛnaa nə n lɛ kɔ ka a daa boo mɛn nɛ, a bie n nyɔnyoɛ bɛa zɛnaa li, ka min tɛnɛn bɛ́ taasɛ lɔn wa. Sɛnɛ, a nə́ n foo kuĩ, á ka dinin sii sii a ganaa, a giala, a giɛ li mà min kɔ́n bɔ̀n baa wa, sɛnɛ, a n giɛ li minin tumaa wusoo ǹ sii baraan kio, ǹ da Lawa ganaa.

Sii-nyaan 18:20

Lon mànan lɛn, ka n nyɛnyaa a ziziɛ̃ kɛ a lɛa! Lawa a minin ni, ka a dia dí-a wolen ne, ka a boo gii-dalin ni, ka n nyɛnyaa! A giala a bɛ́ á sii baraa mɛn zɛnaa ka nɛ, Lawa na á bɛ lɛ a kiri kuru la.

Sii-nyaan 6:10

Ǹ nə́ n lɛ dii ka ǹ lɛn gole ne, ǹ nə́ pii: «Nsɛ mɛn bɛ́ Dɛnaa sonbore lɛa, ka taãn nɛ, ma nə n yii diɛ biĩ n tɔn kiri wɔ tán a minbuiinin lɛn ganaa, n wɔsɛn gɛ̀ dòo bɔ ǹ ganaa? A giala ǹ dinin man nə́ wɔsɛn dɛ wɔ́ gã.»

Sii-nyaan 7:15

Bɛ lɛ n toɛ ǹ tá golee ne, Lawa a kii dankan yɔrɔ-a, ǹ nə́ Lawa guguru koe baayɛlɛ ka tèlò ne Lawa a Kion. Min mɛn bɛ́ kii dankan lɛ nɛ, bɛ á re a din a wúlu kumii ǹ la.