Luku 18:12 - LAWA A BOO SONBORE

¹² Masɛ nə n lɛ soɛ lɛawaa paa piizii goon gɔ́ɔ̃ nɛ. Ma á màn woo màn yii, ma na a talɛɛ fùbaa ǹ wɔ koe Lawa la.»

LAWA A BOO SONBORE 2011

¹² Masɛ nə n lɛ soɛ lɛawaa paa piizii goon gɔ́ɔ̃ nɛ. Ma á màn woo màn yii, ma na a talɛɛ fùbaa ǹ wɔ koe Lawa la.»

Luku 18:12 Iomraidhean Croise

Kiin2 10:16

á pɛ nɛ: «Da kun ka masɛ nɛ, n masɛ a gɔ̀nɔn da ma din-a kɛ yɛ Dɛnaa Lawa a sii wɔ paǹ li.» Bɛ kio, Zewu tɔ́n kiɛ̃ ka Zonaadaabu ni a wotoro lɛ la, á woo ne.

Izayii 1:15

Bɛ̀ ka n gɔnɔn goa lon ka á ma nyankoe, man ma yɔrɔ bɔyɛɛ ma bɔ ka la. Ta ka ma nyankɔ lɔn, maa n too koe wa. Ka gɔnɔn man mà lɛa.

Malakii 3:8

Man ka lɛ sii kɛnɛn: «Minbuiin nɛ á boe la a Lawa sã?» Sɛnɛ, kasɛn man masɛ siɛ̃. Ka n nɔ̀n diɛ ma la: «Wɔ wɔ́ n sã ka wàa nɛ: kaa tán dí nya ǹ màn a talɛɛ a fùbaa ǹ wɔ a kɔmala gɔ́ɔ̃ nɛ, ka kaa wúlu màn a kɔmala nɛ.

Minin nimi 18:24

Sɛnɛ, Izirayeli minin lɛn bɛ́ màn a fùbaa ǹ wɔ mɛn boe koe masɛ la, man bɛ koe Levii a tanlɛ minin lɛn dɔn la ǹ wɔ gii lɛa. Bɛ lɛ n ke ma á pii, bǎã ba re doe ǹ ganaa Izirayeli tɔrɔ gialakunun lɛn bii wa.»

Minin nimi 23:4

Lawa daa Balaamu yɔrɔ-a, Balaamu tɔ́n pɛ nɛ: «Má wúlu bɔ ǹ bǎã sɔbaa dɔ, má wúlu bɔ ka dii gɔ̀lɔ̀ goon laanka sère gɔ̀lɔ̀ goon ne, ǹ gogoonmaa la.»

Matiə 5:20

Masɛ n pii ka nɛ, bɛ̀ kaa peperebaa la landa sii-daraalin laanka *Fariziɛ̃n kɛn wɔ-n wa, ka a re we lon a kiibaa-n wa.

Matiə 6:1

Ka bɛ́ Lawa a zii tɔ wɔ ǹ siin mɛnɛn zɛnɛɛ minin yɔrɔ-a, ka tá n dinin nyɛɛ ǹ nɛ, ka n parabaa ka bɛ nɛ. Bɛ̀ ka á zɛnɛɛ miɛ̃, ka a re saraa yii a bɔ kaa Díi Lawa li lon wa.

Matiə 6:16

Bɛ̀ ka n lɛ sɔɔ, ka baran n yɔrɔ kɔsɛ ka gɔ́ɔ̃ tì-an kɛn bɛ́ zɛnɛɛ lɔn wa. Maǹ nə́ n yɔrɔ kɔsɛ, mà min din tumaa dɔ̃ mà ǹsɛn man nə́ n lɛ sɔɔ. Masɛ n pii ka nɛ, sonbore ne, ǹ nə́ ǹ saraa yɛ á nya.

Matiə 6:5

Bɛ̀ ka á Lawa nyankoe, ka nyan nə n baa ka gɔ́ɔ̃ tì-an kɛn bɛ́ lɔn wa. Bɛ̀ ǹ tá lɛsɔkɔn kion hinlaa zii giala-a, golee lon a Lawa nyankɔ lɛ n kɔɔ̃nɛ ǹ ganaa. Maǹ giɛ li mà min din tumaa nə ǹsɛn yɛ. Masɛ n pii ka nɛ, sonbore ne, ǹ nə́ ǹ saraa yɛ á nya.

Matiə 9:14

Ǹ kɔn pinaa, Zaã, *batɛmu da minin ganaa wole a kialandɛnan nə́ n zɔ̃ ǹ nə́ dɔ Yezu li, ǹ nə́ nɔ̀n da la: «Wàa na á baa wɔsɛn laanka Fariziɛ̃n tá nɛn bɛ̀ wɔ n lɛ sɔɔ, nsɛ a kialandɛnan nə́ ǹ ba n lɛ soɛ duduu wa?»

Luku 11:42

«Fariziɛ̃n lɛn, kaa wɔ n ka bɔ̀n nɛ. Ka n Lawa wɔ gii boe màn din tumaa nɛ, haalɛ dù tɔrɔ din tumaa. Sɛnɛ, ka n peperebaa laanka Lawa narɛɛ sii diɛ para li. Bɛ̀ ka doamaa nɛ ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Luku 17:10

Ka dɔn wɔ lɛ n miɛ̃. Lawa dí mɛn din tumaa kɔ ka la, bɛ̀ ka bɛ nya ka nya, ka pɛ mà kasɛn man dí-nyalin dininsɔɔ̃nɔn lɛa. Mà kasɛn man ka kaa wɔ lɛ zɛnaa.»

Rɔmu minin 3:27

Wɔsɛn Zuifun lɛn, din gole kɔ tɔrɔ kɔsɔn ganaa ǹ gɔn tá wɔ lon? Haayii dɛ, a banban! Wàa na á baa? Ta wɔ n dí-pɛn lɛn sii zɛnɛɛ, wɔ tá a lɛ piɛ̃, bɛ dɔ ba a gɔn lɛa wa? Haayii! Màn kɔ́n! Yǎa wɔ golee Lawa li.

Korɛnti1 1:29

A na á baa miɛ̃, màn mɛn bɛ́ toɛ, minbuiin nɛ kɔ́n baran boo la, a n din koa Lawa yɔrɔ-a doo wa.

Galaasi minin 1:14

Má goã woe nyɛɛnɛ Zuifun zii kɛ nɛ, má la ma din miã lɛn tumaa nɛ ma tɔrɔ minin bii. A giala, din kɔ sii ganaa goã ma nɛ wɔ digolon landa siin kɛn lɛa parsiini.

Efɛɛzi minin 2:9

A bie ka dinin doakasie-n giala pii wa. Bɛ lɛ nɛ, min kɔ́n ba boe la a n din laakalaa wa.

Timote1 4:8

Din gù-kaa dɔ n daraa lɛa, a là tan sii tɛn gɔ́ɔ̃-n sɛn. Sɛnɛ, nyɛ́ɛ baa Lawa-n a là tan sii tumaa gɔ́ɔ̃ nɛ. Bɛ lɛ n toɛ Lawa wɔa wɔ bǐɛ̃ kɔ pelo, ka biɛ̃ nɛ.

Samayeli1 15:13

Samayeli woo Sayulu li, Sayulu pɛ nɛ: «Dɛnaa Lawa die a barka da n ganaa. Dɛnaa Lawa màn mɛn pɛ, ma bɛ zɛnaa.»